ಯಾದಗಿರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ, ಗ್ರಾಹಕರ ಪ್ರಕರಣ ಸಂ.11/2020ರ ತೀರ್ಪು ಯಾದಗಿರಿ ಜಿಲ್ಲೆಯ ವಡಗೇರಾ ತಾಲ್ಲೂಕಿನ ಬೆಂಡೆಬAಬಳಿ ಗ್ರಾಮದ ರೈತರಾದ ವಿರುಪಣ್ಣ ರೆಡ್ಡಿ ತಂದೆ ಸೂಗಣ್ಣ ರೆಡ್ಡಿ ಹಾಗೂ ಇನ್ನಿತರ 90 ರೈತರು, ಕರ್ನಾಟಕ ಗ್ರಾಮೀಣ ಬ್ಯಾಂಕ್ ಬೆಂಡೆಬAಬಳಿ ಶಾಖೆಯಿಂದ 2018-19ನೇ ಸಾಲಿಗೆ ಮುಂಗಾರು ಬೆಳೆ ಸಾಲವನ್ನು ಪಡೆದಿದ್ದು, ತತ್ಸಂಬAಧವಾಗಿ ಬ್ಯಾಂಕಿನವರು ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಫಸಲ್ ಭೀಮಾ ಯೋಜನೆ ಅಡಿಯಲ್ಲಿ ಒಳಗೊಂಡಿರುವ ಕೇಂದ್ರ ಸರ್ಕಾರದ ಕಡ್ಡಾಯ ಮಾರ್ಗಸೂಚಿ ಪ್ರಕಾರ ಬೆಳೆ ಸಾಲ ಪಡೆದ ಎಲ್ಲಾ ರೈತರ ಎಕರವಾರು ಜಮೀನಿನಲ್ಲಿ ಬೆಳೆದಂತಹ ಬೆಳೆಗೆ ಪಿ.ಎಂ.ಎಫ್.ಬಿ.ವೈ ಯೋಜನೆ ಅಡಿಯಲ್ಲಿ ವಿಮಾ ಕಂತನ್ನು ಫ್ಯೂಚರ್ ಜನರಲ್ ಇನ್ಸೂರೆನ್ಸ್ ಕಂಪನಿ ಲಿಮಿಟೆಡ್ ಇವರಿಗೆ ರೈತರ ಪರವಾಗಿ ಸಂದಾಯ ಮಾಡಿರುತ್ತಾರೆ. ತದನಂತರದಲ್ಲಿ ಪ್ರಕೃತಿ ವಿಕೋಪಕ್ಕೆ ಒಳಗಾಗಿ ರೈತರು ತಮ್ಮ ಜಮೀನಿನಲ್ಲಿ ಬೆಳೆದ ಬೆಳೆಯು ನಾಶವಾಗಿ ಸದರಿ ನಾಶ ಹೊಂದಿದ ಬೆಳೆಯ ವಿಮಾ ಪರಿಹಾರ ಮೊತ್ತವನ್ನು ಭರಿಸಿಕೊಡುವಂತೆ ಸಂಬAಧಪಟ್ಟ ಕರ್ನಾಟಕ ಗ್ರಾಮೀಣ ಬ್ಯಾಂಕ್, ಮತ್ತು ಫ್ಯೂಚರ್ ಜನರಲ್ ಇನ್ಸೂರೆನ್ಸ್ ಕಂಪನಿ ಲಿಮಿಟೆಡ್, ಯಾದಗಿರಿ ಜಿಲ್ಲಾಧಿಕಾರಿ ಮತ್ತು ಸರಕಾರದ ಸಂಬAಧಪಟ್ಟ ಇಲಾಖೆಗಳಲ್ಲಿ ಮೌಖಿಕವಾಗಿ ವಿಚಾರಿಸಿ ಮತ್ತು ಕಾನೂನುಡಿಯಲ್ಲಿ ನೋಟಿಸ್ ಕಳಿಸಲಾಗಿದ್ದರೂ ಕೂಡ ಯಾವ ಅಧಿಕಾರಿಗಳು ರೈತರಿಗೆ ಸಮಂಜಸವಾದ ಉತ್ತರ ಅಥವಾ ಪರಿಹಾರ ಕೊಟ್ಟಿರುವುದಿಲ್ಲ.
