ಕೆಎಲ್​ಇ ಟೆಕ್-ಭಿಲಾಯ್ (KLE MOU) ಲ್ಯಾಬ್ಸ್ ಒಪ್ಪಂದ

ಸಹಿ ಸಮಾರಂಭವು ಕೆಎಲ್​ಇ ತಾಂತ್ರಿಕ ವಿಶ್ವವಿದ್ಯಾಲಯದ ಸಮ ಕುಲಾಧಿಪತಿ ಡಾ. ಅಶೋಕ ಶೆಟ್ಟರ್, ಕುಲಪತಿ ಡಾ. ಪ್ರಕಾಶ ತೆವರಿ, ಕುಲ ಸಚಿವರ ಡಾ. ಬಸವರಾಜ ಅನಾಮಿ, ಕಾರ್ಯಕಾರಿ ಡೀನ್ ಪ್ರೊ. ಬಿ. ಎಲ್. ದೇಸಾಯಿ, ವಿಶ್ವವಿದ್ಯಾಲಯದ ಅಧ್ಯಾಪಕರು, ಸಂಶೋಧಕರು ಹಾಗೂ ವಿದ್ಯಾರ್ಥಿಗಳ ಉಪಸ್ಥಿತಿಯಲ್ಲಿ ನಡೆಯಿತು.

ಭಿಲಾಯ್ ಲಾಜಿಕ್ ಲ್ಯಾಬ್ಸ್ ಪ್ರೖೆವೇಟ್ ಲಿಮಿಟೆಡ್​ನ ಸಿಇಒ ನಿಶಾಂತ್ ಕುಮಾರ್ ಮಾತನಾಡಿ, ಬೋಷ್, ಕಾಂಟಿನೆಂಟಲ್ ಹಾಗೂ ಎನ್​ಎಕ್ಸ್​ಪಿ ಯಂತಹ ಪ್ರಮುಖ ಜಾಗತಿಕ ಸಂಸ್ಥೆಗಳ ಜತೆ ನಾವು 20ಕ್ಕೂ ಹೆಚ್ಚು ವರ್ಷಗಳ ಅನುಭವ ಹೊಂದಿದ್ದೇವೆ. ಭವಿಷ್ಯದ ಮೊಬಿಲಿಟಿ ತಂತ್ರಜ್ಞಾನವನ್ನು ರೂಪಿಸುವಲ್ಲಿ ಫಂಕ್ಷನಲ್ ಸೇಫ್ಟಿ, ಆಟೋಮೋಟಿವ್ ಇಲೆಕ್ಟ್ರಾನಿಕ್ಸ್ ಹಾಗೂ ಸೆಮಿಕಂಡಕ್ಟರ್ ಇಂಜಿನಿಯರಿಂಗ್ ಹೆಚ್ಚು ಮಹತ್ವ ಪಡೆದಿದೆ. ಈ ಪ್ರಭಾವಶಾಲಿ ಕ್ಷೇತ್ರಗಳಲ್ಲಿ ಆಳವಾದ ತಾಂತ್ರಿಕ ಪರಿಣತಿಯನ್ನು ಬೆಳೆಸಿಕೊಳ್ಳುವಂತೆ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.

ಭಿಲಾಯ್ ಲಾಜಿಕ್ ಲ್ಯಾಬ್ಸ್ ಸಿಒಒ ಹರೀಶ ಸಾಹು ಮಾತನಾಡಿ, ಈ ಒಪ್ಪಂದವು ಅರ್ಥಪೂರ್ಣ ತಾಂತ್ರಿಕ ವೃತ್ತಿಜೀವನದ ಅಡಿಪಾಯವಾಗಿ ಪ್ರಾಯೋಗಿಕ ಸಮಸ್ಯಾ ಪರಿಹಾರ ಹಾಗೂ ಆವಿಷ್ಕಾರ ಆಧಾರಿತ ಇಂಜಿನಿಯರಿಂಗ್​ನತ್ತ ಗಮನ ಹರಿಸಲು ವಿದ್ಯಾರ್ಥಿಗಳಿಗೆ ಪ್ರೇರೇಪಿಸಲಿದೆ ಎಂದರು.