ಹೈಕೋರ್ಟ್​ನಲ್ಲಿ ಕರೊನಾ ಅಲರ್ಟ್; ಪ್ರವೇಶ ದ್ವಾರಗಳಲ್ಲೇ ದೇಹದ ಉಷ್ಣಾಂಶ ತಪಾಸಣೆ

ಬೆಂಗಳೂರು: ಕರೊನಾ ಭೀತಿ ಹಿನ್ನೆಲೆಯಲ್ಲಿ ಮುಂಜಾಗ್ರತೆ ಕ್ರಮವಾಗಿ ನ್ಯಾಯಾಲಯಕ್ಕೆ ಭೇಟಿ ನೀಡುವ ಕಕ್ಷಿದಾರರರು, ಸಿಬ್ಬಂದಿ, ಸರ್ಕಾರಿ ಅಧಿಕಾರಿಗಳು ಮತ್ತು ಸಂದರ್ಶಕರನ್ನು ಥರ್ಮಲ್ ಸ್ಕ್ರೀನಿಂಗ್​ಗೆ ಒಳಪಡಿಸಿ ತಪಾಸಣೆ ನಡೆಸಲಾಗುತ್ತಿದೆ.

ಹೈಕೋರ್ಟ್​ನ ಎಲ್ಲ ಪ್ರವೇಶ ದ್ವಾರಗಳಲ್ಲಿ ಮಂಗಳವಾರ ರಾಜ್ಯ ಆರೋಗ್ಯ ಇಲಾಖೆಯ ನಾಲ್ಕೈದು ಸಿಬ್ಬಂದಿ ಸಂದರ್ಶಕರ ದೇಹದ ಉಷ್ಣಾಂಶ ತಪಾಸಣೆ ನಡೆಸಿದರು. ಬೆಳಗ್ಗೆ ಕಲಾಪ ಆರಂಭವಾಗುವ ಮುನ್ನ ಹಾಗೂ ಮಧ್ಯಾಹ್ನ ಭೋಜನ ವಿರಾಮದ ವೇಳೆ ಮುಖ್ಯ ನ್ಯಾಯಮೂರ್ತಿ ಎ.ಎಸ್. ಓಕ್ ಇದನ್ನು ಪರಿಶೀಲಿಸಿದರು.

ಹೈಕೋರ್ಟ್​ಗೆ ಭೇಟಿ ನೀಡುವವರಿಗೆ ಥರ್ವಮೀಟರ್​ನಿಂದ ದೇಹದ ಉಷ್ಣಾಂಶ ಪರಿಶೀಲಿಸಲಾಗುತ್ತದೆ. ಹೆಚ್ಚಿರುವವರ ಹೆಸರು, ವಿಳಾಸ ದಾಖಲಿಸಿಕೊಂಡು ಜ್ವರ, ಶೀತ ಹಾಗೂ ಕೆಮ್ಮು ಇದೆಯಾ ಎಂದು ತಪಾಸಣೆ ನಡೆಸಲಾಗುತ್ತದೆ. ಈ ಲಕ್ಷಣ ಇರುವುದು ದೃಢಪಟ್ಟರೆ ಕೂಡಲೇ ರಾಜೀವ್​ಗಾಂಧಿ ಎದೆ ರೋಗಗಳ ಆಸ್ಪತ್ರೆಗೆ ಕರೆದೊಯ್ದು ತಪಾಸಣೆಗೆ ಒಳಪಡಿಸ ಲಾಗುತ್ತದೆ ಎಂದು ಆರೋಗ್ಯ ಇಲಾಖೆ ಸಿಬ್ಬಂದಿ ತಿಳಿಸಿದರು.

ವಕೀಲರ ಸಂಖ್ಯೆ ಕಡಿಮೆ: ಕೆಮ್ಮ, ಶೀತ ಮತ್ತು ಜ್ವರದ ಲಕ್ಷಣ ಕಾಣಿಸಿಕೊಂಡ ವಕೀಲರಿಗೆ ಕೋರ್ಟ್ ಆವರಣದೊಳಗೆ ಪ್ರವೇಶಿಸದಂತೆ ಸಲಹೆ ನಿಡಲಾಗಿದೆ. ಕೋರ್ಟ್ ಹಾಲ್​ಗಳ ಪ್ರವೇಶಕ್ಕೆ ಕಕ್ಷಿದಾರರಿಗೆ ನಿರ್ಬಂಧ ಹೇರಿರುವ ಹಿನ್ನೆಲೆ ಯಲ್ಲಿ ಹಾಗೂ ತುರ್ತು ಪ್ರಕರಣಗಳನ್ನಷ್ಟೇ ವಿಚಾರಣೆ ನಡೆಸುತ್ತಿರು ವುದರಿಂದ ಹೈಕೋರ್ಟ್​ನಲ್ಲಿ ವಕೀಲರು ಮತ್ತು ಕಕ್ಷಿದಾರರ ಸಂಖ್ಯೆ ಕಡಿಮೆ ಇತ್ತು. ಹೈಕೋರ್ಟ್​ಗೆ ಭೇಟಿ ನೀಡಿದ ಎಲ್ಲ ವಕೀಲರ ದೇಹದ ಉಷ್ಣಾಂಶ ತಪಾಸಣೆ ನಡೆಸಲಿಲ್ಲ.

https://www.vijayavani.net/coronavirus-effect-on-bengaluru/

https://www.vijayavani.net/digvijaya-singh-has-now-been-placed-under-preventive-arrest/