ಈ ಶ್ವಾನಗಳಿಗೆ ಸಂತಾನಶಕ್ತಿ ಹರಣ ಶಸ್ತ್ರಚಿಕಿತ್ಸೆ (ಎಬಿಸಿ), ರೇಬಿಸ್ ರೋಗನಿರೋಧಕ ಲಸಿಕೆ (ಎಆರ್ವಿ) ಹಾಕಿಲ್ಲ. ನಾಯಿಗಳ ಸಂತಾನ ಕಡಿಮೆಯಾಗಿಲ್ಲ. ಬೀದಿ ವ್ಯಾಪಾರಿ, ಹೋಟೆಲ್ಗಳು, ಕಲ್ಯಾಣ ಮಂಟಪ, ದೇವಸ್ಥಾನಗಳ ಬಳಿ ಸುರಿಯುತ್ತಿದ್ದ ತ್ಯಾಜ್ಯದಲ್ಲಿ ಕೆಲ ನಾಯಿಗಳು ಆಹಾರ ಹುಡುಕಿ ತಿನ್ನುತ್ತವೆ. ಇನ್ನೂ ಕೆಲವು ನಾಯಿಗಳು ಮಾಂಸ ತ್ಯಾಜ್ಯ ತಿಂದು ಆಕ್ರಮಣಕಾರಿಯಾಗಿವೆ. ವಿಮಾನ ನಿಲ್ದಾಣದಲ್ಲಿ ಓಡಾಡುವಾಗ ಏನಾದರೂ ಕಚ್ಚಿದರೆ ರೇಬಿಸ್ ಸೋಂಕು ಹಬ್ಬುವ ಆತಂಕ ಮನೆಮಾಡಿದೆ. ಒಂದು ಗುಂಪುನಲ್ಲಿ ಐದಾರು ನಾಯಿಗಳು ಕಾಣಿಸಿಕೊಳ್ಳುತ್ತಿವೆ. ಏಕಾಏಕಿ ಎಲ್ಲ ನಾಯಿಗಳು ದಾಳಿ ನಡೆಸಿದರೆ ಪ್ರಯಾಣಿಕರ ಜೀವಕ್ಕೆ ಕುತ್ತು ಬರಲಿದೆ. ಅಲ್ಲದೆ, ರಾತ್ರಿ ವೇಳೆ ಸಂಚರಿಸುವವರ ಮೇಲೆ ನಾಯಿಗಳು ದಾಳಿ ಮಾಡಿ ಗಾಯಗೊಳಿಸುತ್ತಿವೆ. ನಾಯಿಗೆ ಹೆದರಿ ಚಲಿಸುವ ವೇಳೆ ನಿಯಂತ್ರಣ ತಪ್ಪಿ ಅಪಘಾತ ಸಂಭವಿಸುವ ಸಾಧ್ಯತೆ ಇರುತ್ತದೆ.
