ಹಾಗಾಗಿ, ಮಂಗಳವಾರ ತಾಲೂಕು ರೈತ ಸಂಘದ ಅಮ್ಜಾದ್ಖಾನ್, ಉಪಾಧ್ಯಕ್ಷ ಪಳನಿಸ್ವಾಮಿ, ಗೌರವಾಧ್ಯಕ್ಷ ರಾಜಣ್ಣ, ಪದಾಧಿಕಾರಿಗಳಾದ ಬೆಟ್ಟೇಗೌಡ, ಮಹದೇವ, ಚಿನ್ನಸ್ವಾಮಿ ಹಾಗೂ ವೇಲುಸ್ವಾಮಿ ನೇತೃತ್ವದ ತಂಡ ವಿದ್ಯಾರ್ಥಿ ನಿಲಯಕ್ಕೆ ದಿಢೀರ್ ಭೇಟಿ ನೀಡಿತು. ಈ ವೇಳೆ ಕುಡಿಯುವ ನೀರು ಸಂಗ್ರಹಣಾ ತೊಟ್ಟಿ, ಪೂರೈಕೆಯಾಗುವ ಟ್ಯಾಂಕ್ ಪರಿಶೀಲಿಸಿದಾಗ ಕಲುಷಿತದಿಂದ ಕೂಡಿರುವುದು ಕಂಡು ಬಂತು. ಕೆಲ ಆಹಾರ ಪದಾರ್ಥದಲ್ಲಿ ಹುಳು ಪತ್ತೆಯಾದವು. ಅಲ್ಲದೆ ಕಿಟಕಿ, ಬಾಗಿಲು ಹದಗೆಟ್ಟಿದ್ದ ಹಿನ್ನೆಲೆ ಹಾಸಿಗೆಯಲ್ಲಿ ಕೋತಿಗಳು ಮಲಗಿರುವುದು ಗಮನಕ್ಕೆ ಬಂತು. ಈ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ ಪದಾಧಿಕಾರಿಗಳು ಸರ್ಕಾರಿ ಪ್ರೌಢಶಾಲೆಗೆ ತೆರಳಿ ವಿದ್ಯಾರ್ಥಿಗಳ ಅಲರ್ಜಿಯ ಬಗ್ಗೆ ವಾಸ್ತವತೆಯನ್ನು ಅರಿತರು. ಸ್ಥಳಕ್ಕೆ ಸಂಬಂಧಪಟ್ಟ ಅಧಿಕಾರಿಗಳು ಆಗಮಿಸುವಂತೆ ಆಕ್ರೋಶ ವ್ಯಕ್ತಪಡಿಸಿ ಹಾಸ್ಟೆಲ್ನಲ್ಲಿ ಕಾದು ಕುಳಿತರು.
