ಅಪಾಯ ಆಹ್ವಾನಿಸುತ್ತಿದೆ ಕಾಲುಸಂಕ

ನರೇಂದ್ರ ಎಸ್. ಮರಸಣಿಗೆ ಹೆಬ್ರಿ

ಹೆಬ್ರಿ ತಾಲೂಕಿನ ನಾಡ್ಪಾಲು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬಡ ತಿಂಗಳ ಸಂಪರ್ಕಿಸುವ ಕಾಲುಸಂಕ ಸಂಪೂರ್ಣ ಶಿಥಿಲಗೊಂಡಿದ್ದು, ಪಿಲ್ಲರ್‌ಗಳು ಬೀಳುವ ಅಪಾಯದಲ್ಲಿದೆ. 30 ವರ್ಷಗಳ ಹಿಂದೆ ಈ ಕಾಲು ಸಂಕ ನಿರ್ಮಿಸಲಾಗಿದ್ದು, ಏಕಕಾಲದಲ್ಲಿ ಒಂದು ದ್ವಿಚಕ್ರ ವಾಹನ ಸಂಚರಿಸಲು ಸಾಧ್ಯವಿದೆಯಷ್ಟೆ. 20 ಮನೆಗಳ ಮಂದಿ ಹೆಬ್ರಿ ಪೇಟೆ, ಶಾಲೆಗೆ ಹೋಗಲು ಇದೇ ಕಾಲು ಸಂಕ ಬಳಸುತ್ತಾರೆ.

ಡಿಪಿಆರ್‌ಗೆ ಅನುಮೋದನೆ

ಕರ್ನಾಟಕ ರೋಡ್ ಡೆವಲಪ್‌ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್ ವತಿಯಿಂದ ಮಣ್ಣು ಪರೀಕ್ಷೆ ನಡೆಸಿ ಬಳಿಕ ಅನುಮೋದನೆಗೆ ಡಿಪಿಆರ್ ಕಳುಹಿಸಲಾಗಿತ್ತು. ಆದರೆ ಅನುದಾನ ಮಂಜೂರಾಗದೆ ಸೇತುವೆ ಕಾಮಗಾರಿ ನನೆಗುದಿಗೆ ಬಿದ್ದಿತ್ತು. ಈ ಕುರಿತು ಜಿಲ್ಲಾಧಿಕಾರಿ ಗಮನಕ್ಕೂ ತರಲಾಗಿತ್ತು.

ಹತ್ತಿರದ ದಾರಿ

ಸೋಮೇಶ್ವರಕ್ಕೆ ಸುತ್ತು ಬಳಸಿ ಐದು ಆರು ಕಿಲೋಮೀಟರ್ ನಡೆದುಕೊಂಡು ಬರಬೇಕು. ಕಾಲುಸಂಕದ ಮೇಲೆ ಬಂದರೆ ಕೇವಲ 1.5 ಕಿಲೋ ಮೀಟರ್ ದೂರವಿದೆ. ಬಸ್ ಸೌಕರ್ಯ ಇರುವುದರಿಂದ ಅನೇಕ ಜನರಿಗೆ ಇದರ ಉಪಯೋಗ ಆಗುತ್ತದೆ.

ಪ್ಯಾರಾಪಿಟ್ ಇಲ್ಲದೆ ಅಪಾಯ

ಕಾಲುಸಂಕಗಳ ಎರಡೂ ಭಾಗಗಳಿಗೆ ಪ್ಯಾರಾಪಿಟ್ ಇಲ್ಲದಾಗಿದೆ. ರಭಸದ ಹರಿವಿನ ಸಂದರ್ಭ ಕಾಲುಸಂಕದ ಮೇಲೆಯೆ ನೀರು ರಭಸವಾಗಿ ಹರಿಯುತ್ತದೆ. ಪ್ಯಾರಾಪಿಟ್ ಇಲ್ಲದೇ ಸಂಚರಿಸುವುದೂ ಅಪಾಯವಾಗಿದೆ. ರಾತ್ರಿ ಸಂಚಾರವೂ ಇಲ್ಲಿ ಅಪಾಯಕಾರಿಯಾಗಿದೆ. ಪ್ರಸಕ್ತ ವರ್ಷ ರಭಸದ ಹರಿವಿನ ಕಾರಣದಿಂದ ನಾಲ್ಕು ಬಾರಿ ಕಾಲುಸಂಕದಲ್ಲಿ ಸಂಚಾರ ನಿಷೇಧಿಸಲಾಗಿತ್ತು.

https://www.vijayavani.net/farewell-to-the-teacher

https://www.vijayavani.net/badminton-tourney