ಅಧಿಕ ಶ್ರಾವಣ ಮಾಸದ ಅಂಗವಾಗಿ ನಿರಂತರ ಭಜನೆ

ಕಾರವಾರ: ನಗರದ ಶ್ರೀರಾಘವೇಂದ್ರ ಭಜನಾ ಮಂಡಳಿಯ ಸದಸ್ಯರು, ಅಧಿಕ ಶ್ರಾವಣ ಮಾಸದ ಪ್ರಯುಕ್ತ, ಇಲ್ಲಿನ ಶ್ರೀ ರಾಘವೇಂದ್ರ ಮಠದಲ್ಲಿ 30 ದಿನಗಳ ಕಾಲ ನಿರಂತರ ಭಜನಾ ಕಾರ್ಯಕ್ರಮವನ್ನು ನಡೆಸಿದರು.

ಪ್ರತಿ ದಿನ ಶ್ರೀಗಣೇಶ, ಶ್ರೀ ರಾಘವೇಂದ್ರ, ಶ್ರೀದೇವಿ , ಶ್ರೀ ಆಂಜನೇಯ ಮತ್ತು ಶ್ರೀ ಮಹಾದೇವರ ಸ್ತುತಿ ಗಳೊಂದಿಗೆ ಪ್ರಾರಂಭಿಸಿ, ಪುರಂದರ ದಾಸರ 33 ಭಜನೆಗಳನ್ನು ಹಾಡುವುದರೊಂದಿಗೆ, 33 ದೀಪಗಳ ಆರತಿ ಮತ್ತು 33 ಹೂಗಳಿಂದ ಅರ್ಚನೆ ಯನ್ನು ಮಾಡಿ ಕೃತಾರ್ಥರಾದರು.

ಇದನ್ನೂ ಓದಿ:ನೌಕಾನೆಲೆಯಿಂದ ಅಕ್ರಮ ಗೋ ಸಾಗಣೆ ..?

ಅಲ್ಲದೇ ಗೋಕರ್ಣದ ವೆಂಕಟೇಶ್ವರ ದೇವಸ್ಥಾನ, ಬಾಡದ ಮಹಾ ದೇವಸ್ಥಾನ, ಗೌರಿಶಂಕರ ದೇವಸ್ಥಾನ ಮತ್ತು ಮುರಳೀಧರ ಮಠದಲ್ಲೂ ಒಂದೊಂದು ದಿನ ಭಜನೆ ಮಾಡಿದರು. ಆರಾಧನಾ ಸಾಂಸ್ಕೃತಿಕ ಸಂಘದ ಸದಸ್ಯರೂ ಈ ಕಾರ್ಯಕ್ರಮದಲ್ಲಿ ಕೈಜೋಡಿಸಿದರು.