ಇಎಂಬಿಎ ಕೋರ್ಸ್​ನಿಂದ ನಾಯಕತ್ವ ಗುಣ ಬೆಳೆಯಲಿದೆ

ಬೆಂಗಳೂರು: ಇಂಡಿಯನ್​ ಇನ್​ಸ್ಟಿಟ್ಯೂಟ್​ ಆಫ್​ ಮ್ಯಾನೇಜ್​ಮೆಂಟ್​ (ಐಐಎಂ) ವಿಶಾಖಪಟ್ಟಣ ಎಕ್ಸಿಕ್ಯೂಟಿವ್​ ಮಾಸ್ಟರ್​ ಆಫ್​ ಬಿಸಿನೆಸ್​ ಅಡ್ಮಿನಿಸ್ಟ್ರೆಷನ್​ (ಇಎಂಬಿಎ) ಕೋರ್ಸ್​ ಆರಂಭಿಸಿದೆ. ಈ ಕೋರ್ಸ್​ ಮ್ಯಾನೇಜ್​ ಮೆಂಟ್​ ವಿಭಾಗದಲ್ಲಿ ಕೆಲಸ ಮಾಡುತ್ತಿರುವ ವೃತ್ತಿಪರರನ್ನು ಮತ್ತಷ್ಟು ಬಲಗೊಳಿಸುವ ಉದ್ದೇಶವನ್ನು ಹೊಂದಿದ್ದು, ಅವರನ್ನು ಅಭಿವೃದ್ಧಿ ಹೊಂದುತ್ತಿರುವ ಬಿಸಿನೆಸ್​ನಲ್ಲಿನ ನಾಯಕತ್ವದ ಹುದ್ದೆ ವಹಿಸಿಕೊಳ್ಳಲು ಸಿದ್ಧಗೊಳಿಸಲಿದೆ.

ಕೋರ್ಸ್​ ಕಲಿಯುವವರಿಗೆ ಸಮಗ್ರ ಮ್ಯಾನೇಜ್​ಮೆಂಟ್​ ತಂತ್ರಗಳನ್ನು ಕಲಿಯಲು ಮತ್ತು ಆ ಗುಣವನ್ನು ಬೆಳೆಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ಹೊಸಕಾಲದ ಮ್ಯಾನೇಜ್​ಮೆಂಟ್​ ತಂತ್ರಗಳ ಆಳವಾದ ತಿಳುವಳಿಕೆ ಒದಗಿಸುತ್ತದೆ. ಯಾವುದೇ ಸಂಸ್ಥೆಯ ನಾಯಕತ್ವವನ್ನು ವಹಿಸಿಕೊಳ್ಳಲು ಈ ಗುಣಗಳು ಬಹಳ ಮುಖ್ಯವಾಗಿವೆ. ಈ ಕೋರ್ಸ್​ ಅದ್ಭುತ ಕಲಿಕಾ ಅನುಭವ ಒದಗಿಸಲಿದ್ದು, ನವೀನ ಚಿಂತನೆಯನ್ನು ಮತ್ತು ವಿಶಿಷ್ಟ ದೃಷ್ಟಿಕೋನವನ್ನು ಹೊಂದಲು ನೆರವಾಗುತ್ತದೆ. ವಿದ್ಯಾರ್ಥಿಗಳು ಪಠ್ಯದಲ್ಲಿರುವ ವಿಚಾರಗಳನ್ನು ಬಿಸಿನೆಸ್​ ಸಂಬಂಧಿತ ಪ್ರಾಯೋಗಿಕ ಸನ್ನಿವೇಶಗಳಲ್ಲಿ ಅಳವಡಿಸಿಕೊಳ್ಳುವ ಅವಕಾಶ ಪಡೆಯುತ್ತಾರೆ. ಇವತ್ತಿನ ಜಾಗತಿಕ ಆರ್ಥಿಕತೆಯ ಸಂಕೀರ್ಣ ಸವಾಲು ಎದುರಿಸಲು ಸಜ್ಜಾಗಲಿದ್ದಾರೆ.

ಕೊನೆಗೂ 402 ಎಸ್‌ಐ ಹುದ್ದೆಗಳಿಗೆ ಲಿಖಿತ ಪರೀಕ್ಷೆ ಮುಕ್ತಾಯ

ವೇಗವಾಗಿ ಬದಲಾಗುತ್ತಿರುವ ಬಿಸಿನೆಸ್​ ಜಗತ್ತಿನಲ್ಲಿ ಮ್ಯಾನೇಜರ್​ಗಳು ವೃತ್ತೀಜಿವನದಲ್ಲಿ ಮೇಲೇರಲು ಅಥವಾ ಪ್ರಸ್ತುತವಾಗಿ ಉಳಿಯಲು ಕೌಶಲಾಭಿವೃದ್ಧಿ ಮಾಡಿಕೊಳ್ಳುವುದು ಬಹಳ ಅವಶ್ಯವಾಗಿದೆ. 2015 ರಿಂದ ಶೇ.25ರಷ್ಟು ಹುದ್ದೆಗಳಿಗೆ ಅವಶ್ಯ ಇರುವ ಕೌಶಲಗಳು ಬದಲಾಗುತ್ತವೆ. 2030ರ ವೇಳೆಗೆ ಆ ಹುದ್ದೆಗಳ ಸಂಖ್ಯೆ ಶೇ.65ಕ್ಕೆ ತಲುಪುವ ನಿರೀಕ್ಷೆ ಇದೆ. ಹಾಗಾಗಿ ಕೌಶಲಾಭಿವೃದ್ಧಿ ಬಹಳ ಮುಖ್ಯ ಎಂದು 10ರಲ್ಲಿ 9 ಮಂದಿ ಎಕ್ಸಿಕ್ಯೂಟಿವ್​ಗಳು ನಂಬಿಕೊಂಡಿದ್ದಾರೆ ಎಂದು ಲಿಂಕ್ಡ್​ಇನ್​ ಸಮೀಕ್ಷಾ ವರದಿ ತಿಳಿಸಿದೆ. ಜಾಗತಿಕ ಎಂಬಿಎ ಶಿಕ್ಷಣ ಮಾರುಕಟ್ಟೆಯ ಸಿಎಜಿಆರ್​ 2023ರಿಂದ 2032ರವರೆಗೆ ಶೇ.15.6ಕ್ಕೆ ಬೆಳೆಯಲಿದ್ದು, 2032ರ ವೇಳೆಗೆ 83.08 ಶತಕೋಟಿ ಯುಎಸ್​ ಡಾಲರ್​ ಮೌಲ್ಯದವರೆಗೆ ತಲುಪುವ ನಿರೀಕ್ಷೆ ಹೊಂದಲಾಗಿದೆ.