ವಿಕಲಾಂಗ ಯುವಕರಿಗಾಗಿ ಉದ್ಯೋಗ ಮೇಳ; ಜೂ.22ರಂದು ಆಯೋಜನೆ

ಬೆಂಗಳೂರು: ಅಸೋಸಿಯೇಷನ್​ ಆಫ್​ ಪೀಪಲ್​ ವಿತ್​ ಡಿಸೆಬಿಲಿಟಿ (ಎಪಿಡಿ), ಬೆಂಗಳೂರು ಚೇಂಬರ್​ ಆಫ್​ ಇಂಡಸ್ಟ್ರಿ ಆ್ಯಂಡ್​ ಕಾಮರ್ಸ್​(ಬಿಸಿಐಸಿ)ಗಳ ಸಹಭಾಗಿತ್ವದಲ್ಲಿ ಮಲ್ಲೆಶ್ವರಂನಲ್ಲಿರುವ ಮಹಾರಾಣಿ ಲಕ್ಷ್ಮೀ ಅಮ್ಮಣ್ಣಿ ಮಹಿಳಾ ಕಾಲೇಜಿನಲ್ಲಿ ಜೂ.22ರಂದು ವಿಕಲಾಂಗ ಯುವಕರಿಗೆ ಉದ್ಯೋಗ ಮೇಳ ಆಯೋಜಿಸಲಾಗಿದೆ. ಬೆಳಗ್ಗೆ 9 ರಿಂದ ಮಧ್ಯಾಹ್ನ 3 ರವರೆಗೆ ಮೇಳ ನಡೆಯಲಿದೆ.

ಅಂಗ ವೈಕಲ್ಯತೆಯುಳ್ಳ ಯುವಕರಿಗೆ ಮುಖ್ಯವಾಹಿನಿಯಲ್ಲಿ ಉದ್ಯೋಹ ಹಾಗೂ ಮಹಾರಾಣಿ ಕಾಲೇಜಿನ ವಿದ್ಯಾರ್ಥಿಗಳಿಗೆ ವೃತ್ತಿ ಅವಕಾಶಗಳನ್ನು ಕಲ್ಪಿಸಿಕೊಡುವ ಗುರಿಯನ್ನು ಉದ್ಯೋಗ ಮೇಳ ಹೊಂದಿದೆ.

ಬಿಪಿಒ, ರಿಟೇಲ್​, ಬಿಎಫ್​ಎಸ್​ಐ, ಆಟೋಮೋಟಿವ್​, ಹಾರ್ಟಿಕಲ್ಚರ್​, ಹೆಲ್ತ್​ಕೇರ್​, ಲಾಜಿಸ್ಟಿಕ್ಸ್​, ಫ್ಯಾಶನ್​, ಲೈಫ್​ಸ್ಟೆಲ್​ ಸೇರಿದಂತೆ ವಿವಿಧ ವಲಯಗಳ 50ಕ್ಕೂ ಹೆಚ್ಚು ಪ್ರಸಿದ್ಧ ಕಂಪನಿಗಳು ಮೇಳದಲ್ಲಿ ಭಾಗವಹಿಸುತ್ತಿವೆ.