ತಾಲೂಕಿನ ಅಪ್ಪೇಗೌಡನಹಳ್ಳಿಯ ರೈತ, ತಾಪಂ ಮಾಜಿ ಅಧ್ಯಕ್ಷ ಕೆ.ಲಕ್ಷ್ಮಿನಾರಾಯಣರೆಡ್ಡಿ ಅವರು ಕೇಶವಪುರ ಬಳಿಯ ತೋಟದಲ್ಲಿ ಹನಿ ನೀರಾವರಿ ಅಳವಡಿಕೆಗಾಗಿ ಕೃಷಿ ಇಲಾಖೆಯಿಂದ ಪಡೆದಿದ್ದ ಪೈಪ್ ಮತ್ತು ಲ್ಯಾಟರಲ್ಗಳು ಕಳಪೆಯಾಗಿವೆ. ಇದರಿಂದ ನೀರೆಲ್ಲ ಪೋಲಾಗಿ ಬೆಳೆ ಒಣಗಲಾರಂಭಿಸಿದೆ. ಈ ಕುರಿತು ಲಕ್ಷ್ಮಿನಾರಾಯಣರೆಡ್ಡಿ ಅವರು ಕೃಷಿ ಸಹಾಯಕ ನಿರ್ದೇಶಕ ರವಿ ಹಾಗೂ ಪೈಪ್, ಲ್ಯಾಟರಲ್ ಪೂರೈಕೆ ಮಾಡಿದ್ದ ಕಂಪನಿಯ ಮುಖ್ಯಸ್ಥರೊಂದಿಗೆ ಮಾತನಾಡಿದ್ದು, ಕಂಪನಿಯವರು ಹಾಗೂ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿ, ಪೈಪ್ಗಳು ಕಳಪೆಯಾಗಿರುವುದನ್ನು ಒಪ್ಪಿಕೊಂಡು ಬದಲಿಸಿಕೊಡುವ ಭರವಸೆ ನೀಡಿದ್ದರಾದರೂ ಪೈಪ್ ಬದಲಿಸಿಕೊಟ್ಟಿಲ್ಲ. ಇದರಿಂದ ಕುಪಿತಗೊಂಡ ರೈತ ಪೈಪ್ಗಳನ್ನು ಕೃಷಿ ಸಹಾಯಕ ನಿರ್ದೇಶಕರ ಕಚೇರಿ ಎದುರು ಹಾಕಿ ಆಕ್ರೋಶ ವ್ಯಕ್ತಪಡಿಸಿದರು.
