ನಿಗಮ ಮಂಡಳಿಗೆ ಹಿರಿಯ ಹಾಗೂ ಪ್ರಭಾವಿ ಶಾಸಕರನ್ನು ನೇಮಕ ಮಾಡಿದರೆ ಅಧಿಕಾರ ಬಲ ಕುಂದಲಿದೆ ಎಂದು ಭಾವಿಸಿರುವ ಕೆಲವು ಸಚಿವರು, ತಮ್ಮ ಅಭಿಪ್ರಾಯ ಪಡೆದೇ ಇಲಾಖೆ ಅಧೀನದ ನಿಗಮ, ಮಂಡಳಿಗೆ ನೇಮಕ ಮಾಡಬೇಕೆಂದು ಚರ್ಚೆ ನಡೆಸಿರುವ ಬೆಳವಣಿಗೆ ನಡೆದಿದೆ. ನಿಗಮ, ಮಂಡಳಿಗಳು ಇಲಾಖೆ ಬಜೆಟ್ನ ದೊಡ್ಡ ಪಾಲನ್ನು ಪಡೆದುಕೊಳ್ಳುತ್ತವೆ, ಅಲ್ಲಿಗೆ ಪ್ರಭಾವಿ ಶಾಸಕರು ಅವಕಾಶ ಪಡೆದರೆ ಅಲ್ಲಿನ ವ್ಯವಹಾರವನ್ನು ಅವರೇ ನಿಭಾಯಿಸುತ್ತಾರೆ. ಇದರಿಂದ ಸಚಿವ ಸ್ಥಾನದ ಮಹತ್ವ ಕಡಿಮೆಯಾಗಲಿದೆ. ಮುಂದೆ ಚುನಾವಣೆ ಕೂಡ ನಿಭಾಯಿಸಬೇಕಾಗಿದೆ, ಜವಾಬ್ದಾರಿ ನೀಡಲಾಗಿದೆ. ಈ ಕಾರಣಕ್ಕೆ ದೆಹಲಿಯಲ್ಲಿ ಕುಳಿತು ನಿಗಮ, ಮಂಡಳಿಗೆ ಹೆಸರನ್ನು ಅಂತಿಮಗೊಳಿಸಬಾರದು, ತಮ್ಮನ್ನು ಸಂರ್ಪಸಿ ಹೊಂದಾಣಿಕೆಯಾಗುವಂತಹ ಶಾಸಕರನ್ನೇ ಪರಿಗಣಿಸಬೇಕೆಂಬ ವಾದವನ್ನು ಹೈಕಮಾಂಡ್ ಮುಂದೆ ಇಟ್ಟಿದ್ದಾರೆಂದು ಗೊತ್ತಾಗಿದೆ.
