ಈಸ್ಟರ್ ಪೂರ್ವದ ಶನಿವಾರ ರಾತ್ರಿ ಈಸ್ಟರ್ ವಿಜಿಲ್ ಮೆಸ್ಗಳು ಭಕ್ತಿಭಾವದಿಂದ ನೆರವೇರಿದವು. ಮಂಗಳೂರು ನಗರದ ರೋಸಾರಿಯೋ ಕ್ಯಾಥೆಡ್ರಲ್ ಸೇರಿದಂತೆ ಅನೇಕ ಚರ್ಚ್ಗಳಲ್ಲಿ ವಿಶೇಷ ಬಲಿಪೂಜೆ, ಭಜನೆ ಹಾಗೂ ಬೆಳಕಿನ ಆಚರಣೆಗಳು ನಡೆದವು. ಜಿಲ್ಲೆಯಾದ್ಯಂತ ವಿವಿಧ ಪಾರಿಷ್ಗಳಲ್ಲಿ ಯೇಸುಕ್ರಿಸ್ತನ ಪುನರುತ್ಥಾನದ ಸಂದೇಶ ಸಾರುವ ಧಾರ್ಮಿಕ ಕಾರ್ಯಕ್ರಮಗಳು, ಪ್ರಾರ್ಥನೆಗಳು ಹಾಗೂ ಆರಾಧನೆಗಳು ನಡೆದವು. ಸಾವಿರಾರು ಭಕ್ತರು ಕುಟುಂಬ ಸಮೇತರಾಗಿ ಚರ್ಚ್ಗಳಿಗೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿ ಹಬ್ಬವನ್ನು ಆಚರಿಸಿದರು. ಮಂಗಳೂರು ಧರ್ಮಪ್ರಾಂತದ ಎಲ್ಲಾ ಚರ್ಚ್ ಗಳಲ್ಲಿ ಶನಿವಾರ ರಾತ್ರಿ ಜಾಗರಣೆಯ ಬಲಿಪೂಜೆ ನಡೆದರೆ, ಭಾನುವಾರ ಬೆಳಗ್ಗೆ ಈಸ್ಟರ್ ಬಲಿಪೂಜೆ ನೆರವೇರಿತು.
