ಮಲೇರಿಯಾ ವಾರಿಯರ್ಸ್‌ಗೆ ವೇತನ ಭಾಗ್ಯ

ಮಂಗಳೂರು ನಗರದಲ್ಲಿ ಸೊಳ್ಳೆ ಲಾರ್ವ ಉತ್ಪತ್ತಿ ಕೇಂದ್ರಗಳ ತಪಾಸಣೆ, 24*7 ಸಹಾಯವಾಣಿ ದೂರುಗಳಿಗೆ ಸ್ಪಂದನೆ, ವಲಸೆ ಕಾರ್ಮಿಕರ ರಕ್ತ ಪರೀಕ್ಷೆ ಹಾಗೂ ರಜಾದಿನಗಳಲ್ಲೂ ಎಡೆಬಿಡದೆ ಕೆಲಸ ಮಾಡುವ ಈ ತಂಡವು ಹಲವು ಸೌಲಭ್ಯಗಳಿಂದ ವಂಚಿತವಾಗಿದೆ. ಕಾರ್ಯಾಚರಣೆ ವೇಳೆ ಸೊಳ್ಳೆ ಕಡಿತಕ್ಕೊಳಗಾಗಿ ಅಥವಾ ಇತರ ಆರೋಗ್ಯ ಸಮಸ್ಯೆ ಎದುರಾದರೂ ಇವರಿಗೆ ಇಎಸ್‌ಐ, ಪಿಎಫ್ ಅಥವಾ ಯಾವುದೇ ಆರೋಗ್ಯ ವಿಮೆಯ ಆಸರೆ ಇರಲಿಲ್ಲ. ಕಳೆದ 10 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ ಸಿಬ್ಬಂದಿಗೆ ಹೊರಗುತ್ತಿಗೆ ಸಂಸ್ಥೆಯ ಮೂಲಕ ದೊರೆಯುತ್ತಿದ್ದುದು ಮಾಸಿಕ ಕೇವಲ ರೂ.8,000 ರಿಂದ 12,000 ವೇತನ ಮಾತ್ರ!. ಈ ಬಗ್ಗೆ ವಿಜಯವಾಣಿ 2 ಬಾರಿ ವಿಶೇಷ ವರದಿ ಪ್ರಕಟಿಸಿ ಸರ್ಕಾರದ ಗಮನ ಸೆಳೆದಿತ್ತು.

*ಉಲ್ಲಂಘನೆಯಾದ ವೇತನ ನಿಯಮ

ಕೇಂದ್ರ ಸರ್ಕಾರದ ರಾಷ್ಟ್ರೀಯ ರೋಗವಾಹಕ ಆಶ್ರಿತ ರೋಗಗಳ ನಿಯಂತ್ರಣ ಕಾರ್ಯಕ್ರಮ’ (ಎನ್‌ವಿಬಿಡಿಸಿಪಿ) ನಿಯಮಾವಳಿಯಂತೆ ಕ್ಷೇತ್ರ ಕಾರ್ಯಕರ್ತರಿಗೆ ಮಾಸಿಕ 17,500 ರಿಂದ 25,000 (ವಾರ್ಷಿಕ 2.1 ರಿಂದ 3.0 ಲಕ್ಷ ರೂ) ವೇತನ ನೀಡಲು ನಿರ್ದೇಶನವಿದೆ. ಆದರೆ, ಹೊರಗುತ್ತಿಗೆ ಸಂಸ್ಥೆಗಳಿಗೆ ಹೆಚ್ಚಿನ ಲಾಭ ಮಾಡಿಕೊಡುವ ಉದ್ದೇಶದಿಂದ, ಆರೋಗ್ಯ ಇಲಾಖೆಯ ಕೆಲವು ಅಧಿಕಾರಿಗಳು ಹಾಗೂ ಹೆಲ್ತ್ ಇನ್ಸ್‌ಪೆಕ್ಟರ್‌ಗಳು ಶಾಮಿಲಾಗಿ, ಒಪ್ಪಂದದಲ್ಲಿ ಗರಿಷ್ಟ 12 ಸಾವಿರ ರೂ. ಮಾತ್ರ ನೀಡಿ, ಇಎಸ್‌ಐ, ಪಿಎಫ್ ನೀಡುವ ಷರತ್ತುಗಳನ್ನೇ ಕೈಬಿಟ್ಟಿದ್ದರು. ಇದರಿಂದಾಗಿ ಈ ಕಾರ್ಮಿಕರು ದಶಕಗಳಿಂದ ಶೋಷಣೆಗೆ ಒಳಗಾಗಿದ್ದರು.

-------------------

ಯಾರಿವರು ಮಲೇರಿಯಾ ವಾರಿಯರ್ಸ್?

-----------------

ಡಿಎಚ್‌ಓಗೆ ಸಚಿವರ ಖಡಕ್ ನಿರ್ದೇಶನ

------------------

ನಾನು 2ನೇ ಬಾರಿ ಆರೋಗ್ಯ ಸಚಿವನಾಗಿ ಕಾರ್ಯನಿರ್ವಹಿಸಿದ್ದರೂ ಈವರೆಗೆ ಮಲೇರಿಯಾ ಸಿಬ್ಬಂದಿಗಳ ವೇತನ, ಜೀವನ ಅಭದ್ರತೆ ಬಗ್ಗೆ ಯಾರೂ ಮಾಹಿತಿ ನೀಡಿಲ್ಲ, ಇತ್ತೀಚೆಗೆ ಈ ಸಿಬ್ಬಂದಿಗಳು ಬಂದು ಅವ್ಯವಸ್ಥೆಯನ್ನು ತಿಳಿಸಿದ್ದಾರೆ. ಮಲೇರಿಯಾ ಸಿಬ್ಬಂದಿಗಳ ಶೋಷನೆಯನ್ನು ನಿಲ್ಲಿಸಿ ಇತರ ಇಲಾಖೆಗಳಲ್ಲಿರುವಂತೆ ಜೀವಭದ್ರತೆ, ಕನಿಷ್ಠ ವೇತನ ಯೋಜನೆಯನ್ನು ತಿಂಗಳೊಳಗೆ ನೀಡುವಂತೆ ಡಿಎಚ್‌ಓಗೆ ಸೂಚನೆ ನೀಡಲಾಗಿದೆ.

-ಯುಟಿ ಖಾದರ್, ಆರೋಗ್ಯ ಸಚೀವರು

------------------