ಅಮೆರಿಕದಲ್ಲಿ ಕರೊನಾ ಸಂಕಷ್ಟದಲ್ಲಿ ಸಿಲುಕಿರುವ ಕನ್ನಡಿಗರಿಗೆ ಧೈರ್ಯ ತುಂಬಲು ಸಿಎಂ ವಿಡಿಯೋ ಸಂವಾದ

ಬೆಂಗಳೂರು: ಅಮೆರಿಕದಲ್ಲಿರುವ ಕನ್ನಡಿಗರೂ ಕರೊನಾ ಸಂಕಷ್ಟದಲ್ಲಿ ಸಿಲುಕಿದ್ದು, ಅವರಿಗೆ ಧೈರ್ಯ ತುಂಬಲು ಸಿಎಂ ಬಿ.ಎಸ್.ಯಡಿಯೂರಪ್ಪ ವಿಡಿಯೋ ಸಂವಾದ ನಡೆಸಲಿದ್ದಾರೆ.

ಅಮೆರಿಕ ಕನ್ನಡ ಕೂಟಗಳ ಆಗರ (ಅಕ್ಕ) ಸಂಘಟನೆ ಸಹಯೋಗದಿಂದ ಈ ಸಂವಾದ ಆಯೋಜಿಸಲಾಗಿದ್ದು, ಭಾನುವಾರ ರಾತ್ರಿ 9.15ಕ್ಕೆ (ಅಲ್ಲಿನ ಕಾಲಮಾನ ಬೆಳಗ್ಗೆ 11.30) ಬಿಎಸ್​ವೈ ಮತ್ತು ಸುತ್ತೂರು ಮಠದ ಶ್ರೀ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ ಮಾತನಾಡಲಿದ್ದಾರೆ.

ಉತ್ತರ ಕರ್ನಾಟಕದಲ್ಲಿ ನೆರೆ, ಕೊಡಗಿನಲ್ಲಿ ಭೂಕುಸಿತ ಸೇರಿ ಹಲವು ಸಂದರ್ಭಗಳಲ್ಲಿ ಅಮೆರಿಕ ಕನ್ನಡಿಗರು ರಾಜ್ಯಕ್ಕೆ ಸ್ಪಂದಿಸಿರುವುದಾಗಿ ಅಕ್ಕ ಸಂಘಟನೆ ಅಧ್ಯಕ್ಷ ತುಮಕೂರು ದಯಾನಂದ ನೆನಪಿಸಿದ್ದಾರೆ.

https://www.vijayavani.net/woman-walks-with-body-of-3-year-old-son-after-she-didnt-get-ambulance/