ವಿಸ್ತರಿತ ಮೆಟ್ರೋ ಮಾರ್ಗದಲ್ಲಿ ರದ್ದಾದ ಪರಿಶೀಲನೆ; ದೆಹಲಿಯಿಂದ ಬಾರದ ಸಿಎಂಆರ್​ಎಸ್​ ತಂಡ

ಬೆಂಗಳೂರು: ಬೈಯಪ್ಪನಹಳ್ಳಿ-ಕೆ.ಆರ್​.ಪುರ ಮಾರ್ಗದಲ್ಲಿ ಮೆಟ್ರೋ ರೈಲ್ವೇ ಸುರಕ್ಷತಾ ಆಯುಕ್ತರ ತಂಡ ಬುಧವಾರ ನಡೆಸಬೇಕಿದ್ದ ಅಂತಿಮ ಹಂತದ ಪರಿಶೀಲನೆ ಪ್ರಕ್ರಿಯೆ ಕೊನೆಯ ಕ್ಷಣದಲ್ಲಿ ರದ್ದಾಗಿದೆ. ಸದ್ಯದಲ್ಲೇ ಸಿಎಂಆರ್​ಎಸ್​ ಅಧಿಕಾರಿಗಳು ದೆಹಲಿಯಿಂದ ಆಗಮಿಸಿ ಪರಿಶೀಲನೆ ನಡೆಸಲಿದ್ದಾರೆ ಎಂದು ಬಿಎಂಆರ್​ಸಿಎಲ್​ ಅಧಿಕಾರಿಗಳು ತಿಳಿಸಿದ್ದಾರೆ.

ರೈಲಿನ ವೇಗ, ವಿದ್ಯುತ್​ ಸಂಚಾರ, ರೈಲುಗಳ ಸಂಚಾರ ಸಮಯ, ಸಿಗ್ನಲಿಂಗ್​ ಬಾಗಿಲು ತೆರೆದುಕೊಳ್ಳುವ ಸಮಯ, ನಿಲ್ದಾಣಗಳಲ್ಲಿ ಮೂಲಸೌಕರ್ಯ ಮುಂತಾದ ಕ್ರಮಗಳ ಬಗ್ಗೆ ಸಿಎಂಆರ್​ಎಸ್​ ಅಧಿಕಾರಿಗಳ ತಂಡ ಪರಿಶೀಲಿಸಿ ಅಂತಿಮ ವರದಿ ನೀಡಬೇಕಿದೆ. ಬಳಿಕ ಬೈಯಪ್ಪನಹಳ್ಳಿ&ಕೆ.ಆರ್​.ಪುರ ಮಾರ್ಗದಲ್ಲಿ ಮೆಟ್ರೋ ವಾಣಿಜ್ಯ ಸಂಚಾರ ಆರಂಭವಾಗಲಿದೆ.

ಮುಂದಿನ ವಾರದಲ್ಲಿ ಮತ್ತೊಂದು ವಿಸ್ತರಿತ ಮಾರ್ಗವಾದ ಕೆಂಗೇರಿ&ಚಲ್ಲಟ್ಟ ನಡುವೆ ಸಿಎಂಆರ್​ಎಸ್​ ತಂಡ ಪರಿಶೀಲನೆ ಆರಂಭಿಸಲಿದೆ ಎನ್ನಲಾಗಿದೆ.