ಬೆಂಗಳೂರಿನ ಕೆಂಗೇರಿ ಉತ್ತರಹಳ್ಳಿ ಮುಖ್ಯರಸ್ತೆಯ ಶ್ರೀನಿವಾಸಪುರದ ಓಂಕಾರ ಹಿಲ್ಸ್ನಲ್ಲಿರುವ ಓಂಕಾರಾಶ್ರಮದ ಸಂಸ್ಥಾಪಕರು ಶ್ರೀ ಮಧುಸೂಧನಾನಂದ ಪುರಿ ಸ್ವಾಮೀಜಿ. 1995ರಲ್ಲಿ ಸ್ಥಾಪನೆಗೊಂಡಿರುವ ಆಶ್ರಮದ ಪ್ರತ್ಯೇಕ ಗರ್ಭಗುಡಿಯಲ್ಲಿ 12 ಜ್ಯೋತಿರ್ಲಿಂಗಗಳನ್ನು ಸ್ಥಾಪಿಸಲಾಗಿದೆ. ಶಿವಲಿಂಗಗಳ ಕೆಳಗೆ ಸಾವಿರಾರು ಸಂಖ್ಯೆಯ ನರ್ಮದಾ ಬಾಣಲಿಂಗಗಳನ್ನು ಸ್ಥಾಪಿಸಲಾಗಿದ್ದು, ಆಗಮಿಸುವ ಭಕ್ತರ ಮನಸ್ಸನ್ನು ಏಕಾಗ್ರಗೊಳಿಸುವ ವೈಜ್ಞಾನಿಕ ಶಕ್ತಿ ಹೊಂದಿವೆ. ಹಾಗೂ ನಗರದ ಒತ್ತಡದ ವಾತಾವರಣದಿಂದ ಮುಕ್ತವಾಗಿರುವ ಓಂಕಾರಾಶ್ರಮವು ಧಾರ್ಮಿಕ, ಆಧ್ಯಾತ್ಮಿಕ ಪರಿಸರವನ್ನು ಪೂರ್ಣವಾಗಿ ಸೃಷ್ಟಿಸಿದ್ದು, ಭೇಟಿ ನೀಡುವವರಿಗೆ ಮಾನಸಿಕ ನೆಮ್ಮದಿ ನೀಡುತ್ತಿದೆ. ವಿಶೇಷವಾಗಿ ಶಿವರಾತ್ರಿಯಂದು ಎಲ್ಲ ಶಿವಲಿಂಗಗಳಿಗೆ ಅಭಿಷೇಕ, ಅಲಂಕಾರ, ಪೂಜೆ ನೆರವೇರಲಿದ್ದು, ಸಾವಿರಾರು ಜನ ಭೇಟಿ ನೀಡಿ ದರ್ಶನ ಪಡೆಯುತ್ತಾರೆ.
