ಶೈಕ್ಷಣಿಕ ಅಭಿವೃದ್ಧಿಗೆ ಅಲೈಯನ್ಸ್​ ಕ್ಲಬ್​ ಸಹಕಾರಿ

ಖಾನಾಪುರ: ಸಾಮಾಜಿಕ ಕಳಕಳಿ ಹೊಂದಿರುವ ಅಲೈಯನ್ಸ್​ ಕ್ಲಬ್​ ಶಾಖೆ ತೆರೆಯುವ ಮೂಲಕ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳ ಬೆಳವಣಿಗೆಗೆ ಅನುಕೂಲವಾಗಲಿದೆ ಎಂದು ಶಾಸಕ ವಿಠ್ಠಲ ಹಲಗೇಕರ ಹೇಳಿದರು.

ಪಟ್ಟಣದ ಶಾಂತಿನಿಕೇತನ ಪಬ್ಲಿಕ್​ ಸ್ಕೂಲ್​ ಆವರಣದಲ್ಲಿ ಈಚೆಗೆ ಹಮ್ಮಿಕೊಂಡಿದ್ದ ಅಲೈಯನ್ಸ್​ ಕ್ಲಬ್​ ಶಾಖೆ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಮಾತನಾಡಿ, ವಿವಿಧ ಪಠ್ಯೇತರ ಚಟುವಟಿಕೆ ರೂಪಿಸಿರುವ ನೂತನ ಶಾಖೆಯ ಪ್ರಯೋಜನ ಪಡೆದುಕೊಳ್ಳಬೇಕು ಎಂದು ತಿಳಿಸಿದರು.

ಕ್ಲಬ್​ ನೂತನ ಪದಾಧಿಕಾರಿಗಳಿಗೆ ಅಲೈಯನ್ಸ್​ ಇಂಟರ್​ನ್ಯಾಷನಲ್​ ಕ್ಲಬ್​ ಕಾರ್ಯಾಧ್ಯಕ್ಷ ದಿನಕರ್​ ಶೆಟ್ಟಿ ಅಧಿಕಾರ ಹಸ್ತಾಂತರಿಸಿದರು.ಸದಸ್ಯೆ ನವೀನಾ ಶೆಟ್ಟಿ ಪ್ರತಿಜ್ಞಾವಿಧಿ ಬೋಧಿಸಿದರು.

ಭದ್ರತಾ ವಿಭಾಗದ ಸಲಹೆಗಾರ ರಾಜೀವ್​ ಮೇತ್ರಿ, ರವೀಂದ್ರ ತೋಟಿಗೇರ, ಸ್ವಾತಿಕಮಲ ವಾಳ್ವೆ, ಮನೀಷಾ ಬೋಸಲೆ, ಸಂಗೀತಾ ಗುರವ, ಇತರರಿದ್ದರು.