ಪ್ರಾಪಂಚಿಕ ಚಿಂತನೆಯಿಂದ (Camp) ಅಶಾಂತಿ

ಹುಬ್ಬಳ್ಳಿಯ ಶ್ರೀ ಸಿದ್ಧಾರೂಢ ಸ್ವಾಮಿ ಮಠದಲ್ಲಿ ಗುರುವಾರ 18ನೇ ವರ್ಷದ ಆರೂಢ ತತ್ತ್ವಚಿಂತನ ಸಾಧನ ಶಿಬಿರದ ಉದ್ಘಾಟನಾ ಸಮಾರಂಭದ ಸಾನ್ನಿಧ್ಯ ಮಾತನಾಡಿದರು.

ಚಿಕ್ಕನಂದಿ ಶ್ರೀ ಸಿದ್ಧಾರೂಢರ ದರ್ಶನ ಪೀಠದ ಶ್ರೀ ಸಹಜಾನಂದ ಸ್ವಾಮಿ ಮಾತನಾಡಿ, ಶ್ರೀ ಸಿದ್ಧಾರೂಢರ ಸನ್ನಿದಾನದಲ್ಲಿ ಭಗವಚ್ಚಿಂತನ ಸಾಧನ ಶಿಬಿರ ನಡೆಸಬೇಕೆಂಬುವುದು ಬಹಳ ದಿನಗಳಿಂದ ಉತ್ಕಟ ಇಚ್ಚೆಯಾಗಿತ್ತು. ಇಂದಿನ ತಾಂತ್ರಿಕ ಯುಗದಲ್ಲಿ ಮನುಷ್ಯ ಸೋಮಾರಿ ಬದುಕನ್ನು ನಡೆಸುತ್ತಿದ್ದು, ಇದರಿಂದ ಮೌಲ್ಯಗಳು ಕುಸಿದು ಹೋಗುತ್ತಿವೆ. ಎಲ್ಲರೂ ವ್ಯವಹಾರಿಕವಾಗಿ ಬದುಕನ್ನು ನಡೆಸುತ್ತಿದ್ದಾರೆ. ಉತ್ತಮ ಜೀವನ ನಡೆಸಬೇಕಾದರೆ ಇಂತಹ ಅಧ್ಯಾತ್ಮ ಶಿಬಿರಗಳಿಂದ ಮಾತ್ರ ಸಾಧ್ಯ. ನಿತ್ಯ ಭಗವಂತನ ನಾಮಸ್ಮರಣೆಗೆ ಸ್ವಲ್ಪ ಸಮಯ ನಿಗದಿಪಡಿಸಿ ಜೀವನವನ್ನು ನಡೆಸಬೇಕು ಎಂದು ನುಡಿದರು.

ಅಣ್ಣಿಗೇರಿ ದಾಸೋಹ ಮಠದ ಪೀಠಾಧೀಶರಾದ ಶ್ರೀ ಶಿವಕುಮಾರ ಸ್ವಾಮಿ ಮಾತನಾಡಿ, ಕೆಟ್ಟ ಗುಣಗಳಿಂದ ಮುಕ್ತರಾಗಿ ಒಳ್ಳೆಯ ಗುಣಗಳನ್ನು ಅಳವಡಿಸಿಕೊಂಡು ಸನ್ಮಾರ್ಗದತ್ತ ನಡೆಯುವುದಕ್ಕೆ ಈ ಶಿಬಿರವು ಬಹಳಷ್ಟು ಉಪಯುಕ್ತವಾಗಿದೆ ಎಂದರು.

ಸೈದಾಪುರದ ಶ್ರೀ ಸೋಮೇಶ್ವರಾನಂದ ಸ್ವಾಮಿ, ರನ್ನಬೆಳಗಲಿಯ ಶ್ರೀ ಸದಾಶಿವ ಗುರೂಜಿ, ಮಾತೋಶ್ರೀ ಶಶಿಕಲಾ ಮಾತಾಜಿ ಉಪಸ್ಥಿತರಿದ್ದರು. ಶ್ರೀ ಸಿದ್ಧಾರೂಢ ಮಠದ ಚೇರ್ಮನ್ ಬಾಳು ಮಗಜಿಕೊಂಡಿ ಅಧ್ಯಕ್ಷತೆ ವಹಿಸಿದ್ದರು. ಆರೂಢ ತತ್ತ್ವಚಿಂತನ ಸಾಧನ ಶಿಬಿರದ ಸಂಚಾಲಕ ಶಾಮಾನಂದ ಪೂಜೇರಿ ಸ್ವಾಗತಿಸಿದರು. ಸದಾನಂದ ಬೆಂಡಿಗೇರಿ ಪ್ರಾರ್ಥನೆ ಹಾಡಿದರು. ಎಸ್.ಐ. ಕೋಳಕೂರ ಕಾರ್ಯಕ್ರಮ ನಿರೂಪಿಸಿದರು.

ಉಪಾಧ್ಯಕ್ಷೆ ಗೀತಾ ಕಲಬುರ್ಗಿ, ಧರ್ಮದರ್ಶಿಗಳಾದ ಬಸವರಾಜ ಕಲ್ಯಾಣಶೆಟ್ಟರ, ಚನ್ನವೀರ ಮುಂಗುರವಾಡಿ, ಉದಯಕುಮಾರ ನಾಯ್ಕ, ವಸಂತ ಸಾಲಗಟ್ಟಿ, ಸರ್ವಮಂಗಳಾ ಪಾಠಕ, ಮಂಜುನಾಥ ಮುನವಳ್ಳಿ, ಇತರರು ಇದ್ದರು. ಆಗಸ್ಟ್ 10ರ ವರೆಗೆ ಶಿಬಿರ ನಡೆಯಲಿದೆ.