ಕಣ್ಮನ ಸೆಳೆಯುವ ಗೊಂಬೆಗಳ ಚಿತ್ರಣ: ಮೂರೂ ದಿಕ್ಕುಗಳಲ್ಲಿ ಮಾಡಿದ 9 ಮೆಟ್ಟಿಲುಗಳಲ್ಲಿ ರಾಮಾನುಜಾಚಾರ್ಯರ ಅಭಿಮಾನ ಕ್ಷೇತ್ರಗಳಾದ ತಿರುಮಲೆಯ ಶ್ರೀನಿವಾಸ ಮೇಲುಕೋಟೆ ಚೆಲುವನಾರಾಯಣ, ಕಂಚಿ ದೇವರಾಜಪೆರುಮಾಳ್, ಶ್ರೀರಗಂನ ರಂಗನಾಥ ವಿರಾಜಮಾನನಾಗಿದ್ದಾನೆ. ರಾಜಾರಾಣಿ ದಸರಾವೈಭವ, ರಾಮಾಯಣ, ಮಹಾಭಾರತ, ವಿವಿಧ ದಿವ್ಯಕ್ಷೇತ್ರಗಳ ಗರುಡೋತ್ಸವ ಪುರಿಜಗನ್ನಾಥ ರಥೋತ್ಸವ, ವೈರಮುಡಿ ಉತ್ಸವ, ತಮಿಳುನಾಡಿನ 6 ಮುರುಗನ ದೇವಸ್ಥಾನ, ಬಂಗಾರದ ರಾಜಗೋಪುರ, ಕುಂಭಾಭಿಷೇಕ, ಶೆಟ್ಟಿಯಾರ್ ಗೊಂಬೆಗಳು, ಕೃಷ್ಣಾವತಾರ, ಸೀತಾರಾಮಕಲ್ಯಾಣ, ಮದುವೆ, ಮುಂಜಿ, ಸೀಮಂತ, ತೊಟ್ಟಿಲುಶಾಸ್ತ್ರ, ಹೀಗೆ ತರಾವರಿ ಚಿತ್ರಣಗಳ ಆಕರ್ಷಕ ಗೊಂಬೆಗಳು ನೋಡುಗರ ಕಣ್ಮನ ಸೆಳೆಯುತ್ತಿವೆ.
