೨೧ರಂದು ಸಾಮೂಹಿಕ ಸಂಗೀತ ಧ್ಯಾನ

ಮುರುಘಾಮಠ, ಚಿತ್ರದುರ್ಗದ ಆದಿಯೋಗಿ ಧ್ಯಾನಾಮೃತ ಪಿರಮಿಡ್ ಧ್ಯಾನ ಕೇಂದ್ರದ ಸಹಯೋಗದಲ್ಲಿ ಆಯೋಜಿಸಿರುವ ಈ ಕಾರ್ಯಕ್ರಮದ ಸಾನ್ನಿಧ್ಯವನ್ನು ತಾವೇ ವಹಿಸಲಿದ್ದು, ಮುಖ್ಯ ಅತಿಥಿಗಳಾಗಿ ಶ್ರೀಮಠದ ಆಡಳಿತ ಮಂಡಳಿ ಅಧ್ಯಕ್ಷ ಶಿವಯೋಗಿ ಸಿ. ಕಳಸದ, ಬೆಂಗಳೂರಿನ ಬ್ರಹ್ಮಶ್ರೀ ಪ್ರೇಮನಾಥ ಡಾ.ಹರಿಕೃಷ್ಣ ಹಾಗೂ ಹಿರಿಯೂರಿನ ಗೌರೀಶ್ ಆಗಮಿಸಲಿದ್ದಾರೆ.

ಅಂದಾಜು ೫ ಸಾವಿರ ಧ್ಯಾನಾಸಕ್ತರು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ. ಆಗಮಿಸುವಂಥವರಿಗೆ ಶ್ರೀಮಠದಿಂದ ಸಾರಿಗೆ ವ್ಯವಸ್ಥೆ ಇರುತ್ತದೆ ಎಂದರು.

ಎAಎಲ್‌ಸಿ ಕೆ.ಎಸ್.ನವೀನ್ ಮಾತನಾಡಿ, ಪ್ರಧಾನಿ ನರೇಂದ್ರಮೋದಿ ಅವರ ಪ್ರಸ್ತಾಪದಿಂದಾಗಿ ವಿಶ್ವಸಂಸ್ಥೆ ಕಳೆದ ವರ್ಷದಿಂದ ಡಿ.೨೧ ನ್ನು ವಿಶ್ವ ಧ್ಯಾನ ದಿನವೆಂದು ಘೋಷಿಸಿದೆ. ಈ ದಿನವನ್ನು ಪ್ರಪಂಚದ ೧೫೦ಕ್ಕೂ ಹೆಚ್ಚು ದೇಶಗಳಲ್ಲಿ ಆಚರಿಸಲಾಗುತ್ತಿದೆ. ಚಿತ್ರದುರ್ಗದಲ್ಲಿ ಇದೇ ಪ್ರಥಮ ಬಾರಿಗೆ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಯುವಜನರ ಮನಸ್ಸಿಂದು ಚಂಚಲವಾಗುತ್ತಿದೆ. ಅಧ್ಯಯನವೊಂದರ ಪ್ರಕಾರ ಏಕಾಗ್ರತೆ ಎಂಬುದು ಮೂರು ಸೆಕೆಂಡ್‌ಗಿAತ ಅಽಕ ಸಮಯವಿರುತ್ತಿಲ್ಲ. ಜನರಲ್ಲಿ ವಿಶೇಷವಾಗಿ ವಿದ್ಯಾರ್ಥಿ-ಯುವ ಜನರ ಏಕಾಗ್ರತೆಗೆ ಧ್ಯಾನ ಅತ್ಯಂತ ಸಹಕಾರಿಯಾಗಿದೆ. ಇದರಿಂದ ಮಾನಸಿಕ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ನಮ್ಮ ಅಂತರಾಳದಲ್ಲಿರುವ ಶಕ್ತಿ ಗುರುತಿಸಿ ಶಾಂತಿ, ನೆಮ್ಮದಿ ಪಡೆಯಲು ಹಾಗೂ ಸಾಧನೆಯ ಗುರಿ ತಲುಪಲು ಧ್ಯಾನ ನೆರವಾಗಲಿದೆ. ಚಿತ್ತ ಸಮತೆ ಹಾಗೂ ಸಾತ್ವಿಕ ವಾತಾವರಣ ಸೃಷ್ಟಿಸಲು ಅನುಕೂಲವಾಗಿದೆ ಎಂದರು.

ಧ್ಯಾನ ಕೇಂದ್ರದ ಡಾ.ಮಂಜುಳಾ ಮಾತನಾಡಿ, ಧ್ಯಾನ ಭಾರತೀಯ ಮೂಲದ್ದಾಗಿದ್ದು, ಈಗ ವಿಶ್ವಾದ್ಯಂತ ಹಲವು ರಾಷ್ಟçಗಳಲ್ಲಿ ಧ್ಯಾನ ದಿನವನ್ನು ಆಚರಿಸಲಾಗುತ್ತಿದೆ ಎಂದರು. ಧ್ಯಾನ ಕೇಂದ್ರದ ರಶ್ಮಿ ಹಾಗೂ ಚಳ್ಳಕೆರೆ ವಿವಿಎಸ್ ನಾಗರಾಜ್ ಮತ್ತು ಆಯುಷ್ ಅಽಕಾರಿ ಡಾ.ಶಿವಕುಮಾರ ಅವರು ಧ್ಯಾನ ಮತ್ತು ಸಾಮೂಹಿಕ ಸಂಗೀತ ಧ್ಯಾನ ಕಾರ್ಯಕ್ರಮದ ಕುರಿತು ವಿವರಿಸಿದರು.

ಚಿತ್ರದುರ್ಗ: ನಗರದ ಭಾರತೀಯ ಯೋಗ ಶಿಕ್ಷಣ ಸಂಸ್ಥೆ ಡಿ.೨೧ರಂದು ಆಚರಿಸಲಿರುವ ವಿಶ್ವ ಧ್ಯಾನ ದಿನಾಚರಣೆ ಪೂರ್ವಭಾವಿಯಾಗಿ ಡಿ.೧೭ರಿಂದ ಮೂರು ದಿನಗಳ ಕಾಲ ಬೆಳಗ್ಗೆ ೬ ರಿಂದ ೭ರವರೆಗೆ ಧ್ಯಾನದ ಕುರಿತು ಶ್ರೀ ಪ್ರಸನ್ನ ವೆಂಕಟೇಶ್ವರ ಸ್ವಾಮಿ ದೇವಾಲಯದ ಆವರಣದಲ್ಲಿ ಉಚಿತ ತರಬೇತಿ ಶಿಬಿರ ಏರ್ಪಡಿಸಿದೆ. ಚಿತ್ರದುರ್ಗದ ಆದಿಯೋಗಿ ಧ್ಯಾನಾಮೃತ ಪಿರಮಿಡ್ ಧ್ಯಾನ ಕೇಂದ್ರದ ಪ್ರಚಾರಕಿ ಮಧುಶ್ರೀ ತರಬೇತಿ ನೀಡಲಿದ್ದಾರೆ ಎಂದು ಯೋಗ ಶಿಕ್ಷಣ ಸಂಸ್ಥೆಯ ಯೋಗ ಪ್ರಚಾರಕ ರವಿ ಕೆ.ಅಂಬೇಕರ್ ತಿಳಿಸಿದ್ದಾರೆ.