ಸಾಧನೆಗೆ ಸಕಾರಾತ್ಮಕ ಚಿಂತನೆಯೇ`ಭರವಸೆಯ ಹೆಜ್ಜೆ'

ಜಿಲ್ಲಾಡಳಿತ, ಜಿಪಂ, ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಹಾಗೂ ಶಿವಮೊಗ್ಗದ ಸಮನ್ವಯ ಟ್ರಸ್ಟ್ ಸಹಯೋಗದಲ್ಲಿ ನಗರದ ಶ್ರೀ ಮಹರ್ಷಿ ವಾಲ್ಮೀಕಿ ಭವನದಲ್ಲಿ ಶನಿವಾರ ಆಯೋಜಿಸಿದ್ದ `ಭರವಸೆಯ ಹೆಜ್ಜೆ' ಕಾರ್ಯಕ್ರಮದಲ್ಲಿ ಮಾತನಾಡಿ, ಸಕಾರಾತ್ಮಕ ಮನಸ್ಥಿತಿ ಗಟ್ಟಿಯಾಗಿದ್ದರೆ ಜೀವನದಲ್ಲಿ ಗೆಲುವು ಸಾಧ್ಯವಾಗಲಿದೆ ಎಂದರು.

ನಮ್ಮ ಮನಸ್ಸು ಯುದ್ಧಭೂಮಿ ಇದ್ದಂತೆ. ಮನಸ್ಸಿನಲ್ಲಿ ಒಳ್ಳೆಯ ಮತ್ತು ಕೆಟ್ಟ ಆಲೋಚನೆಗಳ ನಡುವೆ ನಿರಂತರ ಯುದ್ಧ ನಡೆಯು ತ್ತಿರುತ್ತದೆ. ನಮಲ್ಲಿ ಒಳ್ಳೆಯ ಗುಣಗಳ ಸಂಖ್ಯೆ ಕಡಿಮೆ ಸಂಖ್ಯೆಯಲ್ಲಿದ್ದರೆ, ನಕಾರಾತ್ಮಕ ಆಲೋಚನೆಗಳು ನೂರಾರು ಇರುತ್ತವೆ. ಸಕಾರಾತ್ಮಕ ಆಲೋಚನೆಗಳನ್ನು ಒಟ್ಟುಗೂಡಿಸಿಕೊಂಡು ಸಾಧನೆಯತ್ತ ಸಾಗಬೇಕಿದೆ ಎಂದು ತಿಳಿಸಿದರು.

ಯಶಸ್ಸು ಎಂಬುದು ಸುಲಭವಾಗಿ ಸಿಗದು. ಯಾರ ಹಣೆ ಬರಹವನ್ನೂ ಬ್ರಹ್ಮ ಮೊದಲೇ ಬರೆದಿಟ್ಟಿರುವುದಿಲ್ಲ. ಹಣೆಬರಹಕ್ಕಿಂತ ಸ್ವಂತ ಪರಿಶ್ರಮ ಮತ್ತು ಸಕಾರಾತ್ಮಕ ಛಲ ಮುಖ್ಯ. ಪ್ರತಿ ವಿದ್ಯಾರ್ಥಿಯಲ್ಲೂ ಸಾಽಸುತ್ತೇನೆ ಎಂಬ ದÊಢ ನಂಬಿಕೆ ಇರಬೇಕು. ಇದೇ ಈ`ಭರವಸೆಯ ಹೆಜ್ಜೆ' ಕಾರ್ಯಕ್ರಮದ ಮೂಲ ಉದ್ದೇಶ ಎಂದು ದಯಾನಂದ ತಿಳಿಸಿದರು.

ಎಡಿಸಿ ಬಿ.ಟಿ. ಕುಮಾರಸ್ವಾಮಿ ಮಾತನಾಡಿ, ವಿದ್ಯೆಗೆ ಕೊನೆಯಿಲ್ಲ, ಪ್ರಾರಂಭದಲ್ಲಿ ನಾನು ಡಿ.ಇಡಿ ಪೂರೈಸಿ ಶಿಕ್ಷಕನಾಗಿದ್ದೆ. ದೂರ ಶಿಕ್ಷಣದ ಮೂಲಕ ಪದವಿ ಪಡೆದು, ಕೆಎಎಸ್ ಪಾಸು ಮಾಡಿ ಉನ್ನತ ಹುದ್ದೆಗೆ ಏರಿದೆ. ಈಗಲೂ ದೂರ ಶಿಕ್ಷಣದ ಮೂಲಕ ಪಿಎಚ್‌ಡಿ ಅಧ್ಯಯನ ಮಾಡುತ್ತಿದ್ದೇನೆ. ವಿದ್ಯಾರ್ಥಿಗಳು ಅಧ್ಯಯನದ ಜತೆ ಉತ್ತಮ ಸಂಸ್ಕಾರ, ಮಾನವೀಯ ಮೌಲ್ಯಗಳನ್ನು ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಜಿಪಂ ಸಿಇಒ ಡಾ.ಎಸ್. ಆಕಾಶ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಪಿಯುಸಿಯಲ್ಲಿ ಉತ್ತಮ ಅಂಕಗಳಿಸಿದ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಹಾಸ್ಟೆಲ್ ವಿದ್ಯಾರ್ಥಿಗಳಾದ ಆಕಾಶ್, ಅಶ್ವಿನಿ ಹಾಗೂ ಕವನ ಅವರನ್ನು ಸನ್ಮಾನಿಸಲಾಯಿತು. ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಜಿಲ್ಲಾಽಕಾರಿ ಪುಷ್ಪಲತಾ ಭಾವಿಮಠ, ಸಮನ್ವಯ ಟ್ರಸ್ಟ್ ನಿರ್ದೇಶಕ ಸಮನ್ವಯ ಕಾಶಿ, ಸ್ವಯಂ ಸೇವಕರಾದ ದಾವಣಗೆರೆಯ ಕೆ.ಎನ್. ಪ್ರವೀಣ್, ಹೊಳಲ್ಕೆರೆ ವಿಕ್ರಂನಾಯಕ, ಸಂಪನ್ಮೂಲ ವ್ಯಕ್ತಿಗಳಾದ ಎಸ್.ವಿ. ವೆಂಕಟೇಶ್, ದೀಪಕ್‌ಬನ್ನೂರು, ಬಸವರಾಜ್ ಉಮ್ರಾಣಿ ಇತರರು ಇದ್ದರು.

ಮಾಜಿ ರಾಷ್ಟçಪತಿ ಡಾ.ಅಬ್ದುಲ್‌ಕಲಾಂ ಅವರು ಹೇಳಿದಂತೆ ವಿದ್ಯಾರ್ಥಿಗಳು ದೊಡ್ಡ ಸಾಧನೆಯ ತಮ್ಮ ಕನಸನ್ನು ನನಸಾಗಿಸಲು ಶ್ರಮಿಸಬೇಕು ಎಂದು ಜಿಪಂ ಸಿಇಒ ಡಾ.ಎಸ್. ಆಕಾಶ್ ಹೇಳಿದರು.

ವಿದ್ಯಾರ್ಥಿ ದಿಸೆಯಲ್ಲಿ ನಾನು ಕರ್ನಾಟಕ ರತ್ನ ಪುನೀತ್‌ರಾಜಕುಮಾರ್ ಅವರ ಪÊಥ್ವಿ ಸಿನಿಮಾದಿಂದ ಪ್ರೇರಣÉ ಪಡೆದು ಐಎಎಸ್‌ಗೆ ದೃಢ ನಿಶ್ಚಯ ಮಾಡಿದೆ. ಐಎಎಸ್‌ಗೆ ಆಯ್ಕೆ ಆದ ನಂತರ ನನ್ನ ಮೊದಲು ಪೋಸ್ಟಿಂಗ್ ಕೂಡ ಬಳ್ಳಾರಿ ಜಿಲ್ಲೆಯ ಲ್ಲಾಯಿತು. ಪ್ರತಿ ವಿದ್ಯಾರ್ಥಿಯೂ ತಮ್ಮಲ್ಲಿರುವ ಕ್ಷಮತೆಯನ್ನು ಸಾಕಾರ ಮಾಡಿಕೊಳ್ಳಲು ಪ್ರಯತ್ನಿಸಬೇಕು ಎಂದು ತಿಳಿಸಿದರು.

ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಯಶಸ್ಸು ಕಾಣಬೇಕಾದರೆ ವಿದ್ಯಾರ್ಥಿಗಳು ಮೊದಲು ತಮ್ಮಲ್ಲಿರುವ ನ್ಯೂನತೆ ಹಾಗೂ ದೌರ್ಬಲ್ಯಗಳನ್ನು ಗು ರುತಿಸಿಕೊಂಡು ಅವುಗಳನ್ನು ಗೆಲ್ಲಬೇಕು ಎಂದು ಎಸಿ ಡಾ.ಕೆ.ಜೆ. ಕಾಂತರಾಜ್ ಹೇಳಿದರು.

ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುವ ವಿದ್ಯಾರ್ಥಿಗಳು ನಿತ್ಯವೂ ದಿನಪತ್ರಿಕೆಗಳನ್ನು ಓದುವ ಹವ್ಯಾಸ ಬೆಳೆಸಿಕೊಳ್ಳಬೇಕು. ಇದರೊಂದಿಗೆ ೬ರಿಂದ ೧೦ನೇ ತರಗತಿವರೆಗಿನ ರಾಜ್ಯ ಪಠ್ಯಕ್ರಮ ಅಥವಾ ಎಸ್‌ಸಿಆರ್‌ಟಿ ಪುಸ್ತಕಗಳ ಆಳ ಅಧ್ಯಯನ ಅಗತ್ಯವಿದೆ.

ಪ್ರಚಲಿತ ವಿದ್ಯಮಾನ, ಹಿಂದಿನ ಪರೀಕ್ಷೆಗಳ ಹಳೆಯ ಪ್ರಶ್ನೆ ಪತ್ರಿಕೆಗಳನ್ನು ಗಮನಿಸಬೇಕು. ವಿದ್ಯಾರ್ಥಿ ದೆಸೆಯಲ್ಲಿ ಮನಸ್ಸನ್ನು ಬೇರೆಡೆಗೆ ಸೆಳೆಯುವ ಅಂಶಗಳಿAದ ದೂರವಿದ್ದು, ಗುರಿ ಸಾಽಸಬೇಕು ಎಂದರು.