ಜಾನಪದ ಮೂಲ ಸಂಸ್ಕೃತಿಯ ಬೇರು: ಡಾ.ಎಸ್.ಬಾಲಾಜಿ ಅಭಿಮತ

ಪೀಣ್ಯ ದಾಸರಹಳ್ಳಿ: ಜಾನಪದಕ್ಕೆ ಯಾವುದೇ ಜಾತಿ, ಮತ, ಧರ್ಮ ಇಲ್ಲ. ಜಾನಪದ ತನ್ನದೇ ಆದ ವೈಶಿಷ್ಟತೆ ಹೊಂದಿದ್ದು, ಅನಾದಿ ಕಾಲದಿಂದಲೂ ಕಲೆಗಳಿಗೆ ಜೀವ ತುಂಬಿದೆ. ಜಾನಪದವೆಂಬ ನುಡಿಸಿರಿಯ ತೇರು ನಮ್ಮ ಮೂಲ ಸಂಸತಿಯ ಬೇರು ಎಂದು ಕನ್ನಡ ಜಾನಪದ ಪರಿಷತ್​ ಸಂಸ್ಥಾಪಕ ಡಾ. ಎಸ್​.ಬಾಲಾಜಿ ತಿಳಿಸಿದರು.

ಹಾವನೂರು ಬಡಾವಣೆಯ ಅಸೆಂಟ್​ ಕಾಲೇಜಿನಲ್ಲಿ ಇತ್ತೀಚೆಗೆ ನಡೆದ ಕನ್ನಡ ಜಾನಪದ ಪರಿಷತ್​ನ ದಾಸರಹಳ್ಳಿ ಟಕ ಉದ್ಘಾಟನೆ ಮತ್ತು ಪದಾಧಿಕಾರಿಗಳ ಪದಗ್ರಹಣ ಹಾಗೂ ಜಾನಪದ ಉತ್ಸವ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.

ರಾಜ್ಯಾದ್ಯಂತ ನೂರಾರು ಕಾರ್ಯಕ್ರಮಗಳನ್ನು ಸಂಟಿಸಿ, ಸ್ಥಳಿಯ ಜನಪದ ಕಲಾವಿದರ ಕನಸುಗಳಿಗೆ ಜೀವ ತುಂಬುವ ಕೆಲಸವನ್ನು ಪರಿಷತ್​ ಮಾಡುತ್ತಿದೆ ಎಂದು ಶ್ಲಾಘಿಸಿದರು.

ಹ್ಯೂಮನ್​ ರೈಟ್ಸ್​ ಪೊಟೆನ್​ ಕಮಿಟಿ ಅಧ್ಯ ಬಿ.ಎಂ.ಚಿಕ್ಕಣ್ಣ ಮಾತನಾಡಿ, ಸರ್ಕಾರ ಹೆಚ್ಚಿನ ರೀತಿಯಲ್ಲಿ ಕನ್ನಡ ಜಾನಪದ ಕಲಾವಿದರಿಗೆ ಪೋತ್ಸಾಹ ನೀಡಬೇಕು. ಈ ಮೂಲಕ ಜನಪದ ಕಲೆ, ಸಂಸತಿ, ಪರಂಪರೆಯನ್ನು ಉಳಿಸುವ ಕೆಲಸ ಮಾಡಬೇಕು ಎಂದರು.

ಈ ವೇಳೆ ಡೊಳ್ಳು ಕುಣಿತ, ಸೋಬಾನೆ ಪದಗಳು, ಜಾನಪದ ಗೀತೆಗಳು, ನೃತ್ಯ ಪ್ರದರ್ಶನ ಕಾರ್ಯಕ್ರಮ ಜರುಗಿತು. ಜನಪದ ಸಂಶೋಧಕ ಡಾ.ಚಿಕ್ಕ ಹೆಜ್ಜಾಜಿ ಮಹಾದೇವ್​ ಜನಪದ ಪ್ರಕಾರಗಳಾದ ಗಾಯನ, ನೃತ್ಯ, ಗಾದೆ ಮತ್ತು ಒಗಟುಗಳ ಬಗ್ಗೆ ವಿಶ್ಲೇಷಿಸಿದರು.