ಏನಾಗಿತ್ತು?: ಸ್ವಂತ ಸೂರಿಗಾಗಿ ರಾಮನಗರದ ಜೀಗೇನಹಳ್ಳಿ ಬಡಾವಣೆ, ಅರ್ಚಕರಹಳ್ಳಿ ಹೆಲ್ತ್ ಸಿಟಿ ಹಾಗೂ ಚನ್ನಪಟ್ಟಣದ ಸುಣ್ಣಟ್ಟದ ಕಣ್ವ ಬಡಾವಣೆಯಲ್ಲಿ ಪ್ರಾಧಿಕಾರದ 1800 ನಿವೇಶನಗಳನ್ನು ಹಲವರು ಖರೀದಿಸಿದ್ದರು. ಹಂಚಿಕೆಯಾಗಿರುವ ನಿವೇಶನಗಳು ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಬರುತ್ತವೆ. ಈ ಪೈಕಿ, ಕಣ್ವ ಬಡಾವಣೆ ಮತ್ತು ಜೀಗೇನಹಳ್ಳಿ ನಿವೇಶನಗಳಿಗೆ ನಕ್ಷೆಯೇ ಇಲ್ಲ. ಅರ್ಚಕರಹಳ್ಳಿ ಜಾಗದ ವಾಲೀಕತ್ವ ಇಂದಿಗೂ ಮೂಲ ಖಾತೆದಾರರ ಹೆಸರಲ್ಲಿದೆ. ಫಲಾನುಭವಿಗಳ ಪಟ್ಟಿಯನ್ನು ಪ್ರಾಧಿಕಾರದ ಸಮಿತಿಯಲ್ಲಿ ಮಂಡಿಸಿ ಅನುಮೋದನೆ ಪಡೆಯದ ಹಿಂದಿನ ಅಧಿಕಾರಿಗಳು, ಹಂಚಿಕೆಗೆ ಸಂಬಂಧಿಸಿದ ದಾಖಲೆಗಳನ್ನು ನಿರ್ವಹಣೆ ವಾಡದೆ ನಿರ್ಲಕ್ಷ್ಯ ತೋರಿದ್ದರು.
ನಿವೇಶನಕ್ಕೆ ಸಂಬಂಧಿಸಿದ ಮೂಲ ಕಡತಗಳೇ ಇಲ್ಲ ಎಂದು ಅಧಿಕಾರಿಗಳು ಹೇಳುತ್ತಾರೆ. ಇಂದಿಗೂ ಖರೀದಿದಾರರಿಂದ ಕಂದಾಯ ಪಾವತಿಸಿಕೊಳ್ಳುತ್ತಿದ್ದರೂ ಬಡಾವಣೆಯಲ್ಲಿ ಮೂಲಸೌಕರ್ಯ ಅಭಿವೃದ್ಧಿಪಡಿಸಿಲ್ಲ.
ಬದುಕಿಗೆ ಒಂದು ಸೂರಿರಲಿ ಎಂದು 2009ರಲ್ಲಿ ಖರೀದಿಸಿದ ನಿವೇಶನದ 10 ವರ್ಷಗಳ ಗುತ್ತಿಗೆ ಅವಧಿ ಈಗಾಗಲೇ ಪೂರ್ಣಗೊಂಡಿದೆ. ಆದರೆ, ಇದುವರೆಗೆ ನಮಗೆ ಸೇಲ್ ಡೀಡ್ ಮತ್ತು ಖಾತೆ ಆಗಿಲ್ಲ. ಪಂಚಾಯಿತಿ ವ್ಯಾಪ್ತಿಯಲ್ಲಿರುವ ಭೂಮಿ ಪ್ರಾಧಿಕಾರಕ್ಕೆ ವರ್ಗಾವಣೆಯಾಗಿಲ್ಲ. ಅಲ್ಲೊಂದು ಮನೆ ನಿರ್ಮಿಸಿಕೊಳ್ಳೋಣ ಎಂದರೆ ಮೂಲಸೌಕರ್ಯಇಲ್ಲ. ಹೀಗಾಗಿ, ಕಷ್ಟ ಕಾಲದಲ್ಲಿ ನಿವೇಶನ ವಾರಾಟ ವಾಡಲಾಗದ ಸ್ಥಿತಿ ನಿವೇಶನದಾರರಿಗೆ ಎದುರಾಗಿದೆ.
