ನಾನು ಚಿಕ್ಕಂದಿನಿಂದಲೂ ನೋಡಿದಂತೆ ನೀವು ಕಲ್ಲುಮುಳ್ಳಿನ ಹಾದಿ ಸವೆಸಿ, ಅವಮಾನ, ಅಸಹಾಯಕತೆಯಲ್ಲೂ ಒಂಟಿ ಯಾಗಿ ನಿಂತು ಹೋರಾಡಿ, ದಿಟ್ಟ ಹೆಜ್ಜೆ ಇಟ್ಟು ಸಾಧಿಸಿದ ಸಾಧನೆಯನ್ನು ಹೇಗೆ ವಿವರಿಸಲಿ, ಎಷ್ಟೆಂದು ಕೊಂಡಾಡಲಿ, ನನಗೆ ಶಬ್ದಗಳೇ ಸಿಗುತ್ತಿಲ್ಲ. ಸಾವಿರಾರು ಜನರ ಹೊಟ್ಟೆ ತುಂಬಿಸಿ, ಅನ್ನದಾತರೆನಿಸಿಕೊಂಡ ನೀವು, ಈಗಲೂ ಸ್ವಲ್ಪ ಸಮಯವನ್ನೂ ವ್ಯರ್ಥ ಮಾಡದೆ ದುಡಿಯುತ್ತಿರುವುದನ್ನು ನೋಡಿದರೆ ಬಹಳ ಸಂತಸವೆನಿಸುತ್ತದೆ. ನಿಮ್ಮ ಅವಿರತ ಶ್ರಮದಿಂದ ಕಟ್ಟಿದ ವಿಆರ್ಎಲ್ ಸಂಸ್ಥೆ ಹಾಗೂ ಆದರ್ಶಪ್ರಾಯವಾದ ನಿಮ್ಮ ಹೆಸರು ಸೂರ್ಯ-ಚಂದ್ರರು ಇರುವವರೆಗೂ ಅಜರಾಮರವಾಗಿರಲಿ ಮತ್ತು ದಿನ ದಿನವೂ ಹೆಚ್ಚು ಹೆಚ್ಚು ಯಶಸ್ಸಿನ ಶಿಖರವೇರಿ ಇತಿಹಾಸದ ಪುಟಗಳಲ್ಲಿ ಸುವರ್ಣಾಕ್ಷರಗಳಲ್ಲಿ ಬರೆಯುವಂತಾಗಲಿ.
