ಈ ಬಾರಿ ಗಣೇಶೋತ್ಸವಕ್ಕೆ ತಾಲೂಕಿನಾದ್ಯಂತ ಸಾವಿರಾರು ಮೂರ್ತಿಗಳನ್ನು ರಾಜಕೀಯ ನಾಯಕರು ಉಚಿತವಾಗಿ ವಿತರಿಸುತ್ತಿದ್ದಾರೆ. ಮಾಜಿ ಸಚಿವ, ವಿಧಾನ ಪರಿಷತ್ ಸದಸ್ಯ ಸಿ.ಪಿ.ಯೋಗೇಶ್ವರ್, ತಾಲೂಕು ಜೆಡಿಎಸ್ ಅಧ್ಯ ಎಚ್.ಸಿ.ಜಯಮುತ್ತು, ಕಾಂಗ್ರೆಸ್ ಮುಖಂಡ ಕೋಡಂಬಳ್ಳಿ ಶಿವಮಾದು ಈಗಾಗಲೇ ಮೂರ್ತಿಗಳ ವಿತರಣೆಗೆ ಸಜ್ಜಾಗಿದ್ದಾರೆ. ಮೂರ್ತಿಗಳನ್ನು ವಿತರಿಸಲು ನೋಂದಣಿಗೂ ಚಾಲನೆ ನೀಡಲಾಗಿದೆ. ಜಯಮುತ್ತು ಹಲವು ವರ್ಷಗಳಿಂದ ಗಣೇಶ ಮೂರ್ತಿ ವಿತರಿಸುತ್ತ ಬಂದಿದ್ದು, ಯೋಗೇಶ್ವರ್ ಎರಡನೇ ಬಾರಿಗೆ ಮೂರ್ತಿ ವಿತರಣೆ ಹಮ್ಮಿಕೊಂಡಿದ್ದಾರೆ. ಕಾಂಗ್ರೆಸ್ ಮುಖಂಡ ಶಿವಮಾದು ಇದೇಮೊದಲ ಬಾರಿಗೆ ಕೋಡಂಬಳ್ಳಿ ವ್ಯಾಪ್ತಿಯಲ್ಲಿ ಗಣೇಶ ವಿತರಿಸಲು ಮುಂದಾಗಿದ್ದಾರೆ. ಉಪಚುನಾವಣೆ ಹೊಸ್ತಿಲಿನಲ್ಲಿರುವ ಕ್ಷೇತ್ರದಲ್ಲಿ ಈ ಬಾರಿ ಮೂರು ರಾಜಕೀಯ ಪಗಳು ಮೂರ್ತಿ ವಿತರಣೆಗೆ ಮುಂದಾಗಿರುವುದು ವಿಶೇಷ. ಒಂದೆಡೆ, ರಾಜಕೀಯ ನಾಯಕರು ಗಣೇಶಮೂರ್ತಿಗಳನ್ನು ಉಚಿತವಾಗಿ ವಿತರಿಸುತ್ತಿರುವುದು ಪ್ರತಿಷ್ಠಾಪಿಸುವರ ಸಂಭ್ರಮಕ್ಕೆ ಕಾರಣವಾಗಿದ್ದರೆ ಮತ್ತೊಂದೆಡೆ, ಮೂರ್ತಿ ವ್ಯಾಪಾರವನ್ನೇ ನೆಚ್ಚಿಕೊಂಡಿದ್ದ ವರ್ತಕರ ಸಂಭ್ರಮ ಕಸಿದಿದೆ.
