ವಿವಿಧ ವಿಶ್ವವಿದ್ಯಾಲಯಗಳ ನಕಲಿ ಸರ್ಟಿಫಿಕೆಟ್, ವಾಹನ ಚಾಲನಾ ಲೈಸೆನ್ಸ್, ಪಾಸ್ಪೋರ್ಟ್, ಆಧಾರ್ ಕಾರ್ಡ್ ಸೇರಿ ನಾನಾ ದಾಖಲೆಗಳನ್ನು ನಕಲಿಯಾಗಿ ಪೂರೈಸಿರುವುದು ಬೆಳಕಿಗೆ ಬಂದಿದೆ. ನಕಲಿ ಎಂಬಿಬಿಎಸ್ ಸರ್ಟಿಫಿಕೆಟ್ಗಳನ್ನೂ ಪೂರೈಸಲಾಗಿದ್ದು, ಇದಕ್ಕಾಗಿ 60 ಸಾವಿರ ರೂ. ವಸೂಲಿ ಮಾಡಲಾಗುತ್ತಿತ್ತು. ಕಳೆದ ಎರಡು ವರ್ಷಗಳಿಂದ ಈ ಕೇಂದ್ರ ಕಾರ್ಯಾಚರಿಸುತ್ತಾ ಬಂದಿದ್ದು, ಹಲವಾರು ಮಂದಿ ಸರ್ಟಿಫಿಕೆಟ್ ಪಡೆದುಕೊಂಡಿರುವ ಬಗ್ಗೆ ಮಾಹಿತಿ ಲಭಿಸಿದೆ. ಕೇರಳ- ಕರ್ನಾಟಕದ ಕೆಲವೊಂದು ಆರ್ಟಿಒ ಕಚೇರಿಗಳ ಹೆಸರಲ್ಲೂ ಇಲ್ಲಿಂದ ನಕಲಿ ಡ್ರೈವಿಂಗ್ ಸರ್ಟಿಫಿಕೆಟ್ ಪೂರೈಸಲಾಗಿದೆ. ನಕಲಿ ಇಂಜಿನಿಯರಿಂಗ್ ಸರ್ಟಿಫಿಕೆಟ್ಗಳಿಗಾಗಿ ಕೆಲವರು ಕೇಂದ್ರವನ್ನು ಸಂಪರ್ಕಿಸಿರುವುದಾಗಿ ಮಾಹಿತಿಯಿದೆ. ಹಣ ನೀಡಿದಲ್ಲಿ ಒಂದು ವಾರದೊಳಗೆ ಸರ್ಟಿಫಿಕೆಟ್ ತಯಾರಿಸಿ ನೀಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
