ಕುಸ್ತಿ ಪಂದ್ಯಾವಳಿಯಲ್ಲಿ ಬೆಳಗಾವಿ, ಬೆಂಗಳೂರು, ರಾಮನಗರ, ಶಿವಮೊಗ್ಗ, ತುಮಕೂರು, ಮೈಸೂರು ಇತರ ಜಿಲ್ಲೆಗಳು ಸೇರಿದಂತೆ ಮಂಡ್ಯ ಜಿಲ್ಲೆಯ ವಿವಿಧ ತಾಲೂಕುಗಳ ಸುಮಾರು 65 ಜೊತೆ 130 ಕುಸ್ತಿಪಟುಗಳು ಸ್ಪರ್ಧೆಯಲ್ಲಿ ಉತ್ಸಾಹದಿಂದ ಭಾಗಿಯಾಗಿದ್ದು, ಕೆಮ್ಮಣ್ಣಿನ ಮಟ್ಟಿಯ ಅಖಾಡದ ಮೇಲೆ ಎದುರಾಳಿಯ ವಿರುದ್ಧ ನಿಂತು ತೊಡೆ ತಟ್ಟಿದ ಪೈಲ್ವಾನರು, ತಮ್ಮ ವಿವಿಧ ಪಟ್ಟುಗಳನ್ನು ಪ್ರದರ್ಶಿಸಿ ಗೆಲುವಿಗೆ ಸೆಣಸಾಡಿದರು.
ಈ ವೇಳೆ ಮೈದಾನದಲ್ಲಿ ಕಿಕ್ಕಿರಿದು ನೆರೆದಿದ್ದ ಕ್ರೀಡಾ ಪ್ರೇಕ್ಷಕರು ಶಿಳ್ಳೆ, ಕೇಕೆ ಹಾಕಿ ಹರ್ಷೋದ್ಗಾರಗಳಿಂದ ಪ್ರೋತ್ಸಾಹಿಸಿ ಹುರಿದುಂಬಿಸಿದರು. ರಾಜ್ಯದ ವಿವಿಧ ಜಿಲ್ಲೆಗಳಿಂದ 20 ಮಂದಿ ಅನುಭವಿ ತೀರ್ಪುಗಾರರು ಆಗಮಿಸಿದ್ದು, ಕ್ರೀಡೆಯಲ್ಲಿ ಪಾರದರ್ಶಕ ನಿರ್ಣಯ ತೋರಿದರು.
