ಶಿವಶರಣ ಅಂಬಿಗರ ಚೌಡಯ್ಯನವರ ಅನುಭವವೇ ವಚನ

ನಗರದ ಮುರುಘಾಮಠದಲ್ಲಿ ಸೋಮವಾರ ಆಯೋಜಿಸಿದ್ದ ಶಿವಶರಣ ಅಂಬಿಗರ ಚೌಡಯ್ಯ ಜಯಂತ್ಯುತ್ಸವದಲ್ಲಿ ಉಪನ್ಯಾಸ ನೀಡಿದರು.

ಸಮಾಜದಲ್ಲಿನ ಮೌಢ್ಯ, ಕಂದಾಚಾರ, ಡಾಂಬಿಕ ಭಕ್ತಿ ಅಲ್ಲಗಳೆದು ಸಮ ಸಮಾಜದ ನಿರ್ಮಾಣಕ್ಕೆ ಕಟಿಬದ್ಧರಾದ ಶರಣರು, ಬಸವಣ್ಣನವರ ನೇತೃತ್ವದಲ್ಲಿ ಕಲ್ಯಾಣದ ಅನುಭವ ಮಂಟಪದಲ್ಲಿ ಸಕಲ ಸಮುದಾಯದ ಶರಣರಿಗೂ ಆದ್ಯತೆ ನೀಡಿದ್ದರು.

ಅಂಬಿಗರ ಚೌಡಯ್ಯ ತಮ್ಮ ಕಾಯಕ ದೋಣಿ ನಡೆಸುವುದನ್ನು ನಿಷ್ಠೆಯಿಂದ ನೆರವೇರಿಸುತ್ತ ತನ್ನ ಜೀವನದ ಅನುಭವಗಳನ್ನೇ ವಚನಾಮೃತವಾಗಿಸಿದವರು. ಇವರ ದಿಟ್ಟತನ ಅತ್ಯಂತ ಶ್ರೇಷ್ಠ ಅನುಭವದ ಮಾತುಗಳನ್ನು ಕೇಳಿ ನಿಮ್ಮ ನೇರ ನಿಷ್ಠುರ ನುಡಿ ಗಳಿಂದ ನೀವು ನಿಜ ಶರಣರೆಂದು ಕರೆದರು ಎಂದರು.

ಸಾನ್ನಿಧ್ಯ ವಹಿಸಿದ್ದ ಶ್ರೀಮಠದ ಆಡಳಿತ ಮಂಡಳಿ ಸದಸ್ಯ ಡಾ. ಶ್ರೀ ಬಸವಕುಮಾರ ಸ್ವಾಮೀಜಿ ಮಾತನಾಡಿ, ಬಸವಾದಿ ಶರಣರ ನಡೆ, ನುಡಿ ಶುದ್ಧತೆ ಮಹತ್ವವನ್ನರಿತು ಮುಂದುವರಿಯಬೇಕಿದೆ ಎಂದು ಇವತ್ತಿನ ಪೀಳಿಗೆಗೆ ಸಲಹೆ ನೀಡಿದರು. ಸಮ್ಮುಖ ವಹಿಸಿದ್ದ ಶ್ರೀ ಬಸವ ಮುರುಘೇಂದ್ರ ಸ್ವಾಮೀಜಿ ಮಾತನಾಡಿದರು.

ನಿಪ್ಪಾಣಿ ಶ್ರೀ ಮಲ್ಲಿಕಾರ್ಜುನ ಸ್ವಾಮೀಜಿ, ಈಚಲನಾಗೇನಹಳ್ಳಿ ಗೋವಿಂದ ಸ್ವಾಮೀಜಿ, ಕಣಿವೆಮಾರಮ್ಮ ತಿಪ್ಪೇಸ್ವಾಮಿ, ಬಸವ ರಾಜಕಟ್ಟಿ, ಎಸ್.ಎಂ. ಕೊಟ್ರೇಶಪ್ಪ, ಕವಿ ಗಂಗಾಧರಪ್ಪ, ಅಣ್ಣಪ್ಪ ಎಚ್.ಡಿ.ಪುರ, ರಾಜಶೇಖರ್, ಬಸವರಾಜ ಅಂಗಡಿ, ಸಿದ್ದಾಪುರ ಮಲ್ಲಿಕಾರ್ಜುನಪ್ಪ, ಕೆ.ಪಿ.ಎಂ. ಗಣೆÃಶಯ್ಯ, ಶಿವಮೊಗ್ಗ ರಂಗಾಯಣ ವ್ಯವಸ್ಥಾಪಕ ಮಂಜುನಾಥ ಹಿರೇಮಠ ಮತ್ತು ಸಹ ಕಲಾವಿ ದರು ಇತರರು ಇದ್ದರು.

ಜಮುರಾ ಕಲಾವಿದ ಉಮೇಶ್ ಪತ್ತಾರ್ ವಚನ ಹಾಡಿದರು. ಶಿಕ್ಷಕಿ ವಿಜಯಲಕ್ಷಿ÷್ಮÃ ಸ್ವಾಗತಿಸಿದರು. ಎನ್. ನಿರ್ಮಲಾ ನಿರೂಪಿಸಿದರು.