ಬರ ಎದುರಿಸಲು ಸರ್ಕಾರ ಸಿದ್ಧ

ಮುರುಘಾಮಠದ ಅನುಭವ ಮಂಟಪದಲ್ಲಿ ಶನಿವಾರ ನಡೆದ ಬೆಂಗಳೂರು ವಿಭಾಗೀಯ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಬರ ಕುರಿತ ಚರ್ಚೆಯಲ್ಲಿ ಮಾತನಾಡಿದರು.

ನಾಡಿನಾದ್ಯಂತ ಜಲಾಶಯಗಳಲ್ಲಿ ನೀರಿನ ಪ್ರಮಾಣ ಕುಸಿದಿದೆ. ಅಲ್ಲದೆ, ಕೆರೆ-ಕಟ್ಟೆಗಳಲ್ಲೂ ತೀವ್ರ ಅಭಾವ ಸೃಷ್ಟಿಯಾಗಿದೆ. ಹಲ ವೆಡೆ ಅಂತರ್ಜಲವೂ ಕುಸಿದಿದೆ. ಹೀಗಾಗಿ ನೀರಿನ ಲಭ್ಯತೆ ಆಧರಿಸಿ ಕೃಷಿ ಚಟುವಟಿಕೆ ಕೈಗೊಳ್ಳುವಂತೆ ರೈತಸಮೂಹಕ್ಕೆ ಮನವರಿಕೆ ಮಾಡಲಾಗುತ್ತಿದೆ ಎಂದರು.

ರಾಜ್ಯದ ವಿವಿಧೆಡೆ ಹೊಸ ಕೊಳವೆಬಾವಿ ಕೊರೆಯುವ ವಿಚಾರದಲ್ಲಿ ಅನುದಾನ ದುರ್ಬಳಕೆ ಆದರೆ, ಕ್ರಮ ಕೈಗೊಳ್ಳಲಾಗುವುದು. ಬರ ಹಿನ್ನೆಲೆಯಲ್ಲಿ ವಿಬಿಜಿ ರಾಮï ಜಿ ಯೋಜನೆಗೆ ರಾಜ್ಯಕ್ಕೆ ನೀಡಬೇಕಿರುವ ಅನುದಾನ ಕೇಂದ್ರ ಸರ್ಕಾರ ತ್ವರಿತವಾಗಿ ಬಿಡುಗಡೆ ಗೊಳಿಸಬೇಕು.

ರಾಜ್ಯದಲ್ಲಿ ಬಡವರಿಗೆ ಕೂಲಿ ಕೆಲಸಕ್ಕಾಗಿ ಹಣ ನೀಡಲು ಯಾವ ಕೊರತೆಯಿಲ್ಲ. ಆದ್ದರಿಂದ ಗ್ರಾಮೀಣ ಭಾಗಗಳಲ್ಲಿ ಈ ಯೋಜನೆ ಯಡಿ ವೈಯಕ್ತಿಕ ಹಾಗೂ ಸಮುದಾಯ ಕಾಮಗಾರಿಗಳನ್ನು ಹೆಚ್ಚೆಚ್ಚು ಕೈಗೊಂಡು, ಸ್ಥಳೀಯವಾಗಿಯೇ ಹೆಚ್ಚಿನ ಕೆಲಸ ನೀಡಿ. ಈ ಮೂಲಕ ಯೋಜನೆಯನ್ನು ಸದ್ಬಳಕೆ ಮಾಡಿಕೊಳ್ಳಬೇಕೆಂದು ಶಾಸಕರಿಗೆ ಸಲಹೆ ನೀಡಿದರು.

ಸಚಿವರಾದ ಕೆ.ಎಚ್. ಮುನಿಯಪ್ಪ, ರಾಮಲಿಂಗಾರೆಡ್ಡಿ, ಹೊಸದಿಲ್ಲಿಯ ವಿಶೇಷ ಪ್ರತಿನಿಽ ಟಿ.ಬಿ. ಜಯಚಂದ್ರ, ಸರ್ಕಾರದ ಮುಖ್ಯ ಕಾರ್ಯದರ್ಶಿ ಶಾಲಿನಿ ರಜನೀಶ್, ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಗಳಾದ ತುಷಾರ್ ಗಿರಿನಾಥ್, ರಿತೇಶ್‌ಕುಮಾರ್ ಸಿಂಗ್, ಪ್ರಧಾನ ಕಾರ್ಯದರ್ಶಿಗಳಾದ ಹರ್ಷ ಗುಪ್ತ, ರಾಜೇಂದ್ರಕುಮಾರ್ ಕಟಾರಿಯಾ, ಬೆಂಗಳೂರು ವಿಭಾಗದ ಪ್ರಾದೇಶಿಕ ಆಯುಕ್ತ ಅಮ್ಲನ್ ಆದಿತ್ಯ ಬಿಸ್ವಾಸ್ ಸೇರಿ ಅಽಕಾರಿಗಳಿದ್ದರು.

ಪ್ರಸ್ತುತ ರಾಜ್ಯದ ಬರ ಪರಿಸ್ಥಿತಿ ಅತ್ಯಂತ ಗಂಭೀರವಾಗಿದೆ. ಮುಂಗಾರು ಮಳೆ ಜೂನ್‌ನಲ್ಲಿ ಕೆಲವೆಡೆ ಮಾತ್ರ ಆಗಿದ್ದು, ಹಲವೆಡೆ ಸುರಿದಿಲ್ಲ. ಜುಲೈ ತಿಂಗಳ ಈವರೆಗೂ ಶೇ. ೪೨ಕ್ಕೂ ಹೆಚ್ಚು ಮಳೆ ಕೊರತೆ ಕಂಡುಬಂದಿದೆ ಎಂದು ಡಿಸಿಎಂ ಡಾ.ಜಿ. ಪರಮೇಶ್ವರ್ ಹೇಳಿದರು.

ಮಳೆ ಕೊರತೆಯಿಂದ ಕೃಷಿ ಚಟುವಟಿಕೆಗಳು ಬಹುತೇಕ ಸ್ಥಗಿತಗೊಂಡಿವೆ. ಜುಲೈ ಅಂತ್ಯಕ್ಕೆ ಬೆಂಗಳೂರು ವಿಭಾಗದ ೯ ಜಿ¯್ಲೆ ಗಳಲ್ಲಿ ಒಟ್ಟು ೧೩.೭೩ ಲಕ್ಷ ಹೆಕ್ಟೇರ್ ಬಿತ್ತನೆ ಗುರಿ ಹೊಂದಲಾಗಿತ್ತು. ಈ ಪೈಕಿ ೧.೭೪ ಲಕ್ಷ ಹೆಕ್ಟೇರ್ ಅಂದರೆ ಶೇ. ೧೩ರಷ್ಟು ಮಾತ್ರ ಬಿತ್ತನೆಯಾಗಿದೆ. ಚಿಕ್ಕಬಳ್ಳಾಪುರ, ಕೋಲಾರದಲ್ಲಿ ತಲಾ ಶೇ. ೨, ಚಿತ್ರದುರ್ಗದಲ್ಲಿ ಶೇ. ೩ರಿಂದ ೧೨ರಷ್ಟು ಸೇರಿ ಇಡೀ ರಾಜ್ಯದ ಸರಾಸರಿ ಗಮನಿಸಿದರೆ ಕೇವಲ ಶೇ. ೧೫ರಷ್ಟು ಮಾತ್ರ ಬಿತ್ತನೆಯಾಗಿದೆ ಎಂದು ವಿವರಿಸಿದರು.

ಈ ಬಾರಿ ಮಳೆ ಕೊರತೆಗೆ `ಸೂಪರ್ ಎಲï ನಿನೋ' ಪ್ರಭಾವವೇ ಪ್ರಮುಖ ಕಾರಣ. ಅಲ್ಲದೆ, ತಾಪಮಾನವೂ ಹೆಚ್ಚಾಗಿ ನೈಸರ್ಗಿಕ ಸಾಂದ್ರೀಕರಣ ಪ್ರಕ್ರಿಯೆಗೆ ಅಡಚಣೆಯುಂಟಾಗಿದ್ದು, ಮಳೆ ಮೋಡಗಳು ರೂಪುಗೊಳ್ಳುತ್ತಿಲ್ಲ. ಜಾಗತಿಕ ಮಟ್ಟದಲ್ಲೂ ಹವಾಮಾನ ವೈಪರೀತ್ಯ ಉಂಟಾಗಿದೆ ಎಂದು ಮಾಹಿತಿ ನೀಡಿದರು.

ವಿಭಾಗದ ೯ ಜಿ¯್ಲÉಗಳಲ್ಲಿ ಈವರೆಗೆ ವಾಡಿಕೆ ಮಳೆ ೨೨೩ ಮಿ.ಮೀ ಬದಲು ೧೪೧ ಮಿ.ಮೀ ಆಗಿದೆ. ಬೆಂಗಳೂರು, ತುಮಕೂರು ಜಿ¯್ಲÉಗಳಲ್ಲಿ ಮಾತ್ರ ವಾಡಿಕೆ ಮಳೆಯಾಗಿದ್ದು, ಉಳಿದ ೭ ಜಿ¯್ಲÉಗಳು ಕೊರತೆ ಎದುರಿಸುತ್ತಿವೆ. ೫೭ ತಾಲೂಕುಗಳ ಪೈಕಿ ೨ರಲ್ಲಿ ವಾಡಿಕೆಗಿಂತ ಹೆಚ್ಚು, ೧೪ ತಾಲೂಕಿನಲ್ಲಿ ವಾಡಿಕೆ, ೩೬ರಲ್ಲಿ ಕೊರತೆ, ಇನ್ನುಳಿದ ೫ ತಾಲೂಕಿನಲ್ಲಿ ತ್ರೀವ ತರವಾದ ಸಮಸ್ಯೆ ಉಂಟಾಗಿದೆ ಎಂದು ವಿವರಿಸಿದರು.

ಬರದ ವಿಪತ್ತು ನಿರ್ವಹಣೆ ವಿಭಾಗದ ೯ ಡಿಸಿಗಳ ಪಿಡಿ ಖಾತೆಯಲ್ಲಿ ಒಟ್ಟು ೫೪.೪೫ ರೂ. ಕೋಟಿ ಹಣವಿದೆ. ತುಮಕೂರು ೧೧.೫೮ ಕೋಟಿ ರೂ., ಕೋಲಾರ ೯.೨೪ ಕೋಟಿ ರೂ., ಬೆಂಗಳೂರು ದಕ್ಷಿಣ ೮.೭ ಕೋಟಿ ರೂ., ಬೆಂಗಳೂರು ಗ್ರಾಮಾಂತರ ೭.೫೬ ಕೋಟಿ ರೂ., ಚಿತ್ರದುರ್ಗ ೪.೩೫ ಕೋಟಿ ರೂ., ಚಿಕ್ಕಬಳ್ಳಾಪುರ ೪.೨೬ ಕೋಟಿ ರೂ., ಶಿವಮೊಗ್ಗ ೨.೪೧ ಕೋಟಿ ರೂ., ದಾವಣಗೆರೆ ೧.೮೦ ಕೋಟಿ ರೂ., ಬೆಂಗಳೂರು ನಗರ ೧.೧ ಕೋಟಿ ರೂ. ಬಳಕೆಗೆ ಲಭ್ಯವಿದೆ ಎಂದು ತಿಳಿಸಿದರು.

ಇ-ಪೌತಿ ಖಾತೆ ಯೋಜನೆಯಡಿ ಬೆಂಗಳೂರು ವಿಭಾಗದಲ್ಲೇ ಒಟ್ಟು ೧೪,೬೩,೯೬೮ ಅರ್ಜಿಗಳ ಗುರಿ ಹೊಂದಲಾಗಿದೆ. ಈ ಪೈಕಿ ಗ್ರಾಮ ಆಡಳಿತಾಽಕಾರಿಗಳ ಹಂತದಲ್ಲಿ ೩,೦೪,೮೮೯ ಅರ್ಜಿ ಪೂರ್ಣಗೊಳಿಸಲಾಗಿದೆ. ೮,೫೨,೬೫೧ ಅರ್ಜಿ ವಿಎಒ ಹಂತದಲ್ಲಿ ಪರಿಶೀಲನೆಗೆ ಬಾಕಿ ಇವೆ. ಡಿಸೆಂಬರ್ ಅಂತ್ಯಕ್ಕೆ ಪೂರ್ಣಗೊಳಿಸುವಂತೆ ಪರಮೇಶ್ವರ್ ಸೂಚಿಸಿದರು.

ಭೂಸುರಕ್ಷಾ ಯೋಜನೆಯಡಿ ಕಂದಾಯ ದಾಖಲೆಗಳ ಡಿಜಿಟಲೀಕರಣದಲ್ಲಿ ವಿಭಾಗದಾದ್ಯಂತ ಶೇ. ಪ್ರಮಾಣವು ಶೇ. ೨೪.೦೫ ಆಗಿದೆ. ಈ ಯೋಜನೆಯಡಿ ಸಾರ್ವಜನಿಕರಿಗೆ ೧೫,೬೨,೦೦೩ ಡಿಜಿಟಲ್ ದಾಖಲೆಗಳನ್ನು ವಿತರಿಸಲಾಗಿದ್ದು, ಒಟ್ಟು ೧.೭೨ ಕೋಟಿ ರೂ. ಆದಾಯ ಸಂಗ್ರಹವಾಗಿದೆ ಎಂದರು.

ಜಲಜೀವನ್ ಮಿಷನ್ ಯೋಜನೆಯಡಿ ರಾಜ್ಯಕ್ಕೆ ಒಟ್ಟು ೪೦,೭೧೮ ಕೋಟಿ ರೂ. ಪೈಕಿ ಕೇಂದ್ರ ಸರ್ಕಾರ ಈವರೆಗೆ ಕೇವಲ ೧೧, ೭೮೬ ಕೋಟಿ ರೂ. ಮಾತ್ರ ನೀಡಿದ್ದು, ಇನ್ನೂ ತನ್ನ ಪಾಲಿನ ೮ ಸಾವಿರ ಕೋಟಿ ರೂ. ಹಣ ಈವರೆಗೂ ಬಿಡುಗಡೆ ಮಾಡಿಲ್ಲ ಎಂ ದು ಗ್ರಾಮೀಣಾಭಿವೃದ್ಧಿ ಸಚಿವ ಈಶ್ವರ್ ಖಂಡ್ರೆ ಹೇಳಿದರು.

ರಾಜ್ಯ ಸರ್ಕಾರ ೨೮,೯೨೨ ಕೋಟಿ ರೂ. ಒದಗಿಸಿದೆ. ಈಗಾಗಲೇ ಖರ್ಚಾದ ಅನುದಾನ ಕುರಿತು ಹಣ ಬಳಕೆ ಪ್ರಮಾಣಪತ್ರ ನೀಡಿದ್ದೇವೆ. ಕೊಟ್ಟ ವಾಗ್ದಾನದಂತೆ ಕೇಂದ್ರ ನಡೆದುಕೊಳ್ಳಲಿ ಎಂದು ಒತ್ತಾಯಿಸಿದರು.

ಬಹುಗ್ರಾಮ ಕುಡಿಯುವ ನೀರು ಯೋಜನೆಯಡಿ ೬೯ ಸಾವಿರ ಕೋಟಿ ರೂ. ವೆಚ್ಚದಲ್ಲಿ ೧೩೭ ಕಾಮಗಾರಿಗಳ ಪ್ರಗತಿ ವಿವಿಧ ಹಂತದಲ್ಲಿವೆ ಎಂದರು.

೭೮,೫೪೦ ಕ್ವಿಂಟಾಲï ಬಿತ್ತನೆ ಬೀಜಗಳ ಪೈಕಿ ೧೯,೪೫೪ ಕ್ವಿಂಟಾಲï ವಿತರಣೆಯಾಗಿದ್ದು, ೧೭,೦೮೮ ಕ್ವಿಂಟಾಲï ದಾಸ್ತಾನಿದೆ. ೫,೧೩,೨೨೯ ಮೆ.ಟನ್ ರಸಗೊಬ್ಬರ ದಾಸ್ತಾನಿನ ಪೈಕಿ ೨,೮೩,೬೪೫ ಮೆ.ಟನ್ ಮಾರಾಟವಾಗಿದೆ. ೨,೨೯,೫೮೪ ಮೆ.ಟನ್ ಉಳಿದಿದೆ ಎಂದು ಸರ್ಕಾರದ ಕೃಷಿ ಇಲಾಖೆ ಕಾರ್ಯದರ್ಶಿ ಕ್ಯಾಪ್ಟನ್ ರಾಜೇಂದ್ರ ಸಭೆಗೆ ತಿಳಿಸಿದರು.

ಮೇವಿನ ಲಭ್ಯತೆ: ವಿಭಾಗದಲ್ಲಿ ೨೪ ಲಕ್ಷ ದೊಡ್ಡ, ೬೨ ಲಕ್ಷ ಸಣ್ಣ ಜಾನುವಾರುಗಳಿದ್ದು, ಲಭ್ಯವಿರುವ ೪೬ ಲಕ್ಷ ಟನ್ ಮೇವು ಮುಂದಿನ ೩೮ ವಾರಗಳಿಗೆ ಸಾಕಾಗುತ್ತದೆ ಎಂದು ಪಶುಸಂಗೋಪನೆ ಇಲಾಖೆ ಕಾರ್ಯದರ್ಶಿ ಆರ್.ವಿನೋತ್ ಪ್ರಿಯಾ ಸಭೆ ಯಲ್ಲಿ ತಿಳಿಸಿದರು.

*ರಾಜ್ಯಾದ್ಯಂತ ಮಳೆ ಮರೀಚಿಕೆ

* ಬರ ಘೋಷಣೆ ಸಂಬಂಧ ಕೇಂದ್ರ ಸರ್ಕಾರ ೧೦ ನಿಯಮಗಳಲ್ಲಿ ಬದಲಾವಣೆ ತರಬೇಕಿದೆ

* ಮುಂದಿನ ವಾರ ಸಚಿವ ಸಂಪುಟ ವಿಸ್ತರಣೆ

* ಬರ ಪರಿಸ್ಥಿತಿ ಬಗ್ಗೆ ದೆಹಲಿಯಲ್ಲಿ ಸಂಸದರ ಸಭೆ, ಕೇಂದ್ರದ ಬಳಿಗೆ ಸರ್ವಪಕ್ಷ ನಿಯೋಗ

* ಬಡವರಿಗೆ ಮನೆ, ಭೂ ಗ್ಯಾರಂಟಿ ಸಮರ್ಪಕ ಜಾರಿ

* ಸರ್ಕಾರವೇ ಜನರ ಮನೆ ಬಾಗಿಲಿಗೆ ಹೋಗಬೇಕು

* ಬೆಳೆ ವಿಮೆ ಸಂಬಂಧ ಅಽಕಾರಿಗಳು ರೈತರಿಗೆ ನೆರವಾಗಬೇಕು

* ಶಾಸಕರ ಸಮಸ್ಯೆ ಆಲಿಸಲು ಇಬ್ಬರು ಅಽಕಾರಿಗಳ ನೇಮಕ

* ಪ್ರತಿ ಕ್ಷೇತ್ರದ ಬಿತ್ತನೆ ಬೀಜ, ಗೊಬ್ಬರ ದಾಸ್ತಾನು ಬಗ್ಗೆ ಸ್ಥಳೀಯ ಶಾಸಕರಿಗೆ ಮಾಹಿತಿ

* ಅರಣ್ಯ ಅಽಕಾರಿಗಳು ಯಾವುದೇ ಕಾರಣಕ್ಕೂ ತೊಂದರೆ ನೀಡದಿರಿ

* ಸಿಎಂ ನಡೆಗೆ ಶಾಸಕರಿಂದ ಮೆಚ್ಚುಗೆಯ ಸುರಿಮಳೆ