ಕುಡಿಯುವ ನೀರು, ತ್ಯಾಜ್ಯ ಸಂಗ್ರಹಣೆ ಸಮೀಕ್ಷೆ

ಜಿಲ್ಲೆಯ ಪ್ರತಿಯೊಬ್ಬರಿಗೆ ಶುದ್ಧ ಕುಡಿವ ನೀರು, ಪ್ರತಿ ಗ್ರಾಮದಲ್ಲಿ ತ್ಯಾಜ್ಯ ಸಂಗ್ರಹ ಪ್ರಮಾಣ ಎಷ್ಟಿದೆ? ಈ ಕರ‍್ಯ ಸಮರ್ಪಕ ವಾಗಿದೆಯೇ ಎಂಬ ಸ್ಥಿತಿಗತಿ ಅರಿಯಲು ಜಿಲ್ಲಾ ಪಂಚಾಯಿತಿಯಿAದ ಸಮೀಕ್ಷೆ ನಡೆಸಲಾಗುತ್ತಿದೆ.

೧೮೯ ಗ್ರಾಪಂಗಳ ವ್ಯಾಪ್ತಿಯಲ್ಲಿರುವ ೯೪೭ ಗ್ರಾಮ, ೭೧೪ ಉಪ ಗ್ರಾಮಗಳ ಸಹಿತ ೧೬೬೧ ಜನ ವಸತಿ ಪ್ರದೇಶಗಳು, ೩-೪ ಲಕ್ಷ ಕುಟುಂಬಗಳ ಅಂದಾಜು ೧೫ ಲಕ್ಷ ಜನಸಂಖ್ಯೆಗೆ ಶುದ್ಧ ಕುಡಿವ ನೀರನ್ನು ಸಮರ್ಪಕವಾಗಿ ಪೂರೈಸಬೇಕಾಗಿದೆ. ಪ್ರತಿ ಗ್ರಾಮ ದಲ್ಲೂ ಸ್ವಚ್ಛತಾ ಕರ‍್ಯ ಪರಿಣಾಮಕಾರಿಯಾಗಿ ಅನುಷ್ಠಾನಗೊಳ್ಳಬೇಕಾಗಿದೆ. ಈ ಹಿನ್ನೆಲೆಯಲ್ಲಿ ಸಮಸ್ಯೆ, ಸವಾಲುಗಳನ್ನು ಎದುರಿ ಸಲು ಸಮೀಕ್ಷೆ ನೆರವಾಗಲಿದೆ.

ಜಿಲ್ಲೆಯಲ್ಲಿ ಪ್ರಗತಿಯಲ್ಲಿರುವ ೯ ಬಹು ಗ್ರಾಮ ಕುಡಿವ ನೀರು ಯೋಜನೆಗಳು(ಎಂವಿಎಸ್)ಸAಪೂರ್ಣವಾದ ಬಳಿಕ ಪ್ರತಿ ವ್ಯಕ್ತಿಗೆ ದಿನಕ್ಕೆ ಕನಿಷ್ಠ ೫೫ಲೀಟರ್(ಎಲ್‌ಪಿಸಿಡಿ)ಯಂತೆ ಪ್ರತಿ ಕುಟುಂಬಕ್ಕೆ ಅಂದಾಜು ೨೦೦ ಲೀಟರ್ ಪೂರೈಕೆಯನ್ನು ಖಚಿತ ಪಡಿಸಿಕೊಳ್ಳ ಬೇಕಾಗಿದೆ.

ಗ್ರಾಮೀಣ ಭಾಗದಲ್ಲಿ ಪ್ರತಿ ಮನೆಯಿಂದ ತ್ಯಾಜ್ಯ ಸಂಗ್ರಹಿಸಲಾಗುತ್ತಿದೆಯೇ? ದಿನವೊಂದಕ್ಕೆ ಒಂದು ಗ್ರಾಮದಲ್ಲಿ ಸಂಗ್ರಹಿಸುವ ತ್ಯಾಜ್ಯದ ತೂಕ ತಿಳಿಯಲು, ಜೂನ್ ಮೊದಲ ವಾರದಿಂದ ಜಿಪಂ ಸಿಇಒ ಡಾ.ಎಸ್.ಆಕಾಶ್ ನಿರ್ದೇಶನದಂತೆ ನಡೆಯುತ್ತಿರುವ ಈ ಸಮೀಕ್ಷೆ ದೇಶದಲ್ಲಿ ಮೊದಲನೆಯದೆನ್ನಲಾಗಿದೆ.

ದೇಶದ ವಿವಿಧ ಜಿಲ್ಲೆಗಳಲ್ಲಿ ಸ್ಯಾಂಪಲ್ ಸರ್ವೆ ಆಗಿದೆಯೇ ಹೊರತು, ಚಿತ್ರದುರ್ಗದ ಮಾದರಿ ಪ್ರತಿ ಗ್ರಾಮ/ಉಪ ಗ್ರಾಮದಲ್ಲಿ ಅಲ್ಲ. ಜಲ್ ಜೀವನ್ ಮಿಷನ್ ಕಾಮಗಾರಿ ಪ್ರಗತಿಯಲ್ಲಿದೆ. ಜಿಲ್ಲೆಯಲ್ಲಿ ೧೬೬೧ ಗ್ರಾಮಗಳಲ್ಲಿ(ಗ್ರಾಮ ಉಪಗ್ರಾಮಗಳನ್ನು ಒಂದೇ ಗ್ರಾಮವೆಂದು ಪರಿಗಣಿಸಿ)೧೫೫೯ ಕಾಮಗಾರಿಗಳನ್ನು ಕೈಗೆತ್ತಿಕೊಳ್ಳಲಾಗಿದೆ.

ಮನೆ, ಮನೆಗೆ ನಳ ಸಂಪರ್ಕ, ಒವರ್‌ಹೆಡ್ ಟ್ಯಾಂಕ್ ನಿರ್ಮಾಣ, ಪೈಪ್‌ಲೈನ್ ಅಳವಡಿಕೆಯಂಥ ಕಾಮಗಾರಿಗಳು ಚಾಲ್ತಿಯ ಲ್ಲಿದ್ದರೂ ಹಲವು ಗ್ರಾಮಗಳಲ್ಲಿನ್ನೂ ನೀರಿನ ಬವಣೆ ಇದೆ. ವಾಟರ್ ಸೋರ್ಸ್ ಇಲ್ಲದೆ ನೀರು ಪೂರೈಸಲಾಗದು, ಕೊಳವೆ ಬಾವಿ ಗಳನ್ನು ನೆಚ್ಚಿಕೊಂಡರೆ ಜೆಜೆಎಂ ಯಶಸ್ಸು ಅಸಾಧ್ಯ.

ಜಿಲ್ಲೆಯ ವಿವಿಧ ೧೧ ಎಂವಿಎಸ್‌ಗಳ ಪೈಕಿ ೯ ಪೂರ್ಣವಾಗಬೇಕಾಗಿದೆ. ಜಿಲ್ಲೆಯ ಹಲವು ಗ್ರಾಮಗಳಲ್ಲಿ ವಿವಿಧೆಡೆ ನಿರ್ಮಿಸಿರುವ ಟ್ಯಾಂಕ್‌ಗಳ ಮೂಲಕ ನೀರು ಪೂರೈಸಲಾಗುತ್ತಿದ್ದು, ಕೊಳವೆಬಾವಿಗಳು ಬತ್ತಿದರೆ ಇದಕ್ಕೂ ತತ್ವಾರವಾಗಲಿದೆ. ಸದ್ಯ ಜಿಲ್ಲೆ ಗ್ರಾ ಮೀಣ ಭಾಗದಲ್ಲಿ ಕುಡಿವ ನೀರಿನ ತೊಂದರೆ ಸಾಕಷ್ಟಿದೆ. ಬರದಂಥ ಇಂಥ ಕಠಿಣ ಸನ್ನಿವೇಶ ಎದುರಿಸಲು ಜೆಜೆಎಂ, ಎAವಿಎಸ್‌ ಗಳು ತ್ವರಿತವಾಗಿ ಅ ನುಷ್ಠಾಗೊಳ್ಳಬೇಕಿದೆ.

ಶಾಸಕ ಪುಟ್ಟರಂಗಶೆಟ್ಟಿ ಅವರ ಅಧ್ಯಕ್ಷತೆಯಲ್ಲಿ ಕಳೆದ ವಾರ ಬೆಂಗಳೂರಲ್ಲಿ ಕ್ಯಾಬಿನೆಟ್ ಸಬ್ ಕಮಿಟಿ ಮೀಟಿಂಗ್‌ನಲ್ಲಿ ಚಿತ್ರದುರ್ಗದಲ್ಲಿ ನಡೆಯುತ್ತಿರುವ ಸಮೀಕ್ಷೆ ಕುರಿತಂತೆ ಚರ್ಚೆಯಾಗಿದೆ. ಈ ಸಭೆ ಹಾಗೂ ಜಿಲ್ಲೆಗೆ ಇತ್ತೀಚೆಗೆ ಭೇಟಿ ವಿಶ್ವಸಂಸ್ಥೆ-ಕೇAದ್ರದ Uಅಖಏ ಕಮಿಟಿ ಕೂಡ ಸರ್ವೆ ಕರ‍್ಯವನ್ನು ಶ್ಲಾಘಿಸಿದೆ.

ಶುದ್ಧ ಕುಡಿವ ನೀರು ಪೂರೈಕೆ ಕುರಿತಂತೆ ವಸ್ತುಸ್ಥಿತಿ ಅಧ್ಯಯನ, ಬರಗಾಲದ ಸಂದರ್ಭ ತ್ವರಿತ ಪರಿಹಾರಕ್ಕೆ ಅನುಕೂಲ, ಕೊಳವೆ ಬಾವಿ, ಓವರ್ ಹೆಡ್ ಟ್ಯಾಂಕ್, ಆರ್‌ಒ ಪ್ಲಾಂಟ್ ನಿರ್ಮಾಣ ಇತ್ಯಾದಿ ನೀರಿನ ಸೌಲಭ್ಯಗಳನ್ನು ಅಗತ್ಯವಿರುವ ಗ್ರಾಮಗಳಿಗೆ ಒದಗಿಸಲು, ಜಿಲ್ಲೆಯ ಕುಡಿವ ನೀರು ಪೂರೈಕೆಯ ಕಾಮಗಾರಿಗಳನ್ನು ಚುರುಕುಗೊಳಿಸಲು, ಹಿರಿಯೂರು ತಾಲೂಕು ಬುರುಜನರೊಪ್ಪದಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯ ಸಂಸ್ಕರಣೆ ಘಟಕಕ್ಕೆ ಅನುದಾನ ಪಡೆಯಲು ಇತ್ಯಾದಿ ಸಮಸ್ಯೆಗಳನ್ನರಿತು ನಿಖರ, ವೈಜ್ಞಾನಿಕವಾಗಿ ಪರಿಹರಿಸಲು ಸಮೀಕ್ಷೆ ಅನುಕೂಲವಾಗಲಿದೆ.

ಮನೆ,ಮನೆಗೆ ತೆರಳಿ ಸಮೀಕ್ಷೆ ನಡೆಸಿಲ್ಲ. ಗ್ರಾಮೀಣ ಕುಡಿವ ನೀರು ನೈರ್ಮಲ್ಯ ಇಲಾಖೆ ಹಾಗೂ ನರೇಗಾ ಇಂಜಿನಿರ‍್ಸ್ ಮತ್ತು ಗ್ರಾಪಂ ಸಿಬ್ಬಂದಿ ತಂಡ ನೀರು ಪೂರೈಸುವ ಒಎಚ್‌ಡಿ ಬಳಿ ಫ್ಲೋ ಮೀಟರ್ ಬಳಸಿ ಮಾಹಿತಿ ಸಂಗ್ರಹಿಸುತ್ತಿದೆ. ಇನ್ನು ತ್ಯಾಜ್ಯ ಸಂಗ್ರಹಿಸುವ ಖಾಲಿ ವಾಹನದ ತೂಕ ಹಾಗೂ ತ್ಯಾಜ್ಯ ಸಂಗ್ರಹಿಸಿದ ಬಳಿಕ ಮತ್ತೊಮ್ಮೆ ತೂಕ ಮಾಡಿ ನಿತ್ಯ ಸಂಗ್ರಹವಾಗುವ ತ್ಯಾಜ್ಯ ಪ್ರಮಾಣವನ್ನು ತಿಳಿ ಯಲಾಗುತ್ತಿದೆ.

ಜಿಲ್ಲೆಯಲ್ಲಿರುವ ವಿವಿಧ ಕುಡಿವ ನೀರಿನ ಯೋಜನೆಗಳ ಸಮರ್ಪಕ ಉಸ್ತುವಾರಿಗಾಗಿ ಜಿಪಂ ಆವರಣದಲ್ಲಿ ನಿರ್ಮಿಸುತ್ತಿರುವ `ನೀರ್ ಲ್ಯಾಬ್'ಗೆ ಸದ್ಯದಲ್ಲೇ ಸಿಎಂ ಚಾಲನೆ ನೀಡಲಿದ್ದಾರೆ. ಯೋಜನೆ ಅನುಷ್ಠಾನದಲ್ಲಿ ಎದುರಾಗುವ ತೊಡಕು ನಿವಾರಿಸುವ ನಿಟ್ಟಿನಲ್ಲಿ ಅಂಕಿ ಅಂಶಗಳ ಸಂಗ್ರಹ, ವಿಶ್ಲೇಷಣೆ, ಮಾರ್ಗದರ್ಶನದೊಂದಿಗೆ ಕಂಟ್ರೋಲ್ ರೂಂ ಮಾದರಿ ಲ್ಯಾಬ್ ಕೆಲಸ ಮಾಡಲಿದೆ.

-