ಪಶುವೈದ್ಯರು, ಸಾಕಾನೆಗಳಾದ ರೋಹಿತ ಮತ್ತು ಪಾರ್ಥಸಾರಥಿ ಜತೆಗೆ ಗೆಜ್ಜಿಗಶೆಟ್ಟಿ ಹಳ್ಳ ಹಾಗೂ ಆಲದಮರದ ಮುಂಟಿಗಳ ಸಮೀಪ ಹುಲಿಸಂರಕ್ಷಣಾ ದಳದ 12 ಹಾಗೂ ಅರಣ್ಯ ಇಲಾಖೆಯ 23 ಸಿಬ್ಬಂದಿ ಕೂಂಬಿಂಗ್ ನಡೆಸಿದರು. ಪ್ರದೇಶದ ಸುತ್ತಲೂ 3 ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಡ್ರೋಣ್ ಮೂಲಕ ಹುಡುಕಾಟ ನಡೆಸಿದರೂ ಹುಲಿ ಪತ್ತೆಯಾಗಿಲ್ಲ. ಆದ್ದರಿಂದ ಸೋಮವಾರವೂ ಕೂಂಬಿಂಗ್ ಕಾರ್ಯಾಚರಣೆ ಮುಂದುವರಿಸಲಾಗುವುದು. ಅಕ್ಕಪಕ್ಕದ ಗ್ರಾಮಗಳ ಜನರು ಜಾನುವಾರುಗಳನ್ನು ತಮ್ಮ ಹೊರಗೆ ಕಟ್ಟಿಹಾಕಬಾರದು. ಸಂಜೆ ಕತ್ತಲಾದ ನಂತರ ಮನೆಗಳಿಂದ ಹೊರಬರದೆ ಎಚ್ಚರಿಕೆಯಿಂದ ಇರಬೇಕು ಎಂದು ಜಾಗೃತಿ ಮೂಡಿಸಲಾಗುತ್ತಿದೆ ಎಂದು ಓಂಕಾರ್ ವಲಯಾರಣ್ಯಾಧಿಕಾರಿ ಸತೀಶ್ ಕುಮಾರ್ ತಿಳಿಸಿದ್ದಾರೆ.
