ಶಾರದಾ ಮಹಾವಿದ್ಯಾಲಯದಿಂದ ಸಿಪಿಆರ್ ತರಬೇತಿ

ಉಳ್ಳಾಲ: ತಲಪಾಡಿಯ ಶಾರದಾ ಆಯುರ್ವೇದ ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆಯ ರಾಷ್ಟ್ರೀಯ ಸೇವಾ ಯೋಜನೆ ವತಿಯಿಂದ ಬೆಂದೂರಿನ ಸಂತ ಸೆಬಾಸ್ಟಿಯನ್ ಚರ್ಚ್‌ನಲ್ಲಿ ಸಿಪಿಆರ್ ತರಬೇತಿ ಕಾರ್ಯಕ್ರಮ ಭಾನುವಾರ ನಡೆಯಿತು.

ಶಾರದಾ ಆಯುರ್ವೇದ ವೈದ್ಯಕೀಯ ಮಹಾವಿದ್ಯಾಲಯ ಹಾಗೂ ಆಸ್ಪತ್ರೆ ಪ್ರಾಚಾರ್ಯ ಡಾ.ಸಂದೀಪ್ ಬೇಕಲ್ ನೇತೃತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ, ಸ್ವಯಂಸೇವಕರಾದ ಇಯಾನ್ ನೀಲ್ ಪಿಂಟೋ, ನವೀದ ಖಾನ್, ಅಭಿಷೇಕ್ ಮಿಶ್ರಾ ಮತ್ತು ಅಶ್ಲೇಶ್ ಎಂ. ಭಾಗವಹಿಸಿದ್ದರು.

50 ಮಂದಿ ಭಾಗವಹಿಸಿ, ಕಾರ್ಡಿಯೋಪಲ್ಮನರಿ ರಿಸಸ್ಸಿಟೇಷನ್, ಮೂಲ ಜೀವ ರಕ್ಷಣಾ ಕೌಶಲಗಳು ಮತ್ತು ತುರ್ತು ಪ್ರತಿಕ್ರಿಯಾ ತಂತ್ರಗಳ ಕುರಿತು ಅನುಭವದ ಜತೆಗೆ ತರಬೇತಿ ಪಡೆದರು. ಜೀವ ಉಳಿಸಬೇಕಾದ ನಿರ್ಣಾಯಕ ಸಂದರ್ಭಗಳಲ್ಲಿ ಸಮುದಾಯದ ಸದಸ್ಯರು ತತ್‌ಕ್ಷಣ ಕಾರ್ಯನಿರತರಾಗಿರುವಂತೆ ಮತ್ತು ಸನ್ನದ್ಧತೆ ಸುಧಾರಿಸುವ ಗುರಿಯನ್ನು ಈ ತರಬೇತಿ ಹೊಂದಿದೆ. ಈ ಉಪಕ್ರಮ ತುರ್ತು ಸಂದರ್ಭದಲ್ಲಿ ಜನರ ಜೀವ ಉಳಿಸುವ ಸಂಪರ್ಕ ಮತ್ತು ಸಾರ್ವಜನಿಕ ಆರೋಗ್ಯ ಶಿಕ್ಷಣದ ಕಡೆಗೆ ಎನ್‌ಎಸ್‌ಎಸ್ ಘಟಕದ ಮತ್ತೊಂದು ಹೆಜ್ಜೆಯಾಗಿದೆ. ಇದು ಸಕಾಲಿಕ ಪ್ರಥಮ ಚಿಕಿತ್ಸೆ ಮತ್ತು ತುರ್ತು ಆರೈಕೆಯ ಮಹತ್ವ ತಿಳಿಸಿದೆ.

https://www.vijayavani.net/graduation-ceremony-at-p-a-polytechnic-college

https://www.vijayavani.net/nagara-panchami-2