ವಿದ್ಯಾರ್ಥಿಗಳು ಸಂಸ್ಥೆಯ ರಾಯಭಾರಿಗಳಂತೆ : ಸಂಚಾಲಕ ಕೆ.ಸೀತಾರಾಮ ರೈ ಅನಿಸಿಕೆ

ಕಡಬ: ವಿದ್ಯಾರ್ಥಿಗಳು ಸಂಸ್ಥೆಯ ರಾಯಭಾರಿಗಳಂತೆ ಕಾರ್ಯವನ್ನು ನಿರ್ವಹಿಸುವರು. ಭವಿಷ್ಯದಲ್ಲಿ ಕಲಿತ ಶಾಲೆ ಬಗ್ಗೆ ಗೌರವಿರುವಂತೆ ನಡವಳಿಕೆ ಬೆಳೆದಿಕೊಳ್ಳಬೇಕು ಎಂದು ವಿದ್ಯಾರಶ್ಮಿ ಸಮೂಹ ಶಿಕ್ಷಣ ಸಂಸ್ಥೆಗಳ ಸಂಚಾಲಕ ಕೆ.ಸೀತಾರಾಮ ರೈ ಹೇಳಿದರು.

ಸವಣೂರು ವಿದ್ಯಾರಶ್ಮಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಅಂತಿಮ ಪದವಿ ವಿದ್ಯಾರ್ಥಿಗಳ ಬೀಳ್ಕೊಡುಗೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ವಿದ್ಯಾರಶ್ಮಿ ಸಮೂಹ ಶಿಕ್ಷಣ ಸಂಸ್ಥೆಗಳ ಆಡಳಿತಾಧಿಕಾರಿ ಅಶ್ವಿನ್ ಎಲ್.ಶೆಟ್ಟಿ ಅಧ್ಯಕ್ಷತೆ ವಹಿಸಿ, ಸಮಯ ಮತ್ತು ಶ್ರಮಕ್ಕೆ ವಿದ್ಯಾರ್ಥಿಗಳು ಆದ್ಯತೆ ನೀಡಿದಾಗ ಜೀವನದಲ್ಲಿ ಯಶಸ್ಸು ಸಾಧ್ಯ ಎಂದರು.

ಪ್ರಾಂಶುಪಾಲೆ ಡಾ.ರಾಜಲಕ್ಷ್ಮೀ ಎಸ್.ರೈ ಶುಭಹಾರೈಸಿದರು. ವಿದ್ಯಾರ್ಥಿಗಳಾದ ಪವನ್, ಪ್ರಸ್ತುತಿ, ಮಹಮ್ಮದ್ ಅನಾಸ್, ಅಶ್ಮಿತ್, ಅಭೀಜ್ಞಾ, ನಿಶ್ಚಿತಾ ಹಾಗೂ ಚೇತನ್ ಕುಮಾರ್ ಅನಿಸಿಕೆ ವ್ಯಕ್ತಪಡಿಸಿದರು. ಉಪಪ್ರಾಂಶುಪಾಲ ಶೇಷಗಿರಿ ಎಂ. ಉಪಸ್ಥಿತರಿದ್ದರು. ವಿದ್ಯಾರ್ಥಿನಿ ಕಲ್ಪನಾ ಸ್ವಾಗತಿಸಿದರು. ಅಲೀಮತ್ ಸರಝಾನಾ ನಿರೂಪಿಸಿದರು.

https://www.vijayavani.net/plantation-program-at-mahavishnu-kshetra

https://www.vijayavani.net/mla-visits-landslide-hit-areas