ಅಧಿಕಾರಿಗಳ ಮುಂದೆಯೇ ಫಿನೈಲ್​​ ಕುಡಿದು ಆತ್ಮಹತ್ಯೆಗೆ ಯತ್ನಿಸಿದ ಬಸ್ ಕಂಡಕ್ಟರ್​!; ಕ್ಷುಲ್ಲಕ ಕಾರಣಕ್ಕೆ ಜಗಳ..

ವಿಜಯನಗರ: ಕ್ಷುಲ್ಲಕ ಕಾರಣಕ್ಕೆ ಜಗಳ ಮಾಡಿಕೊಂಡ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಕಂಡಕ್ಟರ್, ಅಧಿಕಾರಿಗಳ ಮುಂದೆಯೇ ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದಾರೆ. ವಿಜಯನಗರ ಜಿಲ್ಲೆಯ ಹೊಸಪೇಟೆ ನಗರದ ಬಸ್ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಹೊಸಪೇಟೆ ವಿಭಾಗದ ಕಂಡಕ್ಟರ್ ಕುತುಬುದ್ದೀನ್ ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ ಕಂಡಕ್ಟರ್.

ಲಗೇಜ್ ವಿಚಾರವಾಗಿ ಕಾರ್ಗೊ ಗುತ್ತಿಗೆದಾರ ಹಾಗೂ ಕಂಡಕ್ಟರ್ ಕುತುಬುದ್ದೀನ್ ನಡುವೆ ಜಗಳ ನಡೆದಿದೆ. ಬಳ್ಳಾರಿಯಿಂದ ಪಾರ್ಸೆಲ್​ ತರುವ ವಿಷಯವಾಗಿ ಬಳ್ಳಾರಿಯ ಕಾರ್ಗೊ ಉದ್ಯೋಗಿ ಮತ್ತು ಕಂಡಕ್ಟರ್ ಮಧ್ಯೆ ವಾಗ್ವಾದ ನಡೆದಿದೆ. ಈ ಜಗಳದ ಆಡಿಯೋವನ್ನು ಕಾರ್ಗೊ ಉದ್ಯೋಗಿಗಳು ಹೊಸಪೇಟೆ ಡಿಟಿಒ ಅಧಿಕಾರಿಗೆ ಕಳುಹಿಸಿ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಸುಮಾರು 5,500 ವಿದ್ಯಾರ್ಥಿಗಳಿಗೆ ಸಿಹಿಸುದ್ದಿ ಕೊಟ್ಟರು ಮೋದಿ: ಸ್ನಾತಕ-ಸ್ನಾತಕೋತ್ತರ ವ್ಯಾಸಂಗಕ್ಕಾಗಿ ಮೀಸಲಾತಿ

ಈ ಸಂಬಂಧವಾಗಿ ಅಧಿಕಾರಿಗಳು ಕುತುಬುದ್ದೀನ್​ ಅವರನ್ನು ಕರೆಸಿ ವಿಚಾರಣೆ ನಡೆಸಿದಾಗ ಅವರು ಕೂಡಲೇ ಕಿಸೆಯಿಂದ ಫಿನೈಲ್ ಬಾಟಲಿ ತೆಗೆದು ಕುಡಿದು ಅಲ್ಲಿಂದ ಓಡಿಹೋಗಿದ್ದಾರೆ. ನಂತರ ಸಿಬ್ಬಂದಿ ಅವರನ್ನು ಹಿಡಿದು ಹೊಸಪೇಟೆ ಸರ್ಕಾರಿ‌ ಆಸ್ಪತ್ರೆಯಲ್ಲಿ‌ ಚಿಕಿತ್ಸೆ ಕೊಡಿಸಿದ್ದು, ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

https://www.vijayavani.net/i-will-not-interfere-in-cabinet-formation/

https://www.vijayavani.net/woman-lost-life-herself-due-to-financial-burden/

https://www.vijayavani.net/woman-inspector-sub-inspector-and-a-police-suspended/