ನರೀಕಲ್ಲುಗುಡ್ಡ 3, ಚಿಕ್ಕಮಣ್ಣುಗುಡ್ಡೆ 2, ಹಂದಿಗೊಂದಿ 2, ತೆಂಗಿನಕಲ್ಲು ಅರಣ್ಯದಲ್ಲಿದ್ದ 2 ಆನೆಗಳನ್ನು ಆನೆ ಕಾರ್ಯಪಡೆ ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ತಂಡ ರಚನೆ ಮಾಡಿಕೊಂಡು ಭಾನುವಾರ ಮತ್ತು ಶನಿವಾರ ಸತತವಾಗಿ ಕಾರ್ಯಾಚರಣೆ ನಡೆಸಿ ಕಬ್ಬಾಳು ಅರಣ್ಯಕ್ಕೆ ಸೇರಿಸಿದ್ದರು. ಬಳಿಕ ಕಬ್ಬಾಳು ಅರಣ್ಯದಲ್ಲಿ ಡ್ರೋನ್ ಕ್ಯಾಮರಾ ಬಳಸಿ 80ಕ್ಕೂ ಹೆಚ್ಚು ಸಿಬ್ಬಂದಿ, ವಲಯ ಅರಣ್ಯಾಧಿಕಾರಿಗಳು ಡಿಎಫ್ಒ ಎಂ.ರಾಮಕೃಷ್ಣಪ್ಪ ನೇತೃತ್ವದಲ್ಲಿ ಸೋಮವಾರ ರಾತ್ರಿ ಸತತ 9 ಗಂಟೆಗೂ ಹೆಚ್ಚು ಕಾಲ ಕಾರ್ಯಾಚರಣೆ ನಡೆಸಿ ಕಾವೇರಿ ವನ್ಯಜೀವಿಧಾಮಕ್ಕೆ ಆನೆಗಳನ್ನು ಅಟ್ಟುವಲ್ಲಿ ಯಶಸ್ವಿಯಾದರು. ಎಸಿಎಫ್ ಪುಟ್ಟಮ್ಮ, ಚನ್ನಪಟ್ಟಣ ವಲಯ ಅರಣ್ಯಾಧಿಕಾರಿ ಮಲ್ಲೇಶ್, ರಾಮನಗರ ಮಹಮ್ಮದ್ ಮನ್ಸೂರ್, ಕನಕಪುರ ರವಿ, ಆನೆ ಕಾರ್ಯಪಡೆಯ ಮುತ್ತುಸ್ವಾಮಿ ನಾಯಕ್, ಮೋಕ್ಷಜ್ಞ, ದಿಲೀಪ್ ಸೇರಿ ಹಲವು ಅಧಿಕಾರಿಗಳು ಇದ್ದರು.
