ಇದು ನಗರದ ಎಂ.ಜಿ.ರಸ್ತೆ, ಛತ್ರದಬೀದಿ, ಮಂಡೀಪೇಟೆ, ಬಳೇಪೇಟೆ ಸೇರಿ ಬಹುತೇಕ ವಾಣಿಜ್ಯ ಕೇಂದ್ರಗಳ ಬೀದಿ ಬೀದಿಗಳು ಗುಂಡಿಮಯವಾಗಿದ್ದು, ಓಡಾಟ ಕಷ್ಟಕರವಾಗಿದೆ. ಕಳೆದ ಏಳೆಂಟು ತಿಂಗಳಿಂದ ರಾಮನಗರ ಜಲಮಂಡಳಿಯು ಪ್ರತಿ ವಾರ್ಡಿನಲ್ಲಿ 24*7 ಕುಡಿಯುವ ನೀರಿನ ಯೋಜನೆ ಕಾಮಗಾರಿ, ನಗರಸಭೆಯಿಂದ ನಗರೋತ್ಥಾನಡಿ ನಗರದ ಪ್ರತಿ ವಾರ್ಡ್ನಲ್ಲೂ ಚರಂಡಿ, ಒಳಚರಂಡಿ, ಕುಡಿಯುವ ನೀರಿನ ಸಂಪರ್ಕ, ಚರಂಡಿ ಕಾಮಗಾರಿ ಸೇರಿ ಇತರೆ ಕಾಮಗಾರಿಗಾಗಿ ನಡೆದಿವೆ. ಕುಡಿಯುವ ನೀರಿನ ಸಲುವಾಗಿ ಮನೆ ಮನೆಗೆ ನಲ್ಲಿ ಇತರೆ ಕಾಮಗಾರಿಗೆ ಅಗೆದಿದ್ದ ರಸ್ತೆಯನ್ನು ಈಗಲೂ ಸರಿಪಡಿಸದೆ ಬಿಟ್ಟಿರುವುದರಿಂದ ಹೆಜ್ಜೆ ಹೆಜ್ಜೆಗೂ ಗುಂಡಿಗಳು ರೂಪುಗೊಂಡಿವೆ. ಕಾಮಗಾರಿ ಮುಗಿದರೂ ರಸ್ತೆ ಸರಿಪಡಿಸದೆ ಸ್ಥಳೀಯ ಸಂಸ್ಥೆಗಳ ನಿರ್ಲಕ್ಷ್ಯದಿಂದ ಜನ ಹೈರಾಣಾಗಿದ್ದಾರೆ.
