"ನಾವೇಳಿಂದಗೆ ನೀನು ಕೇಳೋದಿಲ್ಲ. ನಿಂದೇ ಒಂದು ಸೈಲ್​ ಇದೆ'

ತುಮಕೂರು: ಡಿಸಿಎಂ ಶಿವಕುಮಾರ್​ ಹೋರಾಟಗಾರರು. ನಿಮ್ಮ ಆಸೆ ಆಕಾಂಕ್ಷೆಗಳು ಈಡೇರಲು ಭಗವಂತನ ಆಶೀರ್ವಾದ ಇರಲಿ. ಒಳ್ಳೆಯತನ, ಒಳ್ಳೆಯ ನಡವಳಿಕೆ ಸಂಸ್ಕಾರದ ಜೀವನ ಯಾರ್ಯಾರಲ್ಲಿ ಇರುತ್ತೋ ಅವರಿಗೆ ಭಗವಂತನ ಆಶೀರ್ವಾದ ಇರಲಿದೆ. ಅದಕ್ಕೆ ನಾನೂ ನೈಜ ನಿದರ್ಶನ ಎಂದ ಕೇಂದ್ರ ಸಚಿವ ವಿ.ಸೋಮಣ್ಣ, ಸಂಸತ್​ ಅಧಿವೇಶನ ಇರುವುದರಿಂದ ನೀವು ಮೊದಲು ಮಾತನಾಡಿ ರಾಜನಾಥ್​ ಸಿಂಗ್​ ಕೊನೆಯಲ್ಲಿ ಮಾತನಾಡಿ ಹೊರಡಬೇಕಿದೆ ಅಂದಾಗ ಶಿವಕುಮಾರ್​ ತಲೆಯಾಡಿಸಿದರು. ಅದಕ್ಕೆ ಸೋಮಣ್ಣ, "ನಾವೇಳಿಂದಗೆ ನೀನು ಕೇಳೋದಿಲ್ಲ. ನಿಂದೇ ಒಂದು ಸೈಲ್​ ಇದೆ' ಎಂದು ಹಾಸ್ಯಚಟಾಕಿ ಹಾರಿಸಿದರು.

ಸಿದ್ದಗಂಗಾಮಠದ ಡಾ.ಶಿವಕುಮಾರ ಶ್ರೀಗಳ 118ನೇ ಜಯಂತಿ ಹಾಗೂ ಗುರುವಂದನ ಮಹೋತ್ಸವ ಕಾರ್ಯಕ್ರಮಕ್ಕೆ ರಕ್ಷಣ ಸಚಿವ ರಾಜನಾಥ್​ ಸಿಂಗ್​ ಜತೆ ಕಾಂಗ್ರೆಸ್​ ಸರ್ಕಾರದ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್​ರನ್ನು ಆಹ್ವಾನಿಸಲಾಗಿತ್ತು. ಕಾರ್ಯಕ್ರಮ ಉದ್ಘಾಟನೆ ಬಳಿಕ ವೇದಿಕೆಗೆ ತಡವಾಗಿ ಆಗಮಿಸಿದ ಶಿವಕುಮಾರ್​ರನ್ನು ನಗುಮೊಗದಲ್ಲೇ ಎದ್ದುನಿಂತು ಹಸ್ತಲಾವ ಮಾಡಿ ರಾಜನಾಥ್​ ಸಿಂಗ್​ ಆಹ್ವಾನಿಸಿದ್ದು ಗಮನಸೆಳೆಯಿತು.