ಎಸ್ಸೆಸ್ಸೆಲ್ಸಿ, ಪಿಯುಸಿ ಮುಗಿದ ಬಳಿಕ ಸಾಹಿತ್ಯ ಕೋರ್ಸ್ ಓದಬೇಕೆಂಬ ಆಸೆ ಇತ್ತು. ಈ ಬಗ್ಗೆ ಪಾಲಕರಿಗೆ ಹೇಳುವ ಧೈರ್ಯ ನನಗೆ ಇರಲಿಲ್ಲ. ನಮ್ಮ ತಂದೆಗೆ ವಿಜ್ಞಾನ ಕೋರ್ಸ್ ತೆಗೆದುಕೊಳ್ಳಬೇಕೆಂದು ಹೇಳಿದ್ದರು. ಆದರೆ, ಅಂತಿಮವಾಗಿ ಬಿ.ಕಾಂ ಓದಿದ್ದೆ. ಕಾಲೇಜಿಗೆ ಸೇರಿಸುವ ಮುನ್ನ ಪಾಲಕರು ತಮ್ಮ ಮಕ್ಕಳ ಜತೆ ಚರ್ಚಿಸಬೇಕು. ಇಷ್ಟವಾದ ಕೋರ್ಸ್ ಓದಲು ಪ್ರೋತ್ಸಾಹ ನೀಡಬೇಕು. ಯಾವುದೇ ಕಾರಣಕ್ಕೂ ಇಷ್ಟವಿಲ್ಲದಿರುವ ಕೋರ್ಸ್ ಓದುವಂತೆ ಪಾಲಕರು ತಮ್ಮ ಮಕ್ಕಳಿಗೆ ಬಲವಂತ ಮಾಡಬಾರದು ಎಂದು ಸಲಹೆ ನೀಡಿದರು. "ಎಜುಕೇಷನ್ ಎಕ್ಸ್ಪೋ'ಅಂತಹ ಕಾರ್ಯಕ್ರಮಗಳಿಗೆ ಭೇಟಿ ನೀಡಿದರೆ ಶಿಕ್ಷಣಕ್ಕೆ ಸಂಬಂಧಿಸಿದ ಜ್ಞಾನ ವೃದ್ಧಿಯಾಗುತ್ತದೆ. ನಾನು ಕಾಲೇಜುಗೆ ತೆರಳುವ ಸಂದರ್ಭದಲ್ಲಿ ಇಂತಹ ಎಕ್ಸ್ಪೋಗಳು ಇರಲಿಲ್ಲ. ಶಿಕ್ಷಣವೂ ನಮ್ಮ ದೇಶದ ಆಧಾರಸ್ತಂಭ. ಪ್ರತಿಯೊಬ್ಬರ ಜೀವನದಲ್ಲೂ ಶಿಕ್ಷಣ ಎಂಬುದು ತುಂಬ ಮುಖ್ಯ. ನಾನು ಪ್ರವಾಸ ಮಾಡುವಾಗ ಆ ರಾಜ್ಯದ ಸಾಕ್ಷರತೆ ಎಷ್ಟಿದೆ ಎಂಬುದರ ಬಗ್ಗೆ ತಿಳಿದುಕೊಳ್ಳುತ್ತೇನೆ.ಕರ್ನಾಟಕವು ಶೇ.100 ಸಾಕ್ಷರತೆ ಹೊಂದಿರುವ ರಾಜ್ಯವಾಗಬೇಕು ಎಂದರು.
