ಸೌಮ್ಯ ಲಕ್ಷಣಗಳಿವೆ: ಎರಡನೇ ಬಾರಿಗೆ ಸೋಂಕು ದೃಢಪಟ್ಟಿರುವ ಕುರಿತು ಪ್ರತಿಕ್ರಿಯಿಸಿರುವ ಫೋರ್ಟಿಸ್ ಆಸ್ಪತ್ರೆಯ ಸಾಂಕ್ರಾಮಿಕ ರೋಗಗಳ ವಿಭಾಗದ ಸಹಾಯಕ ಡಾ.ಪ್ರತೀಕ್ ಪಾಟೀಲ್, ಜುಲೈ ಮೊದಲ ವಾರದಲ್ಲಿ ಮಹಿಳೆಗೆ ಕರೋನದ ಲಕ್ಷಣಗಳಿದ್ದವು. ಚಿಕಿತ್ಸೆಯ ನಂತರ ಪರೀಕ್ಷಿಸಿದಾಗ ಗುಣಪಟ್ಟಿದ್ದು ದೃಢವಾಗಿತ್ತು, ಜುಲೈ 24 ರಂದು ಅವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು. ಒಂದು ತಿಂಗಳ ನಂತರ, ಆಗಸ್ಟ್ ಕೊನೆಯಲ್ಲಿ, ಮತ್ತೆ ಸೌಮ್ಯ ಲಕ್ಷಣಗಳು ಕಂಡುಬಂದಿವೆ, ಪರೀಕ್ಷೆಯಿಂದಲೂ ದೃಢಪಟ್ಟಿದೆ. ಎರಡೂ ಬಾರಿ ಅವರಿಗೆ ಯಾವುದೇ ಗಂಭೀರ ಸಮಸ್ಯೆಗಳಿರಲಿಲ್ಲ ಎಂದಿದ್ದಾರೆ. ವಿಶ್ವದ ಕೆಲವು ದೇಶಗಳಲ್ಲಿ ಎರಡನೇ ಅಲೆಯ ಕರೊನಾ ಸುದ್ದಿಗಳಿವೆ. ಭಾರತದಲ್ಲಿ ಈ ಕುರಿತು ದೃಢಡಿಸುವಷ್ಟು ದತ್ತಾಂಶಗಳಿಲ್ಲ ಎಂದು ಇತ್ತೀಚೆಗೆ ವಿಜ್ಞಾನಿಗಳು ಹೇಳಿದ್ದರು. ಇದೀಗ ಬೆಂಗಳೂರಿನಲ್ಲಿ ಮೊದಲ ಪ್ರಕರಣ ದಾಖಲಾಗಿದ್ದು, ಅದೂ ಸೌಮ್ಯವಾಗಿದೆ. ಇದೊಂದೇ ಪ್ರಕರಣದಿಂದ ಎರಡನೇ ಅಲೆಯನ್ನು ದೃಢಪಡಿಸಲಾಗದು ಎಂದು ಬಿಬಿಎಂಪಿ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
