1997ರಿಂದ ಈಚೆಗೆ ಡಾ.ಯಶವಂತ ಸರದೇಶಪಾಂಡೆ ಮರಾಠಿಯಿಂದ ಕನ್ನಡಕ್ಕೆ ತಂದ 'ಆಲ್ ದಿ ಬೆಸ್ಟ್' ನಾಟಕದಿಂದ ಮನೆ ಮಾತಾದರು. ಈ ನಾಟಕದ ಯಶಸ್ಸಿನ ನಂತರ ಅವರ ಸಂಸ್ಥೆ ವಿಭಿನ್ನ ರಂಗ ಪ್ರಯೋಗಗಳನ್ನು ಮಾಡಿತು. 'ರಾಶಿಚಕ್ರ' ಎಂಬ ಏಕವ್ಯಕ್ತಿ ರಂಗಪ್ರಯೋಗ, 'ದಿಲ್ ಮಾಂಗೇ ಮೊರ್', 'ಒಂದ ಆಟ ಭಟ್ಟರದು', 'ಓ ಲವ್ವೆ ಜೀವನ ಸಾಕ್ಷಾತ್ಕಾರ', 'ಹಿಂಗಾದ್ರ ಡಾಟ್ ಕಾಮಿಡಿ', 'ಸಹಿ ರೀ ಸಹಿ', 'ಹೀಗೇಕೆ ನೀ ದೂರ ಓಡುವೆ', ನಾಟಕಗಳನ್ನ ಕನ್ನಡೀಕರಿಸಿ ರಾಜ್ಯಾದ್ಯಂತ ಪ್ರದರ್ಶಿಸಿದರು. ಈ ಎಲ್ಲ ನಾಟಕಗಳು ಮೂಲ ಮರಾಠಿಯಾದರೂ ಸರದೇಶಪಾಂಡೆಯವರ ಅನುವಾದ ಅವು ಮೂಲ ಕನ್ನಡದಲ್ಲೇ ರಚಿಸಲಾಗಿದೆ ಎಂಬಷ್ಟರಮಟ್ಟಿಗೆ ಸಮರ್ಪಕವಾಗಿವೆ. ಅದರಲ್ಲೂ ಅವರ ನಿರ್ದೇಶನ ಮತ್ತು ಅಭಿನಯ ಏಕಮೇವಾದ್ವಿತೀಯ, ರಂಗದ ಮೇಲೆ ಅವರು ಬಣ್ಣ ಹಚ್ಚಿ ಬಂದಾಗ ಅವರಿಗೆ ಅವರೇ ಸಾಠಿ! ಅದರಲ್ಲಂತೂ 'ಸಹಿ ರೀ ಸಹಿ' ನಾಟಕದಲ್ಲಿ ನಾಲ್ಕು ವಿಭಿನ್ನ ಪಾತ್ರಗಳನ್ನು ನಿರ್ವಹಿಸಿರುವುದನ್ನು ನೋಡುವದೇ ಕಣ್ಣಿಗೆ ಹಬ್ಬ.
