ಮನೆ ಹಂಚಿಕೆ ಹಗರಣ ತಖೆಗೆ ಆಗ್ರಹ : ಬೃಹತ್ ಪ್ರತಿಭಟನೆಗೆ ಮೀನುಗಾರರಿಂದ ಸಿದ್ಧತೆ

ಬೈಂದೂರು: ಜಿಲ್ಲೆಯ ಎಲ್ಲ ಕ್ಷೇತ್ರಗಳಲ್ಲೂ ಮೀನುಗಾರಿಕಾ ಮನೆಗಳು ಮಂಜೂರಾಗಿ ನಿಯಮ ಪ್ರಕಾರ ಹಂಚಿಕೆಯಾಗುತ್ತಿದೆ. ಬೈಂದೂರು ಕ್ಷೇತ್ರದಲ್ಲಿ ಮಾತ್ರ ಮೀನುಗಾರಿಕಾ ಮನೆಗಳು ಖಾಸಗಿಯಾಗಿ ಬಿಕರಿ ಆಗುತ್ತಿರುವ ಆರೋಪ ಕೇಳಿಬರುತ್ತಿದೆ. ಈ ನಿಟ್ಟಿನಲ್ಲಿ ಸಮಗ್ರ ತನಿಖೆಗೆ ಆಗ್ರಹಿಸಿ ಬೃಹತ್ ಪ್ರತಿಭಟನೆ ನಡೆಸುವ ಬಗ್ಗೆ ಶಾಸಕ ಗುರುರಾಜ್ ಗಂಟಿಹೊಳೆ ನೇತೃತ್ವದಲ್ಲಿ ಮೀನುಗಾರಿಕೆ ಮುಖಂಡರ ಸಭೆ ನಡೆಯಿತು.

ಉಡುಪಿ ಜಿಲ್ಲೆಯ ಎಲ್ಲಾ ಕ್ಷೇತ್ರಗಳಿಗೂ ಮೀನುಗಾರಿಕೆ ಮನೆ ಹಂಚಿಕೆಯಾಗಿದೆ. ಆದರೆ ಬೈಂದೂರಿಗೆ ಮೀನುಗಾರಿಕೆ ಮನೆಗಳು ಬಂದಿಲ್ಲ. ಅಧಿಕಾರಿಗಳಿಗೆ ಹಾಗೂ ಶಾಸಕರಿಗೆ ಮಾಹಿತಿ ಇಲ್ಲದೇ ಕೆಲವರು ಖಾಸಗಿಯಾಗಿ ಮೀನುಗಾರಿಕಾ ಮನೆಗಳು ಕಾಳಸಂತೆಯಲ್ಲಿ ಹಂಚಿಕೆಯಾಗುತ್ತಿರುವ ದೂರುಗಳಿವೆ. ಈ ಬಗ್ಗೆ ಜಿಲ್ಲಾಡಳಿತ ಗಂಭೀರವಾಗಿ ತೆಗೆದುಕೊಂಡು ಸಮಗ್ರ ತನಿಖೆ ನಡೆಸಬೇಕು ಎಂಬ ಅಭಿಪ್ರಾಯ ಸಭೆಯಲ್ಲಿ ವ್ಯಕ್ತವಾಗಿದೆ.

ಬಂದರುಗಳ ಅಭಿವೃದ್ಧಿಗೂ ಹೋರಾಟ

ಮರವಂತೆ ಬಂದರು, ಗಂಗೊಳ್ಳಿ ಬಂದರು ಪ್ರದೇಶದಲ್ಲಿ ಜಟ್ಟಿ, ಕೊಡೇರಿ ಕಿರು ಬಂದರು ಪ್ರದೇಶದಲ್ಲಿ ಬ್ರೇಕ್ ವಾಟರ್ ಕಾಮಗಾರಿ ವಿಸ್ತರಣೆ, ಶಿರೂರು ಬ್ರೇಕ್ ವಾಟರ್ ಅಭಿವೃದ್ಧಿ ಸಹಿತ 16 ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ಸುದೀರ್ಘ ಹೋರಾಟ ರೂಪಿಸಲು ಮೀನುಗಾರಿಕೆ ಮುಖಂಡರೊಂದಿಗೆ ಚಿಂತನೆ, ಮಾತುಕತೆ ನಡೆಯಿತು. ಕ್ಷೇತ್ರದ ವಿವಿಧ ಭಾಗದ ಮೀನುಗಾರಿಕೆ ಮುಖಂಡರು ಸಭೆಯಲ್ಲಿ ಭಾಗವಹಿಸಿದ್ದರು.

ಕನಿಷ್ಠ 500 ಗೃಹ ಒದಗಿಸಲಿ

ಮನೆ ಹಂಚಿಕೆ ಹರಣದ ಸಮಗ್ರ ತನಿಖೆ ಆಗಬೇಕು ಮತ್ತು ಬೈಂದೂರು ಕ್ಷೇತ್ರಕ್ಕೆ ಕನಿಷ್ಠ 500 ಮೀನಿಗಾರಿಕಾ ಮನೆಯನ್ನು ತಕ್ಷಣ ಮಂಜೂರು ಮಾಡಬೇಕು ಎಂದು ಒತ್ತಾಯಿಸುವ ನಿಟ್ಟಿನಲ್ಲಿ ಬೃಹತ್ ಪ್ರತಿಭಟನೆ ನಡೆಸುವ ನಿಮಿತ್ತ ಪೂರ್ವಭಾವಿ ಸಭೆಯಲ್ಲಿ ಚರ್ಚೆ ನಡೆಯಿತು

https://www.vijayavani.net/subrahmanya-hebbagilu-was-elected-as-the-president

https://www.vijayavani.net/conviction-of-kapu-constituency-issues