ಪೊಲೀಸ್ ಬಂದೋಬಸ್ತಿನಲ್ಲಿ ಗೊಬ್ಬರ ವಿತರಣೆ

ಕೊಟ್ಟೂರು: ತಾಲೂಕಿನಲ್ಲಿ ಕಳೆದ ನಾಲ್ಕೈದು ದಿನಗಳಿಂದ ಯೂರಿಯಾ ರಸಗೊಬ್ಬರಕ್ಕೆ ಬೇಡಿಕೆ ಹೆಚ್ಚಾಗಿದ್ದು, ರೈತರು ಗೊಬ್ಬರದ ಅಂಗಡಿಗಳಿಗೆ ಅಲೆಯುತ್ತಿದ್ದಾರೆ.

ಇದನ್ನೂ ಓದಿ:ಯೂರಿಯಾ ರಸಗೊಬ್ಬರಕ್ಕೆ ಪರ್ಯಾಯವಾಗಿ ನ್ಯಾನೋ ಯೂರಿಯಾ ಬಳಸಿ: ತಾರಾಮಣಿ

ತಾಲೂಕಿನಲ್ಲಿ 32 ರಸಗೊಬ್ಬರ ಮಾರಾಟದ ಅಂಗಡಿಗಳು, ಆರು ಸಹಕಾರ ಸಂಘಗಳ ಮೂಲಕ ಯೂರಿಯಾ ಮಾರಾಟ ಮಾಡಲಾಗುತ್ತಿದ್ದು, ಪ್ರಸ್ತುತ ಎಲ್ಲಿಯೂ ಯೂರಿಯಾ ಸಿಗುತ್ತಿಲ್ಲ ಎಂದು ರೈತರು ಆರೋಪಿಸುತ್ತಿದ್ದಾರೆ. ಕೆ.ಅಯ್ಯನಹಳ್ಳಿ, ತೂಲಹಳ್ಳಿ, ನಿಂಬಳಗೆರೆ, ಇಫ್ಕೋ ಜಂಕ್ಷನ್, ಪಟ್ಟಣದ ಸಹಕಾರ ಸಂಘಕ್ಕೆ ಯೂರಿಯಾ ಬಂದಿದೆ. ಆದರೆ, ಉಜ್ಜಿನಿ, ನಿಂಬಳಗೆರೆ ಸೇರಿದಂತೆ ಇತರ ಸಹಕಾರ ಸಂಘಗಳಲ್ಲಿ ಯೂರಿಯಾ ಲಭ್ಯವಿಲ್ಲ.

ಕೊಟ್ಟೂರಿನಲ್ಲಿ 32 ರಸಗೊಬ್ಬರ ಮಾರಾಟ ಅಂಗಡಿ, ಒಂದು ಸಹಕಾರ ಸಂಘವಿದ್ದು, ಮಂಗಳವಾರ ಸಹಕಾರ ಸಂಘ ಹಾಗೂ ಎರಡು ರಸಗೊಬ್ಬರದ ಅಂಗಡಿಗೆ ಯೂರಿಯಾ ಬಂದಿದ್ದು, ಪೊಲೀಸ್ ಬಂದೋಬಸ್ತಿನಲ್ಲಿ ರೈತರಿಗೆ ಮಾರಾಟ ಮಾಡಲಾಯಿತು.