ಹಣದಾಸೆ ತೋರಿಸಿ 10.30 ಲಕ್ಷ ರೂ. ವಂಚನೆ

ಹುಬ್ಬಳ್ಳಿ: ಮನೆಯಲ್ಲಿ ಕುಳಿತು ಕೆಲಸ ಮಾಡಿ ಲಾಭ ಗಳಿಸಬಹುದೆಂದು ನಂಬಿಸಿದ ಖದೀಮರು, ವ್ಯಕ್ತಿಗಳಿಬ್ಬರಿಂದ ಹಂತ ಹಂತವಾಗಿ ಆನ್​ಲೈನ್ ಮೂಲಕ ಒಟ್ಟು 10.30 ಲಕ್ಷ ರೂ. ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ.

ಧಾರವಾಡದ ಜಬಿಉಲ್ಲಾ ಮುಲ್ಲಾ ಎಂಬುವರಿಂದ 4.35 ಲಕ್ಷ ರೂ., ಭೈರಿದೇವರಕೊಪ್ಪದ ಅಮಿತ್ ರೊಳ್ಳಿ ಎಂಬುವರಿಂದ 5.95 ಲಕ್ಷ ರೂ. ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ.

ನಾವು ಕಳಿಸುವ ವಿಡಿಯೋಗಳಿಗೆ ಲೈಕ್, ಶೇರ್, ಸಬ್​ಸ್ಕ್ರೈಬ್ ಮಾಡಿದರೆ ಮತ್ತು ಪಾಸಿಟಿವ್ ಕಮೆಂಟ್ ಮಾಡಿದರೆ ಸಾಕು ಹೆಚ್ಚು ಲಾಭ ಗಳಿಸಬಹುದು ಎಂದಿದ್ದಾರೆ. ನಂತರ ಸ್ವಲ್ಪ ಲಾಭದಾಸೆ ತೋರಿಸಿದ್ದಾರೆ. ಅವರಿಂದ ಹಂತ ಹಂತವಾಗಿ ಹಣ ವರ್ಗಾಯಿಸಿಕೊಂಡಿದ್ದಾರೆ. ಸಿಇಎನ್ ಕ್ರೖೆಂ ಠಾಣೆಯಲ್ಲಿ ಎರಡು ಪ್ರತ್ಯೇಕ ಪ್ರಕರಣ ದಾಖಲಾಗಿವೆ.