ಮಾನವ-ಪ್ರಾಣಿ ಸಂಘರ್ಷ ತಗ್ಗಿಸಲು, ಕಡಿತ, ದಾಳಿ ಭಯವನ್ನು ಹೋಗಲಾಡಿಸಲು, ಶ್ವಾನಗಳ ಕೊಡುಗೆ ಬಗ್ಗೆ ಪರಿಚಯಿಸಲು ಪಾಲಿಕೆ, ಬರುವ ದಿನಗಳಲ್ಲಿ ಹಲವು ಉಪಕ್ರಮಗಳನ್ನು ಕೈಗೊಂಡಿದೆ. ಅದರಂತೆ, "ಶ್ವಾನ ಉತ್ಸವ'ದಲ್ಲಿ ಶ್ವಾನಗಳೊಂದಿನ ಪ್ರೀತಿ, ಬಾಂಧವ್ಯ ವಿಚಾರಗಳ ಬಗ್ಗೆ ಸಾರ್ವಜನಿಕರು ಹಂಚಿಕೊಳ್ಳಬಹುದು. ಆಯಾ ವಾರ್ಡ್ನಲ್ಲಿ ಸ್ವಯಂಸೇವಕರಾಗಿ ಎಲ್ಲ ಉಪಕ್ರಮಗಳಲ್ಲಿ ಭಾಗಿಯಾಗಲು ಕ್ಯೂಆರ್ ಕೋಡ್ನಲ್ಲಿ ಸ್ಕ್ಯಾನ್ ಮಾಡುವ ಮೂಲಕ ನೋಂದಣಿ ಮಾಡಿಕೊಳ್ಳಬಹುದು. ಉತ್ಸವ ದಿನದಂದು ಆಯಾ ವಾರ್ಡ್ನ ರೆಸ್ಟೋರೆಂಟ್ಗಳೊಂದಿಗೆ ಸಮನ್ವಯ ಸಾಧಿಸಲಾಗುತ್ತದೆ. ಸಮುದಾಯದ ನಾಯಿಗಳಿಗೆ ಆಹಾರ ನೀಡುವಂತೆ ಪ್ರೇರೇಪಿಸಲು ಪೌರಕಾರ್ಮಿಕರ ಸಹಯೋಗದೊಂದಿಗೆ ಪ್ರಾಯೋಗಿಕವಾಗಿ ಆಹಾರ ನೀಡುವ ಕಾರ್ಯ ಆರಂಭವಾಗಲಿದೆ.
