ರಾಜ್ಯ ಸರ್ಕಾರ ಕೃಷಿ ಜಮೀನುಗಳಲ್ಲಿ ಬೆಲೆ ಬಾಳುವ ಮರಗಳನ್ನು ಬೆಳೆಸಿ, ರೈತರಿಗೆ ಆರ್ಥಿಕ ಬಲ ತುಂಬುವ ಸಲುವಾಗಿ ಅರಣ್ಯ ಕೃಷಿ ಯೋಜನೆ ಜಾರಿಗೆ ತಂದಿತ್ತು. ಈ ಮೂಲಕ ತೇಗ, ಹೊನ್ನೆ, ಬೀಟೆ, ಗಂಧದಂತಹ ಬೆಲೆ ಬಾಳುವ ಗಿಡಗಳು ರೈತರಿಗೆ ಕಡಿಮೆ ಬೆಲೆಯಲ್ಲಿ ಲಭ್ಯವಾಗುತ್ತಿದ್ದವು. ಜತೆಗೆ ಇಂತಿಷ್ಟು ವರ್ಷಗಳ ಗಿಡಗಳ ನಿರ್ವಹಣೆಗೂ ನರೇಗಾ ಅಡಿಯಲ್ಲಿ ಸಹಾಯಧನ ನೀಡಲಾಗುತಿತ್ತು. ಆದರೆ ಈ ಯೋಜನೆಯಡಿ ಬಹುತೇಕ ಗಿಡ ನೆಡಲಾಗಿದೆ. ಕೆಲ ಜಮೀನುಗಳು ಸ್ಥಳೀಯವಾಗಿ ಇದ್ದರೂ ಮಾಲೀಕರು ಬೆಂಗಳೂರು ಸೇರಿ ಹೊರ ಊರುಗಳಲ್ಲಿ ಇರುವ ಕಾರಣ ಇವುಗಳ ನಿರ್ವಹಣೆ ಇಲ್ಲದಿರುವುದನ್ನು ಕಂಡ ಸರ್ಕಾರ ಇಡೀ ಯೋಜನೆಯನ್ನೇ ರದ್ದು ಮಾಡಿದೆ. ಇದೂ ಸಹ ನರ್ಸರಿಗಳಲ್ಲಿ ಸಸಿ ಬೆಳೆಸುವಿಕೆ ಪ್ರಮಾಣ ಕಡಿಮೆ ಮಾಡಲು ಕಾರಣ ಎನ್ನಲಾಗುತ್ತಿದೆ.
