ಆರ್ಥಿಕ, ಸಾಮಾಜಿಕ ಪ್ರಗತಿಗೆ ಶಿಕ್ಷಣವೇ ದಾರಿ

ಸವಿತಾ ಸಮಾಜ ಕೇವಲ ಒಂದು ಸಮುದಾಯವಲ್ಲ, ಅದು ಸಮಾಜಕ್ಕೆ ಸೌಂದರ್ಯ ನೀಡುವಂಥ ಶ್ರಮಜೀವಿಗಳ ಸಮೂಹ. ಈ ಸಮಾಜದ ಅವಿರತ ಶ್ರಮದಿಂದ ನಾವೆಲ್ಲರೂ ಸುಂದರವಾಗಿ ಕಾಣುತ್ತೇವೆ. ಕುಲವೃತ್ತಿ ಬಗ್ಗೆ ಕೀಳರಿಮೆ ಬೇಡ. ಕೆಲಸದಲ್ಲಿ ವೃತ್ತಿಪರತೆ ಇರಲಿ. ಸಾಂಪ್ರದಾಯಿಕ ಕಸುಬಿಗೆ ಆಧುನಿಕತೆಯ ಸ್ಪರ್ಶ ನೀಡಿ ಉದ್ಯಮವನ್ನಾಗಿ ಪರಿರ್ತಿಸಬೇಕಿದೆ ಎಂದರು.

ಆಧುನಿಕ ತಂತ್ರಜ್ಞಾನ, ನವೀನ ಶೈಲಿಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಹತ್ತು ಜನರಿಗೆ ಕೆಲಸ ಕೊಡುವ ಮಟ್ಟಕ್ಕೆ ಸಮಾಜದ ಯುವಕರು ಬೆಳೆಯಬೇಕು. ಸರ್ಕಾರದ ವಿವಿಧ ಸಾಲ ಸೌಲಭ್ಯ, ಯೋಜನೆಗಳನ್ನು ಸದುಪಯೋಗಪಡಿಸಿಕೊಂಡು ಆರ್ಥಿಕವಾಗಿ ಸಬಲರಾಗಬೇಕು ಎಂದು ಕುಮಾರಸ್ವಾಮಿ ಆಶಿಸಿದರು.

ಪತ್ರಕರ್ತ ಸಂಪಿಗೆ ಟಿ. ತಿಪ್ಪೇಸ್ವಾಮಿ ಉಪನ್ಯಾಸ ನೀಡಿ, ಮನುಷ್ಯರನ್ನು ಸುಂದರರನ್ನಾಗಿ ಮಾಡುವ ಕಾಯಕದ ಮೂಲಕ ಸವಿ ತಾ ಸಮಾಜ ಜಗತ್ತಿಗೆ ಶ್ರೇಷ್ಠ ಕೊಡುಗೆ ನೀಡುತ್ತಿದೆ. ಈ ಸೇವೆ ಕೇವಲ ಉದ್ಯೋಗವಲ್ಲ, ಅದು ಮನುಷ್ಯ ಜೀವನದ ಮೂರು ಹಂತಗಳಾದ ಜನನ, ವಿವಾಹ ಮತ್ತು ಮರಣದಲ್ಲಿ ಹಾಸುಹೊಕ್ಕಿರುವ ಪವಿತ್ರ ಕಾಯಕವಾಗಿದೆ. ಹುಟ್ಟಿದ ಮಗುವಿನ ಚೌಲ ಕರ್ಮ ದಿಂದ ಹಿಡಿದು, ಮರಣದ ನಂತರ ಮೋಕ್ಷಕ್ಕೆ ದಾರಿಯಾಗುವ ಅಂತ್ಯಸAಸ್ಕಾರದ ವಿಽಗಳವರೆಗೆ ಈ ಸಮಾಜದ ಸೇವೆ ಅನಿವಾರ್ಯವಾಗಿದೆ ಎಂದು ತಿಳಿಸಿದರು.

ಬ್ರಹ್ಮನ ಎಡಗಣ್ಣಿನಿಂದ ಉದ್ಭವಿಸಿದ ಸವಿತಾ ಮಹರ್ಷಿಗಳು ಸಾಮವೇದ ರಚಿಸಿದರು. ದೇವತೆಗಳ ಯಜ್ಞ, ಯಾಗಾದಿ ಸಂದರ್ಭ ದಲ್ಲಿ ಅವರಿಗೆ ಸಂಸ್ಕಾರ ನೀಡಿದ ಕಾರಣಕ್ಕಾಗಿ ಆಯುರ್ವೇದ, ಸಂಗೀತ ಮತ್ತು ಕುಲ ಕಸುಬಿನ ಮೂರು ವರಗಳು ಲಭಿಸಿವೆ ಎಂದು ಪೌರಾಣಿಕ ಹಿನ್ನೆಲೆ ವಿವರಿಸಿದರು.

ದೇಶವನ್ನು ಸುದೀರ್ಘ ಕಾಲ ಆಳಿದ ನಂದ ರಾಜವಂಶ ಸವಿತಾ ಸಮಾಜಕ್ಕೆ ಸೇರಿದೆ. ೧೨ನೇ ಶತಮಾನದ ಶರಣ ಹಡಪದ ಅಪ್ಪಣ್ಣ ಅವರು ಬಸವಣ್ಣನ ನಂಬಿಕಸ್ತ ಆಪ್ತ ಮತ್ತು ಆರ್ಥಿಕ ಮಂತ್ರಿಗಳಾಗಿ ಸೇವೆ ಸಲ್ಲಿಸಿದ್ದಾರೆ. ಕಳಚೂರಿ ವಂಶದ ಬಿಜ್ಜಳ ಮಹಾ ರಾಜರು ಬಸವಣ್ಣನವರಿಗೆ ರಾಜಾಶ್ರಯ ನೀಡಿ ಸಮಾಜದಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ಸಹಕರಿಸಿದ್ದರು. ಆಯುರ್ವೇದ, ಸಂಗೀ ತ ಮತ್ತು ಕಲೆಗಳ ಮೂಲಕ ಇಂದಿಗೂ ಜನಸೇವೆಯಲ್ಲಿ ತೊಡಗಿರುವ ಸವಿತಾ ಸಮಾಜವು ಸವಿತಾ ಮಹರ್ಷಿಯ ಆದರ್ಶಗಳನ್ನು ಮೈಗೂಡಿಸಿಕೊಂಡಿದೆ ಎಂದು ತಿಪ್ಪೇಸ್ವಾಮಿ ಹೇಳಿದರು.

ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗಗಳ ವಿಭಾಗದ ಅಧ್ಯಕ್ಷ ಎನ್.ಡಿ. ಕುಮಾರ್, ಕುಡಾ ಅಧ್ಯಕ್ಷ ಎಂ.ಕೆ. ತಾಜ್‌ಪೀರ್ ಮಾತನಾಡಿ ದರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕ ಬಿ.ಎಂ. ಗುರುನಾಥ್ ಸ್ವಾಗತಿಸಿದರು. ಸುರೇಂದ್ರನಾಥ ತಂಡದ ಕಲಾವಿ ದರು ಗೀತಗಾಯನ ಪ್ರಸ್ತುತ ಪಡಿಸಿದರು.

ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಪ್ರಾಽಕಾರದ ಉಪಾಧ್ಯಕ್ಷ ಡಿ.ಎನ್. ಮೈಲಾರಪ್ಪ, ಎಸಿ ವೆಂಕಟೇಶ್‌ನಾಯ್ಕ್, ಸವಿತಾ ಸಮಾಜ ಅಧ್ಯಕ್ಷ ಗೌರವ ಅಧ್ಯಕ್ಷ ಜಿ.ಎನ್.ಲಿಂಗರಾಜು,ಕಾರ್ಯಾಧ್ಯಕ್ಷ ಎನ್.ಶ್ರೀನಿವಾಸ್,ತಾಲೂಕು ಅಧ್ಯಕ್ಷ ಆರ್.ಶ್ರೀನಿವಾಸ್, ಕಾರ್ಯ ದರ್ಶಿ ಆರ್.ನಾ ಗರಾಜ್,ತಾಲೂಕು ಯುವ ಘಟಕದ ಅಧ್ಯಕ್ಷ ರಂಜಿತ್,ವಕೀಲ ಸಾಯಿನಾಥ್,ನಗರಸಭೆ ಮಾಜಿ ಸದಸ್ಯ ನಾಗ ರಾಜ್,ಘನಶ್ಯಾಮ್,ಹನು ಮಂತಪ್ಪ ಮದಕರಿಪುರ,ಧರ್ಮಣ್ಣ ಬಾಬು,ಶ್ರೀನಿವಾಸ್,ಗೋಲ್ಡನ್‌ವೆಂಕಟೇಶ್, ಭರಮಸಾಗರ ಶಿವು, ಪಲ್ಲವಿ,ಪ್ರಸನ್ನ,ಸಂತೋಷ್ ಇತರ ರು ಇದ್ದರು.

"