ಗ್ರಾಮೀಣ ಮೂಲ ಸೌಕರ್ಯಾಭಿವೃದ್ಧಿಗೆ ಆದ್ಯತೆ Development

ತಾಲೂಕಿನ ಖಂಡೇನಹಳ್ಳಿಯಿಂದ ಆಂಧ್ರಗಡಿವರೆಗಿನ ಸಂಪರ್ಕ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿ ಗುರುವಾರ ಮಾತನಾಡಿದರು.

ಗ್ರಾಮೀಣ ಭಾಗದ ರಸ್ತೆಗಳ ಅಭಿವೃದ್ಧಿಗೆ ವಿಶೇಷ ಅನುದಾನ ಮೀಸಲಿಟ್ಟಿದ್ದು, ಆದ್ಯತೆ ಮೇರೆಗೆ ಪ್ರಮುಖ ರಸ್ತೆಗಳ ಅಭಿವೃದ್ಧಿ ಜತೆಗೆ ವೇದಾವತಿ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ ಸೇತುವೆಗಳ ಸುರಕ್ಷತೆ, ನಿರ್ವಹಣೆ, ಅಗತ್ಯ ಇರುವೆಡೆ ಹೊಸ ಸೇತುವೆ ನಿರ್ಮಿಸಲಾಗುವುದು ಎಂದು ತಿಳಿಸಿದರು.

ಗಡಿ ಗ್ರಾಮಗಳ ಅಭಿವೃದ್ಧಿಗೆ 2008 ರಿಂದ ಹೆಚ್ಚು ಅನುದಾನ ನೀಡಿದ್ದರಿಂದ ನಾಗರಿಕ ಸೌಲಭ್ಯಗಳು ಜನತೆಗೆ ಲಭಿಸಿವೆ. ಜಲ ಜೀವನ್ ಮಿಷನ್- ಬಹು ಗ್ರಾಮ ಕುಡಿವ ನೀರಿನ ಕಾಮಗಾರಿ ಪ್ರಗತಿಯಲಿದೆ. ವಿವಿ ಸಾಗರ ಜಲಾಶಯದಿಂದ ಕಟ್ಟಕಡೆಯ ಹಳ್ಳಿಗೂ ಪೈಪ್‌ಲೈನ್ ಮೂಲಕ ನೀರು ಪೂರೈಕೆ ಮಾಡಲಾಗುವುದು ಎಂದು ಹೇಳಿದರು.

ಧರ್ಮಪುರ ಏತನೀರಾವರಿ 2ನೇ ಹಂತದ ಯೋಜನೆ ಜಾರಿಗೆ ಈಗಾಗಲೇ ಡಿಪಿಆರ್ ಸಿದ್ಧಪಡಿಸಿ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಧರ್ಮಪುರ ಸೇರಿ ಹೋಬಳಿಯ ಎಲ್ಲ ಕೆರೆಗಳಿಗೆ ನೀರು ತುಂಬಿಸಲು ಯೋಜನೆ ರೂಪಿಸಲಾಗಿದೆ. ಮುಂದಿನ ಎರಡು ವರ್ಷದಲ್ಲಿ ನೀರಾವರಿ, ಕುಡಿವ ನೀರು, ರಸ್ತೆ, ಚರಂಡಿ, ಬೀದಿದೀಪ, ಶಿಕ್ಷಣ, ಆರೋಗ್ಯ ಇತರ ಸೌಲಭ್ಯ ಕಲ್ಪಿಸಲು ಶಕ್ತಿ ಮೀರಿ ಶ್ರಮಿಸುವೆ ಎಂದು ತಿಳಿಸಿದರು.

ದಲಿತ ಮುಖಂಡ ಡಿ. ಚಿದಾನಂದ್ ಮಾತನಾಡಿ, ಗ್ರಾಮೀಣ ಭಾಗದ ದಲಿತ ಕಾಲನಿಗಳ ಅಭಿವೃದ್ಧಿಗೆ ಸಚಿವ ಡಿ.ಸುಧಾಕರ್ ಕೊಡುಗೆ ದೊಡ್ಡದಿದೆ. ಸಚಿವ ಸಂಪುಟ ಪುನರಚನೆಯಾದರೆ ಸುಧಾಕರ್ ಅವರನ್ನು ಯಾವುದೇ ಕಾರಣಕ್ಕೂ ಕೈಬಿಡಬಾರದು ಎಂದು ಒತ್ತಾಯಿಸಿದರು.

ಗ್ರಾಪಂ ಅಧ್ಯಕ್ಷೆ ಸಾವಿತ್ರಮ್ಮ ಈಶ್ವರಪ್ಪ, ಉಪಾಧ್ಯಕ್ಷೆ ಸೌಮ್ಯಾ ಗೋವಿಂದರಾಜ್, ಸದಸ್ಯರಾದ ಶಿವಮ್ಮ, ಮಂಗಳಾ ಯೋಗೇಶ್, ಶಿವಮ್ಮ, ಮುಖಂಡರಾದ ಡಿ.ಜಿ. ಗೋವಿಂದರಾಜ್, ದಾಸರಿ, ಎಸ್.ಕೆ. ಶಿವಮೂರ್ತಿ, ಶ್ರೀನಿವಾಸ್, ಚಿದಾನಂದ್, ವೆಂಕಟೇಶ್, ಜಿಪಂ ಮಾಜಿ ಸದಸ್ಯ ಅರ್. ನಾಗೇಂದ್ರನಾಯ್ಕ, ನಗರಸಭೆ ಸದಸ್ಯ ಈರಲಿಂಗೇಗೌಡ, ಈಶ್ವರಪ್ಪ, ನರಸಿಂಹಮೂರ್ತಿ, ಜಿಪಂ  ಕೆಡಿಪಿ ಸದಸ್ಯ ಪಿ.ಡಿ. ಕೋಟೆ ತಿಮ್ಮಯ್ಯ ಇದ್ದರು.