ಡಿಜಿಟಲ್ ಭೂ ಸಮೀಕ್ಷೆ ಅಭಿಯಾನ

ಕಾಸರಗೋಡು: ಡಿಜಿಟಲ್ ಭೂ ಸಮೀಕ್ಷೆಯಲ್ಲಿ ನೂರಕ್ಕೆ ನೂರರಷ್ಟು ಸಾರ್ವಜನಿಕರ ಪಾಲ್ಗೊಳ್ಳುವಿಕೆ ಹಾಗೂ ದೂರು ರಹಿತ ದಾಖಲೆ ಸಿದ್ಧಪಡಿಸಲು ಜಿಲ್ಲಾಧಿಕಾರಿ ಕೆ.ಇನ್ಬಾಶೇಖರ್ ನೇತೃತ್ವದಲ್ಲಿ ಸರ್ವೇ-ಕಂದಾಯ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ನೇರವಾಗಿ ಗ್ರಾಮಗಳಿಗೆ ತಲುಪಲಿದ್ದಾರೆ. ನನ್ನ ಭೂಮಿ-ನನ್ನ ಹಕ್ಕು ಅಭಿಯಾನದ ಅಂಗವಾಗಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಡಿಜಿಟಲ್ ಸಮೀಕ್ಷೆ ಪೂರ್ಣಗೊಂಡು ಕಂದಾಯ ಇಲಾಖೆಗೆ ವರ್ಗಾವಣೆಗೊಂಡ ಗ್ರಾಮಗಳಲ್ಲಿ ಸಮೀಕ್ಷೆ-ಕಂದಾಯ ಮತ್ತು ನೋಂದಣಿ ಇಲಾಖೆಗಳ ಸೇವೆಗಳು ಡಿಜಿಟಲ್ ಸರ್ವೇ ದಾಖಲೆಯನ್ನು ಆಧರಿಸಿ ನಡೆಯಲಿದೆ. ಭೂಮಿ, ಸಾಲ ಮತ್ತು ತೆರಿಗೆ ಪಾವತಿಯ ವಹಿವಾಟುಗಳು ಡಿಜಿಟಲ್ ಸರ್ವೇ ದಾಖಲೆಗಳ ಆಧಾರದ ಮೇಲೆ ಮಾತ್ರ ಲಭ್ಯವಿರಲಿದೆ.

ಜಿಲ್ಲೆಯಲ್ಲಿ ಪ್ರಥಮ ಬಾರಿಗೆ ಡಿಜಿಟಲ್ ಸಮೀಕ್ಷೆ ನಡೆದ 18 ಗ್ರಾಮಗಳಲ್ಲೂ ಸರ್ವೇ ದಾಖಲೆ ಪರಿಶೀಲಿಸಿ ದೂರು ಸಲ್ಲಿಸಲು ಜಿಲ್ಲಾಡಳಿತ ಅವಕಾಶ ಕಲ್ಪಿಸಿದೆ. ಅ.7ರಂದು ಸಂಜೆ 5.30ಕ್ಕೆ ತಳಂಗರೆ ಸರ್ಕಾರಿ ಮುಸ್ಲಿಂ ವೊಕೇಶನಲ್ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಅಭಿಯಾನ ಆರಂಭಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಕೆ.ಇನ್ಬಾಶೇಖರ್ ಮಾಹಿತಿ ನೀಡಿದರು. ಡಿಜಿಟಲ್ ಭೂಮಾಪನಕ್ಕೆ ಸಂಬಂಧಿಸಿದಂತೆ ತಳಂಗರೆ ಗ್ರಾಮದ ದೂರುಗಳನ್ನು ಸಾರ್ವಜನಿಕರಿಗೆ ತಿಳಿಸಬಹುದಾಗಿದೆ.

https://www.vijayavani.net/conference-of-union-officers-2

https://www.vijayavani.net/mangalore-state-level-inter-medical-college-quize-competion-kmc-won-prize