ತರಗತಿ ಬಹಿಷ್ಕರಿಸಿ ತೋಟಗಾರಿಕೆ ವಿವಿ ವಿದ್ಯಾರ್ಥಿಗಳಿಂದ ಪ್ರತಿಭಟನೆ

ಕೃಷಿ ಅಧಿಕಾರಿ ಹಾಗೂ ಸಹಾಯಕ ಕೃಷಿ ಅಧಿಕಾರಿ ನೇಮಕಾತಿ ಅಧಿಸೂಚನೆ ಹಿಂಪಡೆಯ ಬೇಕು. ಸಿ ಆ್ಯಂಡ್ ಆರ್ ನಿಯಮ ವಿರುದ್ಧವಾಗಿ ರಾಯ್ ಟೆಕ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಹಾಗೂ ಬಿಇ ಬಯೋಟೆಕ್ನಾಲಜಿ ಪದವಿಧರರನ್ನು ಈ ಹುದ್ದೆಗೆ ಆಯ್ಕೆ ಮಾಡಿರುವುದನ್ನು ರದ್ದುಪಡಿಸಬೇಕು. ನೇಮಕಾತಿಯಲ್ಲಿ ಸರ್ಕಾರದ ನಿಯಮದಂತೆ ಶೇ.2ರಷ್ಟು ಕ್ರೀಡಾ ಮೀಸಲಾತಿ ಜಾರಿಗೊಳಿಸಿ ಅರ್ಹರಿಗೆ ನ್ಯಾಯ ಒದಗಿಸಬೇಕು. ನಿಯಮ ಬಾಹಿರ ಅರ್ಹತೆಗಳನ್ನು ನೇಮಕಾತಿ ಅಧಿಸೂಚನೆಯಿಂದ ತೆಗೆದುಹಾಕಬೇಕೆಂದು ಒತ್ತಾಯಿಸಿದರು.

ಕೃಷಿ ಇಲಾಖೆಯ ಎಲ್ಲ ತಾಂತ್ರಿಕ ಹುದ್ದೆಗಳಿಗೆ ಐಸಿಎಆರ್ ಮಾನ್ಯತೆ ಪಡೆದ ಕೃಷಿ ಹಾಗೂ ಕೃಷಿ ಸಂಬಂಧಿತ ಪದವಿಗಳಿಗೆ ಮಾತ್ರ ಅರ್ಹತೆ ನೀಡಬೇಕು. ಕೃಷಿ ಹಾಗೂ ಕೃಷಿ ಸಂಬಂಧಿತ ಖಾಸಗಿ ಕಾಲೇಜುಗಳಲ್ಲಿ 2026-27ನೇ ಶೈಕ್ಷಣಿಕ ವಷರ್ದಿಂದಲೇ ಹೊಸ ವಿದ್ಯಾರ್ಥಿಗಳ ಪ್ರವೇಶ ಸ್ಥಗಿತಗೊಳಿಸಬೇಕು. ಕೃಷಿ ವಿಜ್ಞಾನದ ಜ್ಞಾನವಿಲ್ಲದವರನ್ನು ರಸಗೊಬ್ಬರ/ ಕೀಟನಾಶಕ ಮಾರಾಟ ಹಾಗೂ ಬೆಳೆ ಮಾರ್ಗದರ್ಶನ ಮಾಡಲು ನೇಮಿಸಿದರೆ ರೈತರಿಗೆ ಯಾವ ರೀತಿಯ ನೆರವು ಸಿಗಲು ಸಾಧ್ಯ? ಆದ್ದರಿಂದ ದೇಶಿ ಪ್ರೋಗ್ರಾಂ ತಕ್ಷಣ ನಿಲ್ಲಿಸಬೇಕೆಂದು ಒತ್ತಾಯಿಸಿದರು.

ವಿದ್ಯಾರ್ಥಿನಿ ನಿವೇದಿತಾ ಮಾತನಾಡಿ, ಕಳೆದೊಂದು ವಾರದಿಂದ ಈಡೇರಿಕೆಗೆ ಒತ್ತಾಯಿಸಿ ಶಾಂತಿಯುತ ಪ್ರತಿಭಟನೆ ನಡೆಸುತ್ತಿದ್ದರೂ ಸರ್ಕಾರ ಮೌನವಹಿಸಿದೆ. ಸಿಎಂ, ಕೃಷಿ ಅಧಿಕಾರಿಗಳು ಈ ಬಗ್ಗೆ ಗಮನಹರಿಸಬೇಕು. ನಮ್ಮ ಶಿಕ್ಷಣ ನಮ್ಮ ಹಕ್ಕು. ಆದ್ದರಿಂದ ನಮಗೆ ನ್ಯಾಯ ಸಿಗುವವರೆಗೂ ಪ್ರತಿಭಟನೆಯಿಂದ ಹಿಂದೆ ಸರಿಯುವುದಿಲ್ಲ ಎಂದರು. ವಿದ್ಯಾರ್ಥಿಗಳಾದ ಹರ್ಷಿತಾ, ಅಮೃತಾ, ವಿಕ್ರಾಂತ್, ಗುರುರಾಜ್, ಇಸ್ಮಾಯಿಲ್, ಬೃಂದಾ, ನಿತ್ಯಾ, ಸೌಂದರ್ಯ, ಗಗನಶ್ರೀ, ಕಲಾಂ, ಮೋನಿಕಾ, ಭೈರವ, ರಾಮಲಿಂಗೇಶ್ವರ, ಪ್ರಕಾಶ್, ರಮೇಶ್ ಇತರರು ಇದ್ದರು.