ಚಿತ್ರದುರ್ಗ

ಜಿಲ್ಲೆಯಲ್ಲಿ ಬಹುಗ್ರಾಮ ಕುಡಿವ ನೀರು ಯೋಜನೆಗಳ ಆಮೆ ನಡಿಗೆ

ಪಾವಗಡ ಎಂವಿಎಸ್ ಸ್ಕೀಂನ ಹೊಸಪೇಟೆ ತಾಲೂಕು ಮರಿಯಮ್ಮನಹಳ್ಳಿ ಬಳಿ ತುಂಗಾಭದ್ರಾ ಜಲಾಶಯದ ಜಾಕ್‌ವೆಲ್ ಮತ್ತು ಪಂಪ್‌ಹೌಸ್.
ಪಾವಗಡ ಎಂವಿಎಸ್ ಸ್ಕೀಂನ ಹೊಸಪೇಟೆ ತಾಲೂಕು ಮರಿಯಮ್ಮನಹಳ್ಳಿ ಬಳಿ ತುಂಗಾಭದ್ರಾ ಜಲಾಶಯದ ಜಾಕ್‌ವೆಲ್ ಮತ್ತು ಪಂಪ್‌ಹೌಸ್.
ಡಿ.ಪಿ.ನಾಗರಾಜ ಶ್ರೇಷ್ಠಿ
Published on: 

ಪ್ರಮುಖ ಮುಖ್ಯಾಂಶಗಳು

  • ಇನ್ನೂ ಪೂರ್ಣಗೊಳ್ಳದ ೯ ಎಂವಿಎಸ್‌ಗಳು
  • ೩ ಸಾವಿರ ಕೋಟಿ ರೂ.ಅಽಕ ವೆಚ್ಚದ ಸ್ಕೀಂಗಳು
  • ಜಿಲ್ಲಾ ಉಸ್ತುವಾರಿ ಸಚಿವರ ಸ್ವ ಕ್ಷೇತ್ರದಲ್ಲೂ ವಿಳಂಬ
ಡಿಪಿಎನ್ ಶ್ರೇಷ್ಠಿ, ಚಿತ್ರದುರ್ಗ
ಜಿಲ್ಲೆಯಲ್ಲಿ ಅನುಷ್ಠಾನಗೊಳ್ಳುತ್ತಿರುವ ಬಹು ಗ್ರಾಮ ಕುಡಿವ ನೀರಿನ ಯೋಜನೆಗಳ(ಎಂವಿಎಸ್)ಪ್ರಗತಿಯಲ್ಲಿ ಸಾಕಷ್ಟು ವಿಳಂಬ ವಾಗುತ್ತಿದೆ.
ದಾವಣಗೆರೆ ಜಿಲ್ಲೆ ಶಾಂತಿಸಾಗರ, ಚಿಕ್ಕಮಗಳೂರು ಜಿಲ್ಲೆಯ ಭದ್ರಾ ಜಲಾಶಯ, ಚಿತ್ರದುರ್ಗ ಜಿಲ್ಲೆಯ ವಾಣಿವಿಲಾಸ ಸಾಗರ, ಗಾಯತ್ರಿ ಜಲಾಶಯಗಳು ಹಾಗೂ ಹೊಸಪೇಟೆ ತುಂಗಾಭದ್ರಾ ಜಲಾಶಯದ ನೀರನ್ನು ಬಳಸಿಕೊಂಡು ಅನುಷ್ಠಾನವಾಗುತ್ತಿರುವ ೩೦೬೫ ಕೋಟಿ ರೂ.ಗಿಂತಲೂ ಅಽಕ ವೆಚ್ಚದ ಈ ಯೋಜನೆಗಳ ಕಾಮಗಾರಿ ತ್ವರಿತಕ್ಕೆ ಜನಪ್ರತಿನಿಽಗಳು, ಜಿಲ್ಲಾಡಳಿತ, ಜಿಪಂ ಅಽಕಾರಿಗಳು ಗಮನ ಹರಿಸಬೇಕಾಗಿದೆ.
ಯೋಜನೆಗಳು ಆರಂಭವಾಗಿ ಹಲವು ವರ್ಷಗಳಾಗಿದ್ದರೂ ಪೂರ್ಣಗೊಳ್ಳದ ಕಾರಣಕ್ಕೆ ಅನುಷ್ಠಾನ ವೆಚ್ಚವೂ ಏರಿಕೆ ಆಗುತ್ತಿದೆ. ಇದಕ್ಕೆಲ್ಲ ಯಾರು ಹೊಣೆ ಎಂಬ ಪ್ರಶ್ನೆ ಎದುರಾಗಿದೆ.
ಜಿಲ್ಲೆಯ ೧೧ ಎಂವಿಎಸ್‌ಗಳ ಪೈಕಿ ೪೨ ಹಾಗೂ ದಾವಣಗೆರೆ ಜಿಲ್ಲೆ ಚನ್ನಗಿರಿ ತಾಲೂಕಿನ ೫ ಗ್ರಾಮಗಳಿಗೆ ಶಾಂತಿಸಾಗರದಿAದ ನೀರು ಪೂರೈಸುವ ೬೮.೮೫ ಕೋಟಿ ರೂ.ವೆಚ್ಚದ ಚಿತ್ರದುರ್ಗ ತಾಲೂಕು ಸಿರಿಗೆರೆ-ಭರಮಸಾಗರ ಯೋಜನೆ ಪೂರ್ಣಗೊಂಡಿದೆ.
ಐಮಂಗಲ ಹಾಗೂ ೩೭ ಗ್ರಾಮಗಳಿಗೆ ಹಿರಿಯೂರು ತಾಲೂಕು ವಿವಿ ಸಾಗರದಿಂದ ನೀರು ಪೂರೈಸುವ ೩೦.೩೨ ಕೋಟಿ ರೂ. ವೆಚ್ಚದ ಎಂವಿಎಸ್ ಅನುಷ್ಠಾನದಲ್ಲಿ ಈಚೆಗೆ ಶೇ.೧೦೦ ಭೌತಿಕ ಪ್ರಗತಿಯಾಗಿದೆ. ೨೦೧೬ರ ಜನವರಿ ೧೬ ರಂದು ಆರಂಭಿಸಲು ಆದೇಶಿಸಿದ್ದ ಈ ಯೋಜನೆ ೨೦೧೬ ಡಿಸೆಂಬರ್೧೬ಕ್ಕೆ ಪೂರ್ಣಗೊಳ್ಳಬೇಕಿತ್ತು.
ಗಾಯತ್ರಿ ಜಲಾಶಯದಿಂದ ಜವಗೊಂಡನಹಳ್ಳಿ ಮತ್ತು ೩೯ ಹಳ್ಳಿಗಳಿಗೆ ನೀರು ಒದಗಿಸುವ ೧೯.೧೪ ಕೋಟಿ ರೂ.ವೆಚ್ಚದ ಯೋಜ ನೆ ಅನುಷ್ಠಾನಕ್ಕೆ ೨೦೧೬ ಜನವರಿಯಲ್ಲಿ ಹಸಿರು ನಿಶಾನೆ ತೋರಿಸಲಾಗಿತ್ತು. ಆದರೆ, ಇದರ ಕಾಮಗಾರಿ ಶೇ.೭೦ ಪೂರ್ಣಗೊಂಡಿದೆ. ಇದು ಕೂಡ ೨೦೧೬ರ ಡಿಸೆಂಬರ್‌ನಲ್ಲಿ ಪೂರ್ಣವಾಗಬೇಕಿತ್ತು.
ಹೊಸಪೇಟೆ ತುಂಗಾಭದ್ರಾ ಜಲಾಶಯದಿಂದ ಚಳ್ಳಕೆರೆ, ಮೊಳಕಾಲ್ಮೂರು ತಾಲೂಕುಗಳು, ಚಿತ್ರದುರ್ಗ ತಾಲೂಕಿನ ಹಲವು ಗ್ರಾ ಮಗಳು ಹಾಗೂ ತುಮಕೂರು ಜಿಲ್ಲೆಯ ಪಾವಗಡ ತಾಲೂಕು ಸಹಿತ ೪೭೯ ಗ್ರಾಮಗಳಿಗೆ ನೀರೊದಗಿಸುವ ೧೧೦೦ ಕೋಟಿ ರೂ.ವೆಚ್ಚದ ಪಾವಗಡ ಮಲ್ಟಿ ವಿಲೇಜಸ್ ಸ್ಕೀಂಗೆ ೨೦೧೮ ಡಿಸೆಂಬರ್‌ನಲ್ಲಿ ವರ್ಕ್ ಆರ್ಡರ್ ನೀಡಲಾಗದೆ.
೨೦೨೧ರ ಡಿಸೆಂಬರ್‌ನಲ್ಲಿ ಪೂರ್ಣಗೊಳ್ಳಬೇಕಿದ್ದ ಇದರ ಕಾಮಗಾರಿ ಈವರೆಗೆ ಶೇ.೮೩ ರಷ್ಟು ಪ್ರಗತಿ ಸಾಧ್ಯವಾಗಿದೆ. ಹಲವು ಹಳ್ಳಿಗಳಿಗೆ ನೀರು ಪೂರೈಕೆ ಆರಂಭವಾಗಿದ್ದರೂ, ಕಾಮಗಾರಿ ಪೂರ್ಣಗೊಳ್ಳದೆ ಯೋಜನೆಯಡಿ ಬರುವಂಥ ಎಲ್ಲ ಗ್ರಾಮಗಳಿಗೂ ಸಮರ್ಪಕವಾಗಿ ನೀರು ಪೂರೈಕೆ ಸಾಧ್ಯವಾಗಿಲ್ಲವೆಂದು ಜಿಪಂ ಅಽಕಾರಿಗಳು ತಿಳಿಸಿದ್ದಾರೆ.
ಹಿರಿಯೂರು ತಾಲೂಕು ಹರ್ತಿಕೋಟೆ ಮತ್ತು ೩೮ ಗ್ರಾಮಗಳಿಗೆ ವಿವಿ ಸಾಗರದಿಂದ ನೀರು ಪೂರೈಸುವ ೫೧ಕೋಟಿ ರೂ.ವೆಚ್ಚದ ಯೋಜನೆ ಆರಂಭಿಸಲು ೨೦೨೪ರ ಡಿಸೆಂಬರ್ ೧೬ರಂದು ಆದೇಶಿಸಲಾಗಿತ್ತು. ಆದರೆ, ಇದರ ಕಾಮಗಾರಿ ಈವರೆಗೆ ಶೇ.೮೮ ರಷ್ಟು ಪೂರ್ಣಗೊಂಡಿದೆ. ಇದನ್ನು ೨೦೨೫ರ ಫೆಬ್ರವರಿ ೧೬ ರೊಳಗೆ ಪೂರ್ಣಗೊಳಿಸಬೇಕೆಂದು ತಾಕೀತು ಮಾಡಲಾಗಿತ್ತು.
ವಿವಿ ಸಾಗರದಿಂದ ನೀರು ಪಡೆದು ವಿವಿಪುರ ಮತ್ತು ೧೧ ಗ್ರಾಮಗಳು, ಗುಡಿಹಳ್ಳಿ ಮತ್ತು ಮಾರ್ಗದ ಗ್ರಾಮಗಳು, ಗೋ ಗುಡ್ಡ ಮತ್ತು ಈ ಮಾರ್ಗದ ಗ್ರಾಮಗಳು ಸೇರಿ ೩೯ ಹಳ್ಳಿಗಳಿಗೆ ಕುಡಿವ ನೀರು ಒದಗಿಸುವ ೩೬ ಕೋಟಿ ರೂ. ವೆಚ್ಚದ ಕಾಮಗಾರಿಗೆ ೨೦೨೩ರ ಡಿಸೆಂಬರ್ ೧೬ ರಂದು ಕಾರ್ಯಾದೇಶ ಸಿಕ್ಕಿದ್ದರೂ ಪೂರ್ಣಗೊಂಡಿರುವುದು ಶೇ.೮೫ ಮಾತ್ರ.
ಜಿಲ್ಲಾ ಉಸ್ತುವಾರಿ ಸಚಿವ ಡಿ. ಸುಧಾಕರ್ ಸ್ವ ಕ್ಷೇತ್ರ ಹಿರಿಯೂರು ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಐಮಂಗಲ ಮತ್ತಿತರ ಹಳ್ಳಿಗಳ ಎಂವಿಎಸ್ ಹೊರತು ಪಡಿಸಿ ಉಳಿದ ೪ ಯೋಜನೆಗಳ ಅನುಷ್ಠಾನ ವಿಳಂಬವಾಗಿದೆ.
ಭದ್ರ ಜಲಾಶಯದಿಂದ ಹೊಸದುರ್ಗ ಪಟ್ಟಣ ಮತ್ತು ೨೭ ಗ್ರಾಮಗಳಿಗೆ ಕುಡಿವ ನೀರು ಪೂರೈಸುವ ೩೫೩.೧೬ ಕೋಟಿ ರೂ.ವೆಚ್ಚದ ಯೋಜನೆ(ಹಂತ-೧ ಎ) ೨೦೨೦-೨೧ ನೇ ಸಾಲಿನಲ್ಲಿ ಆರಂಭವಾಗಿತ್ತು. ೨೦೨೪ ಏಪ್ರಿಲ್‌ನಲ್ಲಿ ಪೂರ್ಣವಾಗ ಬೇಕಿತ್ತು. ಆದರೆ, ಈವರೆಗೆ ಶೇ.೮೦ ರಷ್ಟು ಕಾಮಗಾರಿ ಮುಗಿದಿದೆ.
ಹೊಸದುರ್ಗ ಪಟ್ಟಣ ಮತ್ತು ೬೫ ಗ್ರಾಮಗಳೀಗೆ ನೀರು ಕೊಡುವ ೯೭.೭೭ ಕೋಟಿ ರೂ.ವೆಚ್ಚದ(ಹಂತ ೧ಬಿ)ಯೋಜನೆ ೨೦೨೦ ಏಪ್ರಿಲ್‌ನಲ್ಲಿ ಪ್ರಾರಂಭವಾಗಿತ್ತು. ೨೦೨೪ ಜನವರಿಯಲ್ಲಿ ಪೂರ್ಣವಾಗಬೇಕಿತ್ತು. ಆದರೆ ಇನ್ನೂ ಶೇ. ೫ ರಷ್ಟು ಕಾಮಗಾರಿ ಬಾಕಿ ಉಳಿದಿದೆ.
ಹೊಸದುರ್ಗ ಪಟ್ಟಣ ಮತ್ತು ೨೫೪ ಗ್ರಾಮಗಳಿಗೆ ನೀರು ಒದಗಿಸುವ ೩೫೦ ಕೋಟಿ ರೂ. ವೆಚ್ಚದ ಯೋಜನೆ(ಹಂತ-೨) ಕಾಮಗಾರಿ ೨೦೨೪ರ ಜನವರಿಯಲ್ಲಿ ಆರಂಭವಾಗಿದ್ದು, ಶೇ.೮೦ ಪ್ರಗತಿ ಕಂಡಿದೆ.
ಹೊಸದುರ್ಗ ತಾಲೂಕಿಗೆ ಸಂಬAಽಸಿದ ಈ ೩ ಎಂವಿಎಸ್‌ಗಳ ಅನುಷ್ಠಾನ ಸಂಬAಧ ಈಚೆಗೆ ಡಿಸಿ ಟಿ.ವೆಂಕಟೇಶ್, ಜಿಪಂ ಸಿಇಒ ಡಾ.ಎಸ್. ಆಕಾಶ್ ಮತ್ತಿತರ ಅಽಕಾರಿಗಳು, ಚಿಕ್ಕಮಗಳೂರು ಜಿಲ್ಲೆ ಡಿಸಿ, ಸಿಇಒ ಹಾಗೂ ನಾನಾ ಇಲಾಖೆಗಳ ಅಽಕಾರಿ ಗಳೊಂದಿಗೆ ಸಭೆ ನಡೆಸಿ ಜಂಟಿಯಾಗಿ ಸ್ಥಳ ಪರಿಶೀಲನೆ ನಡೆಸಿದ್ದರು. ಶೀಘ್ರದಲ್ಲೇ ಈ ಎಲ್ಲ ಕಾಮಗಾರಿಗಳನ್ನು ಪೂರ್ಣ ಗೊಳಿಸುವ ವಿಶ್ವಾಸ ಚಿತ್ರದುರ್ಗ ಜಿಲ್ಲೆಯ ಅಽಕಾರಿಗಳಲ್ಲಿ ವ್ಯಕ್ತವಾಗಿದೆ.
ವಿವಿ ಸಾಗರದಿಂದ ಹೊಳಲ್ಕೆರೆ ಪಟ್ಟಣ, ೨೨೩ ಗ್ರಾಮಗಳಿಗೆ ನೀರು ಒದಗಿಸುವ ೩೬೭.೬೫ ಕೋಟಿ ರೂ.ವೆಚ್ಚದ ಯೋಜನೆ ಕಾಮಗಾರಿಗೆ ೨೦೨೨ರ ಮಾರ್ಚ್ನಲ್ಲಿ ಚಾಲನೆ ಸಿಕ್ಕಿದ್ದು, ಶೇ.೮೮ ಪೂರ್ಣವಾಗಿದೆ. ವಿವಿ ಸಾಗರದಿಂದ ಚಿತ್ರದುರ್ಗ ಮತ್ತು ಹಿರಿ ಯೂರು ತಾಲೂಕಿನ ೩೦೦ ಗ್ರಾಮಗಳಿಗೆ ನೀರು ಪೂರೈಸುವ ೫೯೨ ಕೋಟಿ ರೂ.ವೆಚ್ಚದ ಕಾಮಗಾರಿ ೨೦೨೨ ಡಿಸೆಂಬರ್‌ನಲ್ಲಿ ಆರಂಭವಾಗಿದ್ದು, ಶೇ.೭೦ ಪೂರ್ಣ ಗೊಂಡಿದೆ.
ಕೇಂದ್ರದ ಜಲ ಜೀವನ್ ಮಿಷನ್ ಅಡಿ ಪ್ರತಿ ಮನೆಗೆ ನಳದಿಂದ ನೀರು ಒದಗಿಸುವ ಯೋಜನೆ ಪ್ರಗತಿ ಕೂಡ ಶೇ.೫೦ ಮೀರಿಲ್ಲ. ಎಂವಿಎಸ್‌ಗಳ ಕಾಮಗಾರಿ ಪ್ರಗತಿ ಹಾಗೂ ಜೆಜೆಎಂ ಕಾಮಗಾರಿ ಪ್ರಗತಿಗೂ ಸಂಬAಧವಿದೆ. ಆದ್ದರಿಂದ ಸ್ವಕ್ಷೇತ್ರದಲ್ಲಿ ೪ ಯೋಜನೆಗಳ ಸಹಿತ ಜಿಲ್ಲೆಯ ಎಲ್ಲ ಎಂವಿಎಸ್‌ಗಳು ಹಾಗೂ ಜೆಜೆಎಂ ಪ್ರಗತಿಗೆ ಸಚಿವ ಸುಧಾಕರ್ ವಿಶೇಷ ನಿಗಾ ವಹಿಸಬೇಕಿದೆ.
ಸಂಸದ ಗೋವಿಂದ ಎಂ. ಕಾರಜೋಳ ಅವರು ಜೆಜೆಎಂ ಅನುಷ್ಠಾನದಲ್ಲಿ ಆಗುತ್ತಿರುವ ವಿಳಂಬಕ್ಕೆ ಅಽಕಾರಿಗಳ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಜಲ ಕೇಂದ್ರ ಸ್ಥಾಪನೆಗೆ ಒಪ್ಪಿಗೆ
ಜಿಲ್ಲೆಯಲ್ಲಿ ಅನುಷ್ಠಾನವಾಗುತ್ತಿರುವ ಕುಡಿವ ನೀರು ಪೂರೈಕೆ ಯೋಜನೆಗಳ ಮೇಲುಸ್ತುವಾರಿಗೆ ಜಲ ಕೇಂದ್ರ ಹೆಸರಿನ ಪ್ರಾಜೆಕ್ಟ್ ಮಾನಿಟರಿಂಗ್ ಯೂನಿಟ್(ಪಿಎಂಯು)ಸ್ಥಾಪನೆಗೆ ರಾಜ್ಯ ಸರ್ಕಾರ ಒಪ್ಪಿಗೆ ನೀಡಿದೆ. ಜಿಪಂ ಸಿಇಒ ವಿಶೇಷ ಆಸಕ್ತಿಯಿಂದಾಗಿ ಈ ಡಿಜಿಟಲ್ ಮಾನಿಟರಿಂಗ್ ಯೂನಿಟ್ ಸ್ಥಾಪನೆಗೆ ಸರ್ಕಾರ ೨೦ ಲಕ್ಷ ರೂ. ಅನುದಾನ ಮಂಜೂರು ಮಾಡಿದೆ.
ನೂರಾರು ಹಳ್ಳಿಗಳಿಗೆ ಕುಡಿವ ನೀರಿನ ಆತಂಕ?
ಈ ಬಾರಿ ಕಡಿಮೆ ಮಳೆ ಆತಂಕ ಎದುರಾಗಿದ್ದು, ಕಳೆದ ೩ ವರ್ಷಗಳ ದತ್ತಾಂಶ ವಿಶ್ಲೇಷಣೆಯಂತೆ ಈ ಬೇಸಿಗೆಯ ಏಪ್ರಿಲ್, ಮೇನಲ್ಲಿ ೭೨ ಗ್ರಾಪಂ ವ್ಯಾಪ್ತಿಯ ಅಂದಾಜು ೨೩೩ ಹಳ್ಳಿಗಳಲ್ಲಿ ಸಮಸ್ಯೆ ಆಗಬಹುದೆಂದು ನಿರೀಕ್ಷಿಸಲಾಗಿದೆ. ಅಂದಾಜು ೩,೩೭೫ ಟ್ಯಾಂಕರ್‌ಗಳ ಮೂಲಕ ನೀರು ಪೂರೈಸಬೇಕಾಗಬಹುದು. ೨೪೧ಹೊಸ ಬೋರ್‌ವೆಲ್‌ಗಳು ಬೇಕಾಗಲಿವೆ. ತುರ್ತು ಸಂದರ್ಭಕ್ಕೆAದು ಖಾಸಗಿ ಬೋರ್‌ವೆಲ್‌ಗಳನ್ನು ಗುರುತಿಸಲಾಗಿದೆ. ಜಿಲ್ಲೆಯಲ್ಲಿ ದುರಸ್ತಿಯಲ್ಲಿರುವ ಆರ್‌ಒ ಘಟಕಗಳನ್ನು ಸರಿಪಡಿಸಿ ಗ್ರಾಪಂಗಳಿಗೆ ಹಸ್ತಾಂತರಿಸಬೇಕಿದೆ.
ಜೆಜೆಎAನಲ್ಲೂ ಹಿನ್ನಡೆ
ಮನೆ-ಮನೆಗೂ ಶುದ್ಧ ಕುಡಿಯುವ ನೀರು ಪೂರೈಸುವ ಜಲಜೀವನ್ ಮಿಷನ್ ಯೋಜನೆ ಜಿ¯್ಲೆಯ ೧೮೯ ಗ್ರಾಪಂ ವ್ಯಾಪ್ತಿಯಲ್ಲಿ ಜಾರಿಯಲ್ಲಿದೆ. ಈ ಪೈಕಿ ೩೦೦ಕ್ಕೂ ಹೆಚ್ಚು ಕಾಮಗಾರಿ ಕಳಪೆಯಾಗಿವೆ ಎಂಬ ವರದಿ ಸಲ್ಲಿಕೆ ಆಗಿದೆ. ಕೆಲವೆಡೆ ಪೂರೈಕೆಯಾಗುತ್ತಿರುವ ನೀರಿನ ಗುಣಮಟ್ಟವೂ ಕಳಪೆಯಾಗಿದೆ.
"

ಜಿಲ್ಲೆಯ ಎಂವಿಎಸ್ ಕಾಮಗಾರಿಗಳು ಸಂಪೂರ್ಣ ಸಂಬAಽಸಿದ ಗ್ರಾಮಗಳಿಗೆ ಸಮರ್ಪಕವಾಗಿ ನೀರು ಪೂರೈಕೆ ಆಗಬೇಕು ಎಂದಾದರೆ ಕನಿಷ್ಠ ಇನ್ನೂ ಒಂದು ವರ್ಷ ಬೇಕಾಗಲಿದೆ. ಯೋಜನೆಗಳ ಚುರುಕು ಅನುಷ್ಠಾನಕ್ಕೆ ಸಂಬAಽಸಿದ ಅಽಕಾರಿಗಳಿಗೆ ಸ್ಪಷ್ಟ ನಿರ್ದೇಶನ ನೀಡಲಾಗಿದೆ. ಗ್ರಾಪಂ ಆಡಳಿತಾಽಕಾರಿಗಳಿಗೆ ವಾರದಲ್ಲಿ ಕನಿಷ್ಠ ೨ ಬಾರಿ ಗ್ರಾಪಂ ಕಚೇರಿಗಳಿಗೆ ಭೇಟಿ ನೀಡುವಂತೆ ಸೂಚಿಸಲಾಗಿದೆ.

speed up the work.
ತುಂಗಾಭದ್ರಾ ಜಲಾಶಯ
ಅನುಷ್ಠಾನ ವೆಚ್ಚವೂ ಏರಿಕೆ
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net